رواية جحيم عاشقي الفصل السابع 7 - بقلم زولة وحيد

في صباح يوم جديد، كانت غزل نائمة. دخلت عليها ياسمين. ياسمين: غزل اصحي. غزل: ...... ياسمين: غزززل. غزل بنوم: خليني انوم شوية. ياسمين: يابت الليلة خطوبتك. غزل بنوم: آه عارفة. ياسمين: غزل اصحي لازم نجهز كل شي. غزل بنوم: يوووه بقا أنا عايزة أنام يا جماعة. ياسمين: خااالتي. غزل قامت بسرعة. غزل: خلاص خلاص أنا اهو. ياسمين بابتسامة: يلا نروح نتسوق. غزل: يوووه من الصباح كدا.. واصلا هنتسوق ليه؟ يزن جابلي الفستان.

ياسمين: بس الغبي مجابش معاه اكسسوارات أو ميكب. غزل: أنا مش عايزة ولا اكسسوارات ولا ميكب. ياسمين: انتي اتهبلتي ولا إيه؟ الليلة خطوبتك لازم تكوني لابسة أحلى الاكسسوارات وهنروح لخبيرة تجميل تعملك الميكب. غزل: ياسمين أنا مش عايزة كل ده. ياسمين: هتعوزيه غصب عنك لإن يزن قالي اهتمي بكل شي يخصك. غزل: طب هاخد شاور وهطلع. ياسمين: أوك. بعد مدة، كانت غزل وياسمين طالعين. يزن لاقاهم في الجنينة. يزن: ع فيني.

ياسمين: هنروح نتسوق ومن هناك هنروح لخبيرة التجميل. يزن: ياسلام. وبص على غزل: وانتي حضرتك مقولتليش ليه؟ غزل: ياسمين قالتلي إنك قولت لها تهتمي بكل شي يخصني وأنا افتكرت إنها قالتلك. يزن: مش هتروحي. وانتي ياياسمين لو عايزة روحي لوحدك. ياسمين: بس هي العروسة مش أنا. يزن: آه وهي مش محتاجة لا لخبيرة تجميل ولا للتسوق. غزل بغضب: هو انت هتمشي كلمتك عليا قبل ما تتجوزني ولا إيه؟ يزن راح عليها ومسكها من دراعها بقوة.

يزن بغضب: غزل صوتك ميعلاش. غزل بدموع: بتوجعني. يزن شاف دموعها وقلبه وجعه. بعد عنها. يزن: غزل أنا... أنا آسف أنا بس... غزل جريت على القصر وهي بتمسح دموعها. ياسمين بغضب: أنا هقول لماما. وجرت على أوضة أسر وتقى. ياسمين خبطت الباب. تقى: ادخلي. ياسمين دخلت. ياسمين: يا ماما يزن زعق على غزل. وحكيت ليها كل شيء. تقى: إيه... وهي فين دلوقتي؟ ياسمين: معرفش يمكن في أوضتها.

تقى وياسمين راحوا على أوضتها. غزل مكنتش قاعدة في الأوضة ولا في الحمام. تقى سمعت صوت شهقاتها في البلكونة. تقى لياسمين: انتي روحي. ياسمين طلعت وتقى راحت لغزل. غزل أول ما شافتها حضنتها. غزل بدموع: هو ليه قاسي كدا؟ تقى: طالع على أبوه. غزل: لا عمو آسر أحسن منه. هو حنين أوي. تقى: طب لو قولتلك إن اللي انتي شايفاه حنين ده كان أسوأ من يزن هتصدقيني؟ غزل: معقولة؟ تقى: آه بس الحب غير.

ياسمين: يعني انتي وعمو آسر مكنتوش بتحبوا بعض قبل الجواز؟ تقى بضحك: آه دي قصة طويلة. اقعدي أحكيلك. بعد مدة. غزل: يعني في رأيك يزن هيتغير؟ تقى: آه بس يزن مش قاسي. هو بيغير عليكي. غزل كانت هتتكلم بس ياسمين دخلت. ياسمين: تعالي أنا كلمت بابا وقال اطلعوا ويزن مش هيسألنا. غزل: بس أنا مش عايزة. تقى: روحي عشان خاطري. واوعدك إنه يزن مش هيمنعك. أنا هتكلم معاه. غزل: طيب. بعد مدة، غزل وياسمين رجعوا في وقت الغدا.

يزن بص عليها وعصب لما شافها عاملة ميكب. يزن بغضب: غزل تعالي. آسر بغضب: يـــزن. يزن سكت وبص على الأكل. تقى: تعالوا حبايبي. غزل راحت قعدت جنب تقى. وياسمين قعدت جمب يزن. يزن كان كل شوية بيبص على غزل بغضب. ياسمين بهمس: غيران عشانها طالعة أحلى منك. يزن بغضب وصوت منخفض: اسكتي وحسابك معايا. ياسمين بلعت ريقها بخوف. إياد: طالعة قمر يا غزل. غزل بكسوف: شكراً. ياسمين: وأنا؟ إياد بغمز: انتي عسل. ياسمين: ثانكيو. إياد: عفواً.

بعد مدة، تقى وزينب وهند كانوا مع غزل بيجهزوا. ياسمين: مفيش اهتمام بيا أبداً. غزل بضحك: يابنتي أنا ههتم بيكي بنفسي لما تكوني عايزة تتجوزي. ياسمين: طب تعالي أنا هعملك الاستشوار. غزل: أوك بس أنا همسح الميكب. هند: ليه يابنتي؟ غزل: أصل نظرات يزن معجبتنيش. كانوا عايز يقتلني. ياسمين: آه آه امسحيه بسرعة. تقى: لأ ماتمسحيه. هند: آه ماتمسحيه. هو انتي خايفة من يزن؟ غزل: لا. أصلا أنا مبحبش الميكب. زينب: خلاص خلوها.

ياسمين: آه أصلا هي من غير ميكب أحلى. عند يزن، لبس تيشيرت أبيض وبنطلون أسود وساعة سوداء وجزمة باللون الأبيض. دخل إياد وكان لابس قميص رمادي وبنطلون أسود وجزمة رمادية. إياد: مبروك مقدماً عقبالي. يزن مسكه من ياقة قميصه. يزن: هو انت بتكلم مراتي ليه؟ إياد: يا عم اهدأ. وبعدين هي إمتى بقت مراتك؟ يزن: هتبقى مراتي. إياد بعد إيد يزن. إياد: أولا هي مش مراتك. لما تبقى مراتك بعدها قولي ما أكلمها.

يزن بغضب: إياد صدقني لو لقيتك بتكلمها تاني أوعدك إنك مش هتشوف ياسمين للأبد. إياد: لأ لأ مش هكلمها خلاص يا عمي. ياسمين دخلت وكانت لابسة فستان بالأبيض جميل ومعاه حجاب بنفس اللون. إياد فضل باصص عليها بتوهان. يزن بهمس: لم عينك. إياد حس بنفسه وفضل يبص على تليفونه. ياسمين راحت على يزن. ياسمين: الله طالع قمر ياحبيبي. إياد حس بالغيرة من كلمة حبيبي. ويزن لاحظ كدا. يزن بخبث: تسلمي حبيبتي. وانتي كمان قمر.

إياد: على فكرة في قمر واحد في الدنيا دي. ياسمين مسكت إياد من خده. ياسمين: وانت كمان قمر. إياد: آه عارف نفسي. ياسمين وهي طالعة: مغرور. يلا اطلعوا بسرعة. الشباب: أوك. بعد مدة تحت. إياد: فين غزل يا جماعة؟ ياسمين: هتنزل بعد شوية. أنا مخططة لحاجة. وقفلت كل الأضواء. غزل كانت نازلة السلم وكانت طالعة قمررررر. لابسة الفستان الأسود وشعرها الطويل منسدل على ظهرها. وكان في ضوء واحد مضوي عليها وهي نازلة. يزن بص عليها بإعجاب وغيرة.

يزن: غزل هو أنني نازلة براحة كدا ليه؟ انزلي بسرعة أنا معنديش وقت. وراح شالها ونزل بيها بسرعة. غزل: نزلني يايزن. الناس بتبص علينا... يزززززني. يزن نزلها وقعدها على الكرسي. الكل ضحك عليهم. غزل كانت بتبص على يزن بغضب وغيظ. يزن: هتفضلي باصة عليا كدا؟ يلا خلينا نبدأ. هاتي إيدك. غزل مدت إيدها ليزن. لبسها الدبلة. وهو مد إيده ولبسته الدبلة. تسريع الأحداث. يزن: عن إذنكم أنا هاخد غزل نتكلم. زياد: لا ممنوع. انتوا متجوزتوش.

آسر: زياد خليهم. هيتكلموا بس.. مش هيعملوا حاجة. متخافش. يزن أخد غزل وراح. في الأوضة. غزل: عايز إيه؟ يزن جذبها من خصرها وفضل يقرب من شفايفها. غزل: يزن كدا حرام. ربنا هيحاسبك. يزن بعد عنها. يزن: غزل هو انتي بتحبيني؟ غزل: ...... يزن: قوللي بتحبيني ولا لأ. غزل بكسوف: بحبك.

يزن بفرحة: كنت بعرف. وأنا بحبك. أنا بعشقك يا غزل. واكتشفت ده لما أدهم قالي إنه هو بحبك وهيخليكي تحبيه. وقتها أنا عصبت أوي. مع إن كنت مفكر نفسي بحب مروة. بس شكلي كنت معجب بيها مش أكتر. ياسمين دخلت. ياسمين: هو أنا أزعجتكم؟ يزن بغضب: آه أزعجتينا كتير. بقولك إيه. ياسمين: إيه؟ يزن: انتي معندكيش دراسة؟ روحي ادرسي بدل كل مرة بتدخلي وتقاطعيني. غزل بتذكر: يالهوي. عندي امتحان بعد يومين. وجريت على أوضتها.

يزن بص لياسمين بغضب: كله بسببك. ياسمين: سوري. وجريت على أوضتها. في صباح يوم جديد، غزل صحيت لقت رسالة من رفيقتها. (غزل أنا آسفة مقدرتش أجي امبارح وأحضر خطوبتك أو أبعتلك المحاضرات. بس بعتها دلوقتي مع زميلنا فارس. + مبروك ياقمر) غزل نزلت الجنينة ولقت فارس. سلمت عليه. فارس: إزيك ياقمر؟ دانتي حلوة أوي. غزل: ممكن تديني المحاضرات؟ فارس بخبث: خلينا نتكلم شوية. وجذبها من خصرها وفضل يقرب منها. غزل بخوف: لو سمحت ابعد.

فارس وهو بيقرب أكتر: لا للأسف. أنا لما أشوف بنات حلوين زيك كدا مقدرش أبعد.