رواية جحيم الأسد الفصل الرابع عشر 14 - بقلم ميساء عنتر

مرسي: رهف مش بنتي. أي، مش بنتك إزاي؟ مرسي: هحكيلك. أنا كنت متجوز بس مراتي مش بتخلف. أنا كنت بحبها أوي، فمفكرتش في يوم أسيبها أو أتزوج عليها. لحد ما في يوم قالتلي نتبنى طفلة. رفضت في الأول، بس مع إصرارها وافقت. رحنا الملجأ وتبنينا رهف، وحياتنا كانت شبه مستقرة لحد ما... لحد ما إيه؟ كمل.

مرسي: لحد ما في يوم قالتلي هنزل أشتري لبس لرهف. نزلنا سوا أنا وهي ورهف، وكان في عربية هتخبط رهف، بس مراتي شدتها والعربية خطفتها هي وماتت. عشان كده أنت مبتحبش رهف؟ مرسي: غصب عني. كان المفروض هي اللي تموت مش مراتي. قوم أمشي دلوقتي. مرسي بصلها بعدم فهم وسابها ومشي. في فيلا مهاب. شهندا: أنت اتجوزتني ليه يا مهاب؟ مهاب: أنتي بنت خالتي، وده اللي كان المفروض إنه يحصل. شهندا بدموع: عشان بنت خالتك بس؟

مهاب: للأسف، معدش ينفع اللي بتفكري فيه. شهندا: مش أنت كنت بتحبني؟ مهاب: بالظبط كده. كنت ماضي يا شهندا، والماضي عمره ما يرجع. شهندا بصتله والدموع في عينيها و: أوضتي فين لو سمحت؟ مهاب شاورلها على أوضة: اتفضلي. شهندا دخلت وقفتلت الباب وقعدت تعيط لحد ما نامت. في المستشفى. سمر: ياسمين عاملة إيه دلوقتي؟ سيف: الحمدلله، بتتعافى من آثار الضرب أهو. سمر: هي بنتي كويسة يا سيف؟

سيف: متقلقيش، الدكتور قال إن محدش لمسها تقريبًا. كان سكران واغمي عليه قبل ما يعملها حاجة. سمر بدموع: ألف حمد وألف شكر ليك يا رب. سيف: الحمدلله. أنا مضطر أمشي أروح أشوف اللي في البيت وأطمنهم على ياسمين. سمر: خلي بالك من نفسك يا حبيبي، وشكراً على وقفتك معانا. سيف بابتسامة: ياسمين دي أختي. سمر بحب: العشم برضه يا حبيبي. سلميلي على وفاء ومعاذ. سيف: يوصل إن شاء الله. سلام عليكم. وسابهم ومشي. في البيت الصحراوي.

رهف دخلت المطبخ تشرب، ملقتش ميه ولا لقت أي حاجة. مفيش لا ميه ولا أكل. صوت: أسد! حرام عليك! أنا بكرهك! فضلت تزعق لحد ما تعبت ووقعت. في بيت سيف. وفاء: سيف طمنك على ياسمين ولا لأ؟ معاذ: آه يا ماما، طمني عليها. الحمدلله كويسة. أنا هنزل عشان أشوفها. وفاء: ماشي يا حبيبي. ابقى طمني عليها لما توصل، وإن شاء الله أنا كمان هبقى أجي أشوفها. معاذ: إن شاء الله. وسابها ونزل. سيف وصل، دخل طمن أمه على ياسمين ودخل يشوف ورد.

ورد بلهفة: كنت فين يا سيف؟ سيف بابتسامة: موجود أهو يستي. عاملة إيه النهاردة؟ ورد: الحمدلله، أحسن بكتير. سيف: الحمدلله. وفاء دخلت عليهم و: أنا هطلع عند أم حمادة أجيب حاجة وجاية. سيف: ماشي. ورد بملل: تيجي نلعب؟ سيف: نلعب إيه؟ ورد جابت لعبة وقعدوا يلعبوا ويهزروا حبة. سيف بغمزة: كسبت. ورد كشرت زي الأطفال. سيف قرب من خدها وباسها برقة. ورد بصتله بصدمة ووشها احمر: س س سيف! أنت بتعمل إيه؟ سيف قرب منها أكتر وقبلها بشغف.

بعد عنها وحط رأسه على رأسها. سيف: وررررد! تتجوزيني؟