رواية جحيم العذراء الفصل الرابع 4 - بقلم هدى عبد الصافي

رعد بهدوء يذوب: بتعملي إيه يا قمر؟ قمر بتوهان: مش مش بعمل. رعد شدها من وسطها وحط إيد على وسطها، والإيد التانية رجع شعرها المبلول لورا وحط إيده ورا شعرها. رعد بتوهان وهدوء: شكلك حلو. قمر اتكسفت ووشها احمر. رعد معرفش يمسك نفسه وقرب منها باسها و... قمر برقت وزقته ودخلت الحمام. قعدت على البانيو وفضلت تعيط.

رعد فاق لنفسه وخرج ورزع الباب وراه ونزل راح الجنينة وفضل يجري. بعد نص ساعة من الجري رجع بس مرضيش يدخل الأوضة. دخل أوضة تانية ونام. بعد تفكير طويل، تاني يوم رعد صحى عشان يروح شغله. صحى متعصب ودخل أوضته وهي مكانتش فيها وكل حاجة كانت مترتبة. دخل خد هدومه وخد شاور ومهتمش ليها وخرج. حسن: فين مراتك يا رعد؟ رعد بخنقة: معرفش. هتلاقيها متلقحة في أي داهية. حسن بعصبية وزعيق: مش ناوي تلم نفسك ولا إيه؟

رعد بتمالك: حضرتك عايز إيه مني دلوقتي؟ حسن: تتلم وتتهد في البيت. رعد: أنا حر في دي. دي حاجة تخصني. إنتا جوزتهالي غصب عني وعملت كده عشانك، بس تطلب مني أكتر من كده مستحيل يا حسن بيه، مستحيل. بعد إذنك. وخرج ورزع باب الفيلا وراه والخدم اتنطروا. رعد ركب العربية وطلع على الشركة بتاعته. أول ما دخل كل واحد راح على مكانه بسرعة ووقفوا بانتظام بدون كلام لحد ما يعدي ويدخل مكتبه. أول ما دخل كلهم اتنفسوا بارتياح.

رعد في المكتب بعصبية: يعني إيه مش لاقيينه؟ هو أنا مشغل معايا بهايم؟ ده البهايم بتفهم عنكم. البلد كلها تتقلب عليه، عايزو في أقرب وقت، انتو سامعين؟ كل اللي كان واقف قدامه اتنفضوا من صوته وعصبيته. الكل: حاضر يا كينج. رعد: غوروا من وشي. قدامكم لحد بليل لو مجبتوش ودعوا روحكم. يلا غوروا من وشي. الكل خرج بسرعة. رعد: ابعتلي أحمد. السكرتير: حاضر يا فندم.

أحمد دخل وده يبقى صاحب رعد. معندوش صحاب غيره، كل الناس بتخاف منه لدرجة بيخافوا حتى يتعرفوا عليه، ورعد مش بيدخل الدايرة بتاعته أي حد. أحمد: مالك يا ابني؟ في إيه؟ صوتك عالي. رعد بضيق: عايز ابن الكلب اللي اسمه كريم نصار ده. أحمد باستغراب: ليه؟ عملوا حاجة ولا إيه؟ ولا بتتلكلك لهم؟ رعد بضيق: طبعاً عرفت إن قمر بنت عمي رجعت من لندن من يومين. أحمد وبلع ريقه: أها. رعد بغضب وحدف الطفاية الإزاز كسرها، ومعرفش يكمل.

أحمد بفهم: تمام يا رعد. 24 ساعة وأقل وهيكون في مخزن الفيلا الجديدة عشان أبوك. رعد بغضب: تمام يا أحمد. أحمد خرج بدون كلام. رعد بغضب: ورحمة أمي يا ابن الكلب مهسيبك. وقام لبس جكت البدلة وخرج. في فيلا نصار. نصار: إنتا لازم تمشي من مصر. لو رعد عرف إن ليك علاقة هيقتلك. كريم ببرود: مش فارق. نصار بزعيق: أنا مش هخسر حياتي عشانك. الشركات بتاعتي هتقع وكل حاجة هتضيع بسببك. إنتا عارف يعني إيه الفيديوهات تتمسح؟

يعني رعد حط اللي عمل كده في دماغه ومش هيسيبك. كريم لسه هيتكلم لقى طلقة نار جت في رجله. رعد ببرود: واضح إن الدماغ الكبيرة فاهمة. نصار بخوف: رعد يا ابني اسمع. رعد: هششش مش عايز أسمع صوت. وشاور للجارد خده كريم ورموه في العربية. رعد بجمود: شكراً إنك وفرت عليا التدوير وافتكرت المكان بسرعة. هبقى أرجعهولك جثة عشان لو وحشك ولا حاجة. وسابه وخرج، ونصار وقع على الأرض. رعد بغضب: تاخدوه الفيلا اللي في... وتروقوه لحد ما أجي.

الجارد: حاضر يا كينج. رعد ركب عربيته وراح على فيلا حسن الزيات، باباه. حسن: خير؟ يعني راجع بدري. رعد: مفيش. بعد إذنك. وطلع على فوق. حسن: استر يا رب. رعد دخل الأوضة. لقى قمر قاعدة وضامة نفسها بخوف وبتعيط بهدوء. رعد بنفخة: مش هنخلص بقى. رعد: انتي يا زفتة... رعد: انتي يا زفتة! قمر اتنطرت من مكانها بخوف. قمر بخفوت وعياط: آآآآآآآ. رعد: قومي. قمر قامت بخوف. رعد: تعالي هنا قدامي. قمر بقت تقرب بخوف وعيونها بتدمع.

رعد بنفاذ صبر: أووف. وشدها من دراعها وقفها قدام المرايا وكتف إيدها لقدام. قمر بخوف وبتبص للمرايا وانعكاسهم. رعد: انتي دلوقتي مرات رعد الزيات. لبسك يتغير، مفيش خروج من غيري أو من غير إذني. كل حاجة هتعمليها هتتحاسبي عليها. قمر بخوف بصتله ولفّت بعيونها اللي بتنزل دموع. قمر: بس إنتا لسه مكملتش... لقت رعد لزقها في الحيطة وباس رقبتها بهدوء، وبعدين خدها و...