رواية غرامي الفصل السابع 7 - بقلم مريم حسن

زياد: عايز أقرب مازن وغرام من بعض، ينفع تساعديني؟ ليلي: أكيد هساعدك، بس هنعمل إيه؟ زياد: هقولك، بصي... ليلي: يالهوي! زياد: إيه؟ ليلي: لو مازن عرف هيزعقلنا جامد. زياد: متخافيش. ليلي: طب، طب هقنعه يقعد معانا إزاي؟ زياد: مش عارف، بس اسألي خالتو رحمة، هتقولك. ليلي: هي ماما عارفة؟ زياد: أيوه، أنا سألتها وهي اللي قالتلي على الخطة دي. ليلي: اممم، اشطا. زياد: تمام. ليلي: هقفل أنا بقي. زياد: تمام. رحمة: ها، زياد قالك؟

ليلي بتوتر: ها... ق، ق، قالي إيه؟ رحمة: أنا عارفة الخطة وهو قايللي، وعارفة إنك كنتي داخلة تكلميه مش تذاكري. ليلي: أنا... رحمة: بصي بصي، إحنا هنزن عليه لحد ما يوافق. ليلي: اشطا. رحمة: استني بقي لما ييجي عشان خد أكل وطلع فوق ياكل هو وغرام. ليلي: اشطا. مازن: دي بس، طيب. غرام بكسوف: شبعت. مازن: لا، لا، عشان خاطري، ها، يلا افتحي بوقك. غرام: أهو، خلاص، كده بقي. مازن: طيب، يستي. غرام: طب، مش هتاكل؟ مازن: لا، أنا شبعان.

غرام: أنت مأكلتش، أنت كنت قاعد بتأكلني كل بق. مازن: أنا واكل برا. غرام: طيب. مازن: طب، أنا همشي أنا بقا. غرام: مش هتبات معانا النهارده؟ مازن: لاء. غرام: تمام. رحمة: رايح فين يا مازن؟ مازن: همشي أنا بقا يا ماما. ليلي: إيه! تمشي إيه يا مازن، خليك معانا. مازن: يوم تاني. رحمة: متقعد يواد، ده بيتك يعني. ليلي: هههه، محسسني إنه غريب، طب ما أنت قبل ما تتجوز كنت قاعد معانا. رحمة: اقعد بقا يحبيبي.

ليلي: احم، متقوليلو يقعد يا غرام، يمكن يسمع كلامك. غرام بكسوف وتوتر: ها... أ، أ، اقعد م، معانا. مازن: يا جماعة، في إيه؟ أنا عندي شغل كتير، مش هعرف. ليلي: مازن، نبي. مازن: طيب، طيب. ليلي: هيهيها. غرام لنفسها: (يعني إيه يعني؟ هو دلوقتي هينام في أوضته صح؟ أيوه، أيوه، مش هييجي ينام معايا أكيد.) رحمة: إيه غرام، مش فرحانة لي؟ غرام: ها، لا، فرحانة، آه. رحمة: ماشي يحبيبتي، يلا خدي جوزك عشان يرتاح، باين عليه تعبان. غرام: أنا؟

رحمة: طبعاً. مازن: أنا هقعد معاكو عادي. ليلي: اشطا جدا، تيجوا نلعب. رحمة: ماشي، ومازن وغرام كمان يلعبوا معانا. مازن: تمام. غرام: هنلعب إيه؟ ليلي: ماما هتقول حرف، ولازم تجيبي أغنية بالحرف ده. غرام: اشطا. مازن: أوك. رحمة: ها، أول حاجة، غرام. ليلي بهمس لمامتها: ي، قولي الياء. رحمة: احم، حرف الـ "ياء". غرام: اممم... يا اللي أنا شايفه ده، معقولة فيه كده؟ أنا بحلم ولا حقيقة؟ طب إيه ناويلي على إيه؟

من بعد النظرة دي تسمحلي من وقتك بدقيقة، فين ألاقي كده؟ فين؟ بدوب من ثانيتين، حبيبي جيت غيرتلي حالي... ليلي: بجد صوتك جميل قوي. رحمة: فعلاً. مازن: ها، مين عليه الدور؟ رحمة: أنت. مازن: طيب، حرف إيه؟ ليلي: حرف "ش". مازن: لا، غيريه، مفيش أغاني بـ "الشين" تقريباً. غرام: ممكن أقولها أنا بدالك؟ ليلي: آه، آه، قولي.

غرام: شوفف كلمة من أربع حروف، قولها وبطل كسوف، قولي بقا وأكدها لي، وراح أنا قلبي مني راح، وأنا عندي اقتراح، تعالي بين حضني وقولهالي، وفين ألاقي كده؟ فين؟ بدوب من ثانيتين... مازن لنفسه: (بجد صوتها جميل فعلاً، وإحساسها أجمل بكتير.) رحمة: دورك يا مازن. مازن: حرف إيه؟ ليلي: بمازن: بعمري شاريك وعيني عليك، بعيش علشان بموت في عنيك وفيك، حيران ومشغول بيك، وعلي بالي معاك، الشوق أخدني لفوق، وكنت بضيع لقيتني بفوق...

رحمة: دورك يا ليلي، وحرف "ي". ليلي: يا أميرتي يا جميلتي يا سيدة كل النساء، لا تتركيني في وحدتي، فالابتعاد عنك ابتلاء... مش حافظة الباقي، ههه. غرام: ههه. ليلي: دورك يا غرام، حرف "أ". غرام: مش عارفة... لا، لا، عرفت... الجمال عدي الكلام، اضحكيلي وتاخدني كام، أدفع العمر اللي جاي، بس تردي السلام، مش بأفورة صدقيني، حسي بيا، كلميني، حتى لو موضوع غريب، اللي طالبه تفهميني، أنا والله من ناس... رحمة: حلوة أوي الأغنية دي.

ليلي: آه، جميلة. غرام: احم، طب أنا هقوم أنا بقا. رحمة: ماشي يحبيبتي، تصبحي ع خير. غرام: وانتِ من أهله. ليلي: هتنام إمتى يا مازن؟ مازن: ليه؟ أنا مضايقك في حاجة؟ ليلي: آه... لا، لا، عادي. رحمة: قوم يحبيبي نام أنت كمان، شكلك تعبان. مازن: تمام. أسامة: إزاي يعني لسه مطلقوش؟ سامر: مش عارف. أسامة: عادي، أنا مش ورايا غيرهم. أسامة: جاي يا بابا. سامر: همشي أنا بقا. أسامة: تمام. أسامة: نعم يا بابا.

الأب: قلت لك سيبك منها بقا يحبيبي، عايز أشوفك عريس قبل ما أموت. أسامة: إيه يا بابا ده، بعد الشر عليك. الأب: أنا تعبان يا أسامة وحاسس إني هموت، عايز أفرح بيك قبل ما أموت، وهي خلاص اتجوزت يبني. أسامة: يا بابا، أنا مش هسيبها، غرام ليا أنا. الأب: يحبيبي، ما هي اتجوزت وربنا يخلي لها جوزها، سيبهم في حالهم بقا يبني. أسامة: إنشاء الله. الأب: ربنا يهديك. الباب بيخبط. غرام: أكيد مش هو يعني، احم، اتفضل. مازن: لسه منمتيش؟

غرام: أيوه، أنت جاي هنا تعمل إيه؟ مازن: نعم؟ غرام: جاي تعمل إيه؟ هنام. مازن: جاي ألعب، تلعبي معايا؟ غرام: لا والله. مازن: إنتي غبية وأنا تعبان ومش ناقصك... (راح قعد ع السرير) غرام: لا، أنا مش هنام معاك. مازن: نامي ع الأرض. غرام: وليه أنت متنمش ع الأرض؟ مازن: إنتي صداع ليه؟ ها، سبيني أنام بقا. النور فجأة قطع. غرام: آآآآآآه! الحقني!