رواية غرامي الفصل الرابع 4 - بقلم مريم حسن

مازن: غرام أنا هفتح، ها. استنيت دقيقة وفتحت الباب. اتصدمت من اللي شوفته. غرام: أنت متخلف، إزاي تفتح الباب من غير ما تخبط؟ أنا واقف مصدوم، معقول هي دي اللي أنا متجوزها غصب عني. بصتلي كده بصة معرفتش أفسرها، ولسه هتكلم لقيتها زقتني برا الأوضة وقفلت في وشي. كانت قمر، وكانت لابسة الهاند فري وفاردة شعرها الأسود الناعم اللي أول مرة أشوفه، ولابسة برمودا. معقول هي دي غرام. مازن: احم.

طب على فكرة أنا ناديت عليكي كتير وقولتلك إني هفتح، وأنتي مردتيش. غرام: كان ممكن ترن عليا عادي. مازن: على فكرة أنا ده بيتي وأقدر أدخل أي حتة فيه. غرام: بس أنت عارف إني جوه. مازن: خبطت كتير ومردتيش. غرام: مكنتش سامعة. مازن: على العموم، أنا كنت جاي أ صالحك وأقولك حاجة، بس أنتِ اللي مش عاوزة. غرام: أيوه مش عايزة. مازن: طيب تمام، هاكل الشوكولاتة أنا لوحدي بقى. غرام بسرعة: لا لا استنى، أنا جاية. مازن: طيب.

بعد ربع ساعة لقيتها طالعة لابسة اسدال. غرام بطفولية: فين الشوكولاتة؟ مازن: اقعدي طيب. غرام: هام. مازن: خدي. غرام: إيه ده؟ أنت عرفت إني بحب النوع ده إزاي؟ مازن: رنيت على ماما وسألتها. غرام وهي بتاكل: امم، اشطة. مازن: غرام، أنا عرفت إنك بتحبي شغلك ده، فعايز أقولك تقدري تروحي تصوري بكرة. غرام بابتسامة وفرحة: بجد؟ لقيت ابتسامتها جميلة أوي، كانت شبه الطفلة. مازن: مكنتش أعرف إنك بتحبي التصوير أوي كده. غرام: بحبه أوي والله.

مازن: طيب يا ستي، أنا هقوم أنام أنا. غرام: مش هتاكل؟ مازن: لا مش جايلي نفس. غرام: أنت مأكلتش من ساعة ما فطرت. مازن: طيب يا ستي هاكل، بس بشرط. غرام باستغراب: شرط إيه؟ مازن: تاكلي معايا. غرام: مش عايزة آكل. مازن: لا يبقى خلاص، أنا قايم أنام. عايزة حاجة؟ غرام: استني. مازن: إيه؟ غرام: هاكل معاك. مازن: ماشي، يلا. اليوم التالي. غرام: صباح الخير. مازن: صباح النور. غرام: اقعد يلا افطر. مازن: لا، هروح الشغل، اتأخرت.

غرام: طيب. أنا هروح أصور السيشن الساعة 2 كده. مازن: تمام. ابتسمتلها وفتحت الباب ومشيت. غرام: يا ربي على ابتسامته دي، قمر أوي. يخربيت حلاوته، إيه اللي بقوله ده. بعد 8 ساعات. البنت: تصويرك جامد. غرام: حبيبتي، تسلمي. البنت: طب أنا همشي أنا بقى، لما تخلصيهم ابعتيهملي. غرام: حاضر. البنت مشيت وغرام فضلت واقفة بتبص وراها. لقت. غرام بصدمة: تاني! ابعد عني بقى. مكنتش أعرف إنك هتتجوزي وتسبيني يا غرامي.