رواية غرامي الفصل الثامن 8 - بقلم مريم حسن

غرام: اعاااااا الحقني! مازن: أي دا؟ غرام: أنت فين؟ مازن: أنا ع السرير. غرام بعياط: أنا خايفة. مازن: أنتي فين؟ غرام: قدام السرير. مازن قام فضل يدور عليها لحد ما لقها ومسك إيديها. مازن: ششش، أهدي. بتعيطي ليه؟ غرام بشهقات: عندي فوبيا من الضلمة. مازن: جتلك إزاي؟ غرام: .... مازن: غرام في إيه؟ إيه ده أنتي عرقتي كده ليه؟ غرام بخوف وصوت مهزوز: مش قادرة آخد نفسي. قيد نور بسرعة. مازن: طب استني طيب. أشوف كشاف التليفون...

يوووه، فاصل شحن. فين تليفونك؟ غرام: مش عارف. مازن: طيب استني اقعدي. أنزل أشوف ده عندنا إحنا بس ولا إيه. غرام مسكت فيه جامد: متسبنيش! مازن: متخافيش مش هسيبك. خليكي هنا ثانية طيب أشوف شمع. غرام: كداب، هتمشي وتسبني في الضلمة دي لوحدي. مازن: مش هسيبك متخافيش. بقالي ربع ساعة. مازن: ها، كده في نور شوية صح؟ غرام بتدأ تاخد نفسها: آه. مازن جاب شمع كتير وحطه حواليها.

مازن: على فكرة القميص هيتقطع من كتر شدك فيه كده. قولتلك مش هسيبك متخافيش. غرام بإحراج سابته: أنا... أنا آسفة. مازن: ولا يهمك. غرام: النور هيفضل كده كتير؟ مازن: منا قولتلك أنزل أشوفه ونتي مش راضية. غرام بتردد: طب طب انزل. مازن: متأكدة؟ غرام: آه. مازن: تمام. ليلي: ماما، مازن وغرام مش طالع ليهم صوت. رحمة: مش عارفة يختي. مازن: ماما. رحمة بخضة: مازن بتعمل إيه هنا؟ مازن: النور قاطع في الشقة اللي فوق، مش قاطع هنا ليه؟

رحمة بتوتر: يمكن في حاجة حصلت في الكهربا. مازن: طب أنا هروح أشوف عشان غرام تعبانة. رحمة بخضة: تعبانة؟ مالها في إيه؟ مازن: عندها فوبيا من الضلمة ومكنتش قادرة تتنفس. رحمة: يلهوي! طب أنا هطلع لها بسرعة. مازن: مفيش نور. هروح أشوف في إيه وبعدين نطلع. ليلي: طيب أنا هروح أشوف. مازن: يابنتي أنا رايح. ليلي بسرعة: لا لا أنا هشوفها. مازن بشك: في إيه؟ رحمة: تعالي بس كده، عايزك في كلمتين. روحي يا ليلي شوفي في إيه وتعاليلي.

ليلي وهي بتجري: حاضر. مازن: في إيه؟ رحمة: لا مفيش. مازن: أنتي مش قولتي عايزاني؟ رحمة: آه آه. قولي بقا عامل إيه مع غرام. ليلي: عملتها. مازن: بالسرعة دي! غرام: مازن، النور جه. مازن: تمام. رحمة: مالك يا غرام فيكي إيه؟ غرام: مفيش يماما. عندي فوبيا من الضلمة ومكنتش قادرة أتنفس، بس أنا دلوقتي الحمد لله. رحمة حضنتها: معلشي يحبيبتي. غرام بإستغراب: على إيه؟ رحمة: أنا... ليلي قاطعتها: ولا حاجة يا غرام. يلا روحي ناموا أنتو.

مازن: تمام، يلا يا غرام. غرام ومازن طلعوا. ليلي: إيه يماما ده؟ كنتي هتقوليلها. رحمة: أعمل إيه يعني. ليلي: لو مازن عرف هيزعق. وبعدين إيه تقطعوا عليهم النور ده؟ أهو في الآخر طلع عندها فوبيا. رحمة: بت انتي مش انتو اللي سألتوني؟ أنا مش ناقصة صداعك. أنا راحة أنام. في اليوم التالي صحيت لقيت غرام نايمة زي الملاك بالظبط، وأنا نمت ع الكنبة طبعاً بعد خناق كتير، مشت كلامها هه. قمت غسلت وشي ونزلت. مازن: ماما... ليلي.

ليلي: إيه يا مازن؟ مازن: ماما فين؟ ليلي: بتشتري طلبات. مازن: تمام. أنا رايح الشغل. ليلي: تمام. مازن مشي وأنا طلعت لـ غرام. خبطت لقيتها فتحتلي. ليلي: صباح الخير. غرام: صباح النور. مازن مشي؟ ليلي: آه... تيجي نخرج؟ غرام: فين؟ ليلي: نتمشى شوية. غرام: إشطا، هغير وأجي. ليلي: إشطاا. أسامة: الو ي سامر... ماشي... تمام. هستناك ف كافيه***. تمام. بنت خبطت فيها. أسامة: أنتي عامية؟ أنتي!!