رواية غصون الفصل الرابع 4 - بقلم يارا عبد العزيز

دخلت مي الأوضة وبصيت لإيد يونس اللي ماسكة في إيد غصون بغيرة وغضب. بعدت إيديه عنها بغضب واتكلمت بدموع: = بقولك انت اتجوزت عليا! ما تنطق! مين دي! كملت وهي بتطلع صور كتب كتاب يونس وغصون وترميها في وشه: = وإيه دا! ما ترد عليا! قولي إن كل دول غلط، كذب. اللي عيني اللي شافته وأنا هصدقك. يونس بحدة وهو بيمسك معصم إيديها: = مي، اهدي. أنا فعلًا اتجوزت غصون بس... قاطعته وهي بتتكلم بغضب مفرط وبكاء: = اتجوزتها! لييييه!

دي آخرة إني حبيتك. الكل قالي بلاش، ده قاسي وصعيدي وهيخدك، إنتي البهيمة الأولى وبعدين هيجر وراكي التلاتة ويقولك دا حقي. بس أنا اللي كدبتهم واتجوزتك. وطلعت زيهم بني آدم زبالة... وحقير... قاطعها وهو بيضربها بقوة على وشها. اتكلم بفحيح وهو بيقرب منها وبييبصلها بغضب: = الزمي حدودك وإنتي بتتكلمي عني. والله العظيم لولا إني مراعي الظرف اللي إنتي فيه دلوقتي لكنت ندمتك أوي على اللي إنتي قولتي.

بصتله بصدمة وهي بتحط إيديها على خدها. بصت لغصون بغضب مفرط ومسكتها من شعرها بقوة واتكلمت بغضب: = بتضربني... عشان دي! والله ما هخليها تعيش ثانية واحدة، خاطفة الرجالة. غصون بصت ليونس بدموع ومنطقتش. هي مصدومة من فكرة إن يونس متجوز أصلًا وحاسة بكتلة من الذنب على قلبها. كانت لسه هتتكلم بس قاطعها يونس وهو بيبعد مي عنها وبيتكلم بغضب: = إنتي اتجننتي! ما تسكتي بقى وافهمي. مي بغضب وبكاء: = أفهم إيه!

إنت بعد اللي عملته خلتلي أي حاجة أفهمها. أنا مي السيوفي تسوى واحدة صعيدية جاهلة زي دي بيا وتتجوزها عليا! يونس بفحيح: = اللي إنتي بتتكلمي عنها دي تبقى بنت عمي ومراتي. إنتي لو بتسكتي هفهمك، لكن إنتي نازلة إهانة فيا وفي أهلي من ساعة ما جيتي. مع إنك عارفة كويس أوي أنا ممكن دلوقتي أتصرف معاكي إزاي. غصون بدموع: = والله العظيم إنتي فاهمة غلط. أنا ويونس اتجوزنا بس... قاطعتها مي وهي بتتكلم بغضب مفرط:

= مش عايزة أسمع صوتك. اطلعي برا أوضة جوزي. بقولك اطلعي برا! كملت كلامها وهي بتدخل غرفة الملابس وبتأخد هدوم غصون. شالتهم على إيديها ورمتهم قدام الباب. كانت لسه هتمسك إيد غصون وتطلعها برة، وقفها يونس اللي مسك إيديها بغضب. كان لسه هيتكلم بس قاطعته غصون وهي بتتكلم بدموع وغضب: = ابيه، سيبها لو سمحت. أنا هنادي حد من الخدم يلم لي باقي حاجتي وهروح أقعد في أوضتي. قالت كلامها وكانت لسه هتخرج بس وقفت لما لاقت الكل متجمع.

اتكلم كامل بغضب: = مين دي اللي عايزة تطردك من أوضة جوزك! مي بغضب: = مراته. مراته اللي اتجوزها من سنة واستغفلها وقالها: "همهد لأهلي موضوع جوازي منك وهعرف الكل إني متجوزك". وفي الآخر اكتشفت إنه متجوز عليا. بصولها الجميع بصدمة ما عدا نبيلة وحمدي. مني بصت لغصون ومسكت إيديها بحنان. اتكلم كامل بغضب مفرط وهو بيبص: = الكلام ده صح! يونس بحدة:

= أيوه صح. مي مراتي. وأنا مقولتش لأني عارف إن محدش هنا هيقبلها. اتجوزتها وهي عايشة معايا في القاهرة. كامل راح عنده ووقف قدامه واتكلم بغضب: = إنت اتجننت شكلك! إنت عارف كويس أوي إن محدش عندنا يتجوز برا الصعيد. وإنت روحت واتجوزت واحدة من البندر منعرفش أصلها ولا فصلها. البنت دي إنت لازم تطلقها حالا. متكسرش بخاطر بنت عمك. يونس بغضب:

= بنت عمي دي إنت عارف كويس أوي أنا اتجوزتها ليه. غصون مكنتش اختياري وأنا مينفعش أظلم مراتي عشانها أو عشان أي حد. أنا قولت لبابا إن شهرين بالظبط وهطلق غصون عشان محدش يمسها بأي كلمة سوء. هطلقها وبعدين هاخد مي ونرجع القاهرة. مني بحدة:

= وبنتي مش مرمية عليك يا يونس باشا. بنتي مليون واحد يتمنى ضفرها وانت أصلًا متستاهلهاش. وأظن الكل عرف إن بنتي مظلومة وإنها أشرف من الشرف. ولا أقولك ليه نستنى شهرين، إنت طلقها حالا وخد مراتك اللي رمت هدوم بنتي على الباب دي وأهانتها... ومشي. نواره بغضب: = يا مني، ده بيت يونس وهو ليه فيه أكتر منك إنتي وبناتك. كامل بغضب: = بس إنتي وهي!

شهرين بالظبط وتاخد اللي جت دي وتمشي من القصر هنا. أنا مستحيل أقبل بيها من حريم البيت هنا. يلا كل واحد على أوضته. مشيوا كلهم من الجناح ومبقاش فاضل غير يونس ومي. اتكلم بحدة وهو بيبصلها: = اللي عملتيه من شوية ده أنا مش هعديه وكلامك اللي إنتي قولتي مش هنساه. مي بدموع وهي بتحضن خده بإيديها: = يعني إنت عايزني أعرف إنك متجوز عليا وأسكت! إنت بتاعي أنا وبس يا يونس، ومفيش واحدة في الكون تقدر تشاركني فيك أو تاخدك مني.

كملت بحدة: = إنت فاااهم. اتنهد بغضب واتكلم بهدوء: = لو كنتي سمعتني كنتي عرفتي اللي حصل بالظبط. مي بهدوء: = تمام، فهمني. إيه السبب اللي خلاك تتجوزها. يونس بحدة: = مش هينفع أقوله. دي حاجة تخص غصون. بس كل اللي أقدر أقولهولك إني مش بحبها وكلها شهرين وهطلقها. وجودك هنا ملوش أي لازمة. امشي وأنا بمجرد ما أطلقها هرجع. مي بغضب مفرط: = والله!

أرجع عشان أسيبك معاها لوحدكم. أنا مش همشي من هنا غير وإنت معايا ومطلقها. إنت هتعيش متجوزها قدام الناس وبس. مش هسمحلك تقرب منها ولا يتقفل عليكم باب وإنتوا لوحدكوا، وده اللي عندي. ابعت أي حد من الخدم ياخد باقي حاجتها من هنا والبنت دي متهوبش ناحية الجناح ده ولا ناحيتك، وإلا والله العظيم هزعلها جامد وإنت عارفني كويس لما بقلب على حد. اتنفس بغضب مفرط واتكلم بحدة:

= اعملي اللي تعمليه. أنا ماشيلو. فضلت معاكي بأسلوبك ده كمان خمس دقايق مش ضامن هعمل فيكي إيه. قال كلامه وخرج. بصت لطيفة بغضب مفرط ودخلت غرفة الملابس تلم باقي حاجة غصون. في غرفة غصون. كانت قاعدة على السرير وبتحرك رجليها بتوتر وخوف وكلام يونس في دماغها ومش راضي يروح من بالها. حسيت بألم من رفضه ليها بالشكل ده ومن فكرة إنه متجوز واحدة تانية غيرها. حسيت بغصة في قلبها ودموعها نزلت بتلقائية. مني راحت عندها وحطت إيديها

على كتفها واتكلمت بحنان: = متزعليش نفسك يا حبيبتي. إنتي كدا كدا مش بتحبيه، يعني يروح وإيه اللي فيها. غصون بدموع وهي بتهز في رجليها بغضب: = صح، أنا مش بحبه. ليه أزعل! ربنا يوفقه. مني لاحظت حالتها اتكلمت بشك: = إنتي زعلانة عشان اتعصبت عليكي. والله لدفعها التمن غالي اللي تتجرأ وتتعامل كدا مع بنت نبيل البسيوني. دخلت جوا حضن مني وفضلت تعيط بقوة وهي حاسة بألم شديد في قلبها. اتكلمت بشهقات: = أنا مخنوقة...

أوي يا ماما. حاسة بكتلة على قلبي. يا ريت كان يونس موتني... كنت هرتاح من كل اللي أنا فيه دلوقتي. يونس كان معدي من قدام الأوضة. أول ما سمع صوت عياطها وقف. دموعه نزلت بتلقائية وهو بيبصلها. حس بغصة في قلبه بمجرد ما شاف دموعها بالشكل ده. ضرب إيديه في الحيطة بغضب ومشي بسرعة وهو بيحاول ينفي كل الأفكار اللي جت في دماغه. وقف وسند بإيديه على تربزين السلم وبص للدور الأرضي بشرود واتكلم في نفسه:

= حسيت بقلبي مش قادر ينطق إني هطلقها. أنا عايزها. يواااه! فوق، إنت متجوز. مينفعش تظلم مي معاك. إنت قولت إنك مش هتسمح لقلبك إنه يمشيك وهتبص لمصلحتك في النهاية. خليك ماشي بعقلك وحاول تبعد عن غصون. قال كلامه ودخل الجناح بتاعه. لقى مي بتدي للخدامة هدوم غصون والهدوم اللي كانت واقعة على الأرض. الخدامة شالتها. قعد على الكنبة بشرود. وبمجرد ما الخدامة خرجت، مي راحت عنده واتكلمت برقة:

= أنا آسفة يا حبيبي. عارفة إني زودتها بس أعمل إيه. بحبك وبغير عليك. مش هتتكرر تاني وهقعد هنا مؤدبة وهستحمل عشانك. قالت كلامها ودخلت جوا حضنه ودفنت وشها في رقبته واتنفست ريحة بعمق. = بحبك أوي يا يونس. حاوط ضهرها بإيديه بتردد واتكلم بهدوء: = مين اللي بعتلك الصور اللي معاكي. طلعت من حضنه واتكلمت برقة: = مش عارفة. لقيتهم على باب الفيلا ومن ساعتها وأنا اتجننت وجيت على طول. مرضتش أقول لبابي عشان ميتعصبش ويؤذيك...

عشان تعرف أنا بحبك قد إيه. اتكلم بحدة: = كنتي قولتي يا مي. أنا مبخافش من حد. وتاني مرة متتكلميش معايا بصيغة التعالي دي تاني، إنتي فاهمة. هزت راسها بخوف واتكلمت برقة وهي بتلعب في زراير قميصه: = فاهمة. على فكرة إنت وحشتني أوي. كملت كلامها وهي بتمسك إيديه وتقومه: = تعال معايا. هنسيك كل الكلام اللي قولته.

قام معاها وهو بيحاول يمحي صوت قلبه اللي رافض قربها. وكأنه كان مموت قلبه من ساعة ما اتجوزها ويوم ما فاق رفض قربها. قعدوا على السرير وحضنته بعمق. دفن وشه في رقبتها ووضع قبلات متفرقة عليها. اتكلمت مي بهدوء وهي بتغمض عينيها: = إنت مقربتش من غصون صح. هز راسه بالم وبعد عنها بسرعة وهو حاسس بألم لأول مرة يحسه بالشكل ده. اتكلم بهدوء: = أنا عايز أنام. حاسس إني تعبان شوية. اتنفست بغضب واتكلمت بحدة:

= بتهيألي إننا الصبح وإنت لسه صاحي. اتكلم بتوتر مقدرش يداريه: = اااه، هخرج أشوف الأراضي والمصنع. من ساعة ما جيت مروحتش. هرجع بليل. قال كلامه ومشي. لقى نفسه بيروح أوضة غصون. ملاقهاش موجودة في أوضتها. بص للخدامة اللي بتحط حاجة غصون في غرفة الملابس واتكلم بحدة: = غصون هانم فين! الخدامة باحترام: = نزلت مع الست مني المطبخ من عشر دقايق. هز راسه بهدوء ونزل. لقاها واقفة لوحدها قدام البوتاجاز وبتعمل أكل. اتكلم

باستغراب وهو بيقف جنبها: = بتعملي إيه هنا! اتكلمت بهدوء منافي تمامًا للبركان اللي جواها: = بعمل أكل. يونس بهدوء: = إنتي فعلًا ملحقتيش تفطري. كنتي قولتي لحد من الخدم. إنتي كنتي في المستشفى امبارح وأكيد تعبانة. اتكلم بحدة: = لا، أنا كويسة. أتمنى تكون صالحِت مراتك ويا ريت متكونش لسه زعلانة. واااه يا ابيه، إحنا ممكن نطلق من بكره ومتخافش من كلام الناس. أنا هعرف أسكت أي حد يتكلم عليا كويس. يونس بغضب:

= بس أنا قولت شهرين. وبعدين إيه، "ابيه" اللي إنتي ماسكها دي! اتكلمت بحدة: = برجع الأمور لطبيعتها. إنت أخويا الكبير وهتفضل كدا لنهاية عمرنا. عايز حاجة أعملهالك. هز راسه بالنفي واتنفس بغضب وخرج من المطبخ. بصت لطيفة بدموع وكملت في الطبخ وهي متعصبة. في غرفة مي. كانت بتتكلم في الفون بغضب: = الموضوع طلع صح وطلع فعلًا اتجوز. أنا مش عارفة أعمل إيه. = اممم، مش قالك هيطلقها كمان شهرين. خلاص اصبري. وبعدين إنتي زعلانة كدا ليه؟

ما إنتي متجوزاه عشان فلوسه. مي بغضب: = لا يا مراد، أنا بجد عايزة يونس. يمكن في الأول اتجوزته عشان فلوسه وعشان كل البنات كانوا هيموتوا عليه وإنت عارفني مقبلش غير بالكاريزما. بس أنا بعدين لقيت نفسي مقتنعة بيه وعايزاه ومستحيل أسمح للبنت دي تشاركني فيه. أنا بكلمك دلوقتي عشان تشوفلي حل. إنت ابن عمي ومضطر تقف جنبي. مراد بابتسامة: = أكيد طبعًا. بس فيه حاجة لازم تعرفيها الأول. جاسر رجع من لندن النهارده. اتكلمت

بتلعثم وبدأت تعرق بخوف: = إيه! طب سألك عليا! لو سألك عليا أو إوعى تعرفه أي حاجة عني، إنت فاهم. مراد بشك: = ماشي. المهم دلوقتي مرات جوزك حلوة. مي بغيرة: = عادية. أنا أحسن منها طبعًا. مراد بابتسامة خبث: = دي تبقى صاروخ بقى قدام إنك اتكلمتي بالطريقة دي. بس متخافيش، هخلصك منها. أصل ابن عمك ميحبش يضيع الصواريخ من إيديه.

غصون كانت واقفة في المطبخ وبتعمل الأكل وبتحط فيه كل غضبها. كانت دموعها نازلة بتلقائية. فجأة لاقت يونس داخل المطبخ. كانت لسه هتتكلم بس مسكها من إيديها وشدها عليه. وقبلها بعنف. برقت عينيها بصدمة وحاولت تبعده عنها بس حاوط خصرها ومسكها بتحكم. اتحولت قبلته لقبلة شغوفة. ثبت رقبتها بإيديه ودفن وشه في عنقها وقبلها بلهفة بعد ما لاقها بتحاوط كتفه بإيديها. فتحت عينيها وبعدته عنها بكل قوتها واتكلمت بغضب: = اطلع برااا!

اطلع برااا بقولك! اتنفس بغضب منها ومن نفسه واتكلم بحدة: = مش عايز أسمع منك كلمة "ابيه" دي تاني. لو اتقالت تاني هزعلك مني جامد. قال كلامه وطلع برا المطبخ. مي كانت واقفة برا وبتيبصله بغضب وكره. أول ما شافته خارج استخبت. قعدت غصون على كرسي السفرة بغضب وفضلت تعيط. قاطعها صوت تسقيف مي اللي دخلت واتكلمت بسخرية: = برڤوا. مُمثلة رائعة. أرفعلك القبعة والله. بتبيني إنك البريئة وإن جوزي هو اللي بيجري وراكي.

قالت كلامها وراحت عندها مسكت فكها بقوة واتكلمت بغضب: = عاجبه فيكي إيه ها! فيكي إيه أحسن مني! غصون حاولت تبعد عنها بس معرفتش بسبب قوته. مسكت مي إيديها ووقفتها قدام البوتاجاز. بصت للزيت اللي على النار... وبصت لغصون بكره وشر. وفي ثانية كانت ماسكة الطاسة ورمتها على رجل غصون. ويُتبع...