رواية جحيم عشق صعيدي الفصل الثاني عشر 12 - بقلم دعاء احمد

جبل لقى زينة اغمي عليها. قعد جنبها وقلبه وجعه، حاسس بحاجة أقوى بكتير من الخيانة، حاسس إن قلبه عايز يخرج ويصرخ، يعيط، يكسر كل حاجة حواليه. جبل بدموع: ليه؟ ليه عملتي كده يا زينة؟ أنا قلبي حبك. ليه؟ بس هحاسبك يا زينة، هخليكي تندمي على خيانتك ليا. وخرج وسابها. نور بدموع: إحنا لازم نساعد زينة يا ماما. جبل هيقتلها، انتي عارفة جبل عصبي قد إيه.

هدى: عندك حق يا بنتي، والله أنا مش فاهمة أصلاً إيه اللي فيه. بصي، أول ما أخوكي يمشي، روحي لزينة وافهمي منها إيه اللي فيه. نور: حاضر يا ماما. في أوضة نهى. نهى بغل: أيوه يا روحي، أنا فرحانة فيها أوي دلوقتي. نخلص عليها ونخلص منه ومنها. مراد: بكره. نهى: ياله عشان يبقى يشلفطلي وشها. عشان تبقى تطلب إيد مراته يا روحي. مراد: متبقاش قلبك أسود، انتي اللي في قلبي. في أوضة زينة. زينة لنفسها: ليه يا جبل؟

نزعت أي مشاعر ليك جوايا. عمري ما هسامحك، عمري ما هدخلك حياتي. انت كسرتني. نور فتحت الباب، لقيت زينة مرمية على الأرض وفستانها متقطع من الضرب. نور بعياط وهي بتجري على زينة: عمل فيكي إيه يا زينة؟ زينة: أخوكي قتل كل حاجة حلوة جوايا. أنا بكرهه يا نور، عمري ما هسامحه. نور: زينة، لازم تهربي. جبل لو رجع هيكمل عليكي. زينة: أنا بريئة يا نور، والله كل ده كذب، صدقيني.

نور: أنا متأكدة إن في حاجة غلط، بس أنا أصلاً مش فاهمة إيه اللي فيه. زينة حكتلها كل حاجة من لحظة دخولها الأوضة لجبل لحد اللحظة اللي هما فيه. نور: إزاي؟ والدكتورة دي إزاي تقول كده؟ زينة: والله كذب يا نور. نور: أنا مصدقاكي يا نور، بس لازم نعرف مين اللي حط اختبار الحمل في أوضتك، وكمان الفيديو ده مين وصله لجبل. زينة: أنا عايزة أمشي من هنا يا نور، أرجوكي ساعديني. نور: عارفة أنا شاكة في مين؟ زينة: نهى.

نور: صح، بس لازم يكون عندنا دليل قوي. زينة: أنا مبقاش يهمني يا نور، أنا عايزة أمشي. ولو حتى اكتشفت برائتي، عمري ما هسامح جبل. نور: زينة، هي سارة صاحبتك منقبة؟ زينة: أيوه. نور: حافظة نمرتها؟ زينة: أيوه، بس ليه؟ نور: جبل منع خروجك من القصر، بس اللي هتخرج هي سارة مش انتي. زينة: قصدك إيه؟ نور: لازم أكلم سارة الأول. وفتحت موبايلها وكتبت رقمه. نور: ألو، آنسة سارة. سارة: أيوه، أنا مين معايا؟

نور: أنا نور، أخت جبل. جواز زينة صاحبتك. سارة: إزيك يا نور؟ وفين البت زينة؟ بحاول أكلمها تليفونها مقفول. نور: سارة، انتي منقبة صح؟ سارة باستغراب: أيوه. نور: عندك صحاب منقبات؟ سارة: أيوه، أربعة. نور: ممكن تيجوا الثريا دلوقتي وهفهمك كل حاجة لما توصلي. بس هاتي معاكي نقاب زيادة. سارة: ماشي، أنا هتصل على البنات وأجي. بس هي زينة مالها؟ نور: لما تيجي هتفهمي. مع السلامة. سارة: مع السلامة. ياترى إيه اللي فيه يا زينة؟

بعد ساعة، وصلت سارة وتلاتة من صحابها قصر العزايزي. سارة: نور، إيه اللي فيه؟ زينة فين؟ نور: تعالي معايا يا سارة، معاكي النقاب؟ سارة: أيوه. سارة أول ما شافت زينة، وشها اصفر وبقيت هتعيط. سارة: زينة، إيه اللي حصل؟ عملك إيه؟ زينة بابتسامة حزينة: عمل كل حاجة تخليني أكرهه. نور: زينة، هتقدري تقفي وتمشي؟ زينة: أيوه. نور: النقاب فين يا سارة؟ سارة: أهو.

نور: زينة، البسي بسرعة، وانتي هتخرجي مع البنات، وسارة هتفضل معايا عشان أكيد هيعدوا البنات اللي خرجت. زينة قامت بصعوبة ودخلت، لبست النقاب وعباية سوداء مطرزة بالذهب. نور: انتي كده جاهزة، هتمشي مع البنات، وسارة هتفضل معايا، وربنا يعيني على جبل من اللي هيعمله فيا. زينة: أنا آسفة يا نور. نور: متخافيش عليا، على الأقل أنا أخته، مش هيأذيني. المهم انتي هتروحي فين؟ لو رجعتي قصر الزهراوي، ممكن يجي يضربها على دماغكم.

زينة: لازم أبعد عن الصعيد. نور: متخافيش، وأنا هكلم مالك ابن عمك وأفهمه. زينة: ربنا يستر. زينة نزلت وخرجت مع البنات، وهما نفسهم ملاحظوش حاجة غريبة. زينة خرجت من قصر العزايزي وبتحمد ربنا، لأنها شافت جبل داخل بعربيته القصر. بصتله لآخر مرة بحزن، وجع، كسر. جايز اشتياق حاجات كتير متلخبطة. زينة ودعت البنات ومشيت في طريقها، ولأنها رفعت النقاب، في حد تاني شافها.

قدام قصر العزايزي، تقف سيارة تنتظر بفارغ الصبر خروج زينة، لأن المهلة اللي أسد الرشيدي قال عليها مفضلش فيها غير يوم واحد. شخص: أهي، هي دي البنت. شخص ٢: أخيراً خرجت، لازم تتخطف حالاً. شخص ٢: وراه. بعد شوية، حد شد إيد زينة، وهي لسه هصرخ، كتم نفسها وحطلها مخدّر. شخص: أسد بيه، البنت معانا يومين بالكتير وتوصل ألمانيا. أسد بـ شـ ر: تنور. عدك التنازلي ابتدا يا بنت الزهراوي.

هنا بداية مختلفة لحياة زينة. ياترى جبل هيعمل إيه لنور؟ ويأتي هيقدر يوصل ليها قبل ما يسافروا ألمانيا؟ ويأتي أسد عايز منها إيه؟ ويأتي إيه اللي جاي في الحكاية؟