رواية جحيم عشق صعيدي الفصل الثالث عشر 13 - بقلم دعاء احمد

جبل دخل الثرايا، نور أول ما شافته اتوترت وقعدت تتكلم مع سارة عادي. طبعاً سارة بصت على جبل بغضب، وهي نفسها تقوم تشلفط وشه زي ما عمل مع زينة. جبل دخل أوضته ملقاش زينة، بقى يدور عليها في كل مكان، اتجنن وغضبه زاد. جبل بصوت هز أركان الثرايا: نوررررررر! نووووور! نور بخوف: نعم. جبل مسك دراعها بقوة وهي بقت هتعيط: زينة فين؟ نور بدموع: معرفش. جبل بقى يضغط أكتر على دراعها وهي بقت تصرخ.

سارة بغضب: مكفايه بقى يا أستاذ. انت على فكرة دي مش رجولة، مش كفاية اللي عملته مع المسكينة التانية. زينة مخانتكش، ولا يمكن تخون لأنها متربية على يد فهد الزهراوي. أظن عارف فهد الزهراوي يعني الرجولة والمجدعة. زينة لو كانت عايزة تخون كانت خربت يوم فرحها وحطت رأس العيلة في الوحل، لكن لأ، هي رفضت. أنا نفسي طلبت منها تهرب وهي رفضت عشان سمعة عيلتها. تفتكر واحدة زي دي حافظت على اسم عيلتها هتبيع شرفها؟

فوق يا أستاذ بدل ما يفوت الأوان وصدقني هتندم. قالت كلمتها بغضب عارم وتركته ورحلت من الثرايا، وكم تتمنى أن تمسكه من رقبته وتطيح به ضرباً. جبل باستغراب: مين بنت المتخلفة دي؟ وبعدين فين زينة يا نور، أحسن لك قولي بدل ما تشوفي وش ما يعجبكيش. نور: جبل، زينة سابت لك البلد بحالها ومشيت وهي بتكرهك. صدقني يا جبل، زينة مظلومة وكل اللي حصل دا كذب. إزاي تصدق الدكتورة دي؟

وكمان مسمعتش زينة، حتى لو هي حبت سامر مش عيب إنك تحب، لكن العيب إنك تتمادى في حبك لحد خاين. زينة نسيت سامر من أول يوم دخلت فيه الثرايا، عملتك بما يرضي الله. اتأكد يا جبل لأنك هتندم لما تعرف الحقيقة بعد فوات الأوان. نور شدت دراعها منه وجريت على أوضتها. جبل بقى يكسر كل حاجة حواليه، خايف يكون فعلاً ظلمها، وخايف أكتر إنها تكون خانته فعلاً. جبل قعد على الكرسي وبقى يبكي زي الطفل: ليه محدش حاسس بالنار اللي في قلبي؟

أنا حبيتها واكتشفت خيانتها ليا، المفروض أعدي الموضوع عادي. أنا تعبت يا ربي، كنت فاكر إني بحب نهى، ولما زينة دخلت حياتي عرفت إن الحب عمره ما دخل حياتي غير على إيديها. أنا تعبت يا رب، أسمحها إزاي؟ أنسى إزاي يا ربي؟ أنا تعبت، فينك يا زينة تدوي الجروح اللي في قلبي؟ فينك تقرالي القرآن وأسمع صوتك وتحكيلي عن حكايتك أنتِ وأمك وأبوكي وفارس؟ في أوضة نور، قعدت بتعيط على حال أخوها وعلى اللي بيعمله في نفسه. نور: ليه يا جبل؟

ليه مصمم تبعد عنك كل اللي بيحبوك؟ ليه يتقرب منك شياطين؟ ليه يا جبل؟ ربنا يهديك يا أخويا يا رب. جبل طيب بس عصبي، أهديه. وقامت تصلي وتدعي لأخوها ولزينة. نور: الو. مالك قلبه دق بسرعة أوي، حاسس إنه فرحان لمجرد صوتها. مالك: إزيك يا آنسة نور؟ نور بصوت ضعيف باكي: الحق زينة يا مالك، زينة سابت الصعيد كله، سابت لك. مالك انفزع من كلامها وقام من مكانه: أختي مالها يا نور؟

نور بدأت تحكي لمالك كل اللي حصل، وهو بيسمع ومش مستوعب. عيونه احمرت من الغضب وبقى يتوعد لنهى ولجبل، وإنه هيدفعه تمن إهانة كرامة زينة وكسرة قلبها. مالك: ورحمة أبويا، لادفعك الأمن يا ابن العزايزي. نور: اقفل يا مالك. مالك: أرجوك. نور بلهجة ترجي: جبل ملوش ذنب، اعذره، دا راجل برضه. أنا متأكدة إن نهى هي اللي عملت كدا، دي شيطان. مالك: زينة أشرف بنت في الصعيد كله يا نور. كل دا كذب.

نور: أنا متأكدة إنه كذب، بس دلوقتي لازم نكشف براءة زينة ونعرف مين اللي عمل كدا ونعرف مكانها. مالك بتفكير: زينة كانت دايماً بتسافر مع عمي فهد إسكندرية، أكيد هي هنا. نور: لازم نوصلها يا مالك. جبل خرج يدور على زينة في كل مكان ممكن تكون فيه، وفي الآخر راح لمالك. جبل: مراتي فين يا مالك؟ مالك بغضب: دلوقتي مراتك؟ ولما شكيت فيها مكنتش مراتك؟ ولما ضربتها مكنتش مراتك؟ ولما أهنت كرامتها مكنتش مراتك؟

ولما قلت عليها خاينة مكنتش مراتك؟ جبل: أختك خاينة. مالك بعصبية: قطع لسانك! أختي أشرف بنت في العالم، بس هي خسارة فيك. خسارة حبها ليك، وخوفها عليك، خسارة الوقت اللي ضيعته معاك. أول ما أكشف لك براءة بنت عمي، هتطلقها، وأهو خليك مع الزبالة اللي شبهك، أهي نهى فعلاً اللي تستاهلك. جبل: نهى؟ أنت بتقول إيه؟ مالك بسخرية: مين حط اختبار الحمل في أوضتكم؟

وأكيد هي اللي اتفقت مع الدكتورة، وهي اللي صورت الفيديو. فوق يا ابن العزايزي، لو أختي سمحتك، أنا عمري ما هسمحك. زينة هبلة وطيبة، بس أنا لأ. وأول ما ألاقيها وأكشف لك براءتها، هتطلقها. جبل بثقة وغرور: على جثتي! أختك اتكتبت على اسمي ليوم الدين يا مالك. مالك: هعمل فيك معروف ونروحلها سوا، بس لو قربتلها هيبقى فيها دم يا ابن العزايزي. مالك وجبل خرجوا وطلعوا على إسكندرية. دوروا عليها في كل مكان ومفيش أثر ليها. بعد تلات أيام.

زينة بتفتح عينها ببطء، مرمية على الأرض، مربوطة من إيديها ورجليها. زينة بصوت ضعيف: أنا فين؟ وأنت مين؟ أسد قاعد قدامها على كرسي فخم، حاطط رجل على رجل ويتكلم بثقة: أنا دمرتك زي ما دمرتي حياتها. أنا هدمر حياتك. زينة: أنت بتقول إيه؟ أنا فين؟ أسد: انتي في عريني يا بنت الزهراوي. اتشهدي على روحك.