رواية جحيم الأسد الفصل الخامس عشر 15 - بقلم ميساء عنتر

سيف: ورد تتجوزيني؟ ورد: اتجوزك؟ سيف: أيوا، أنا بحبك. ورد: بس انت متعرفنيش. سيف: تقدري تقولي إن ده الحب من النظرة الأولى. ورد بصتله بحزن وسكتت، وهو فهم بصتها. مسك إيديها بحب وقال: بصي يا ورد، أنا عارف إنتي حاسة بإيه، بس أنا بحبك. بحبك مش هتجوزك شفقة يعني. ورد بصتله وابتسمت بحب. سيف بغمزة: ضحكت يبقى قلبها مال. ها يا بنات موافقة؟ ورد بحب: موافقة. ***** في مكان آخر. أسد: إيه يا مدحت، عامل إيه؟

مدحت: الحمد لله يا أسد، إنت عامل إيه في حياتك؟ أسد: الدنيا ماشية. أنا عاوزك تشوف لي شقة أقعد فيها فترة. مدحت باستغراب: ليه كده؟ أسد: شوف بس، مش عاوز حد يعرف حاجة عنها. مدحت: حاضر. أسد سابه وراح شركة أبوه ورثها عنه. أسد: نادين، هاتي ورق شركة العاصي وتعالي ورايا. نادين بابتسامة بشوشة: حاضر يا فندم. أسد دخل مكتبه قعد يفكر، رهف حامل إزاي وهي مش بتطلع من البيت أصلًا؟ هو الفترة اللي فاتت كان قافل عليها. نادين: اتفضل.

أسد أخد الملف منها: شكرًا، اتفضلي إنتي. ***** في بيت مهاب وشهندا. شهندا: مهاب، إنت مش هتسامحني بقي؟ مهاب بسخرية: أسامحك على إيه؟ شهندا: إنت عارف إني غلطت، بس عشان خاطري سامحني. مهاب بص لها بقلة حيلة وسابها ومشي. شهندا قعدت تعيط وقامت لبست ونزلت: الو، أيوا يا ميرو، عاوزة أشوفك يا حبيبي. تمام، نتقابل في شقتك، باي باي. ومشيت على شقة منير. وصلت، رنت الجرس، فتح لها الباب ودخلت. شهندا: وحشتني يا حبيبي.

منير: وحشتيني أكتر يا حبيبتي. شهندا: هتتجوزني إمتى يا منير؟ أنا وافقت أتجوز مهاب زي ما قولت لي، أهو. منير بخبث: شاطرة يا كوكو. شهندا: هنتجوز إمتى بقي؟ منير: أنا مقدرش اتجوز واحدة ر"خيصة. شهندا: إيييي؟ ... معاه حق، أنا مش بس ر"خيصة، إنتي فيكي كل العبر. شهندا بصدمة: مهاب ***.