رواية جحيم الأسد الفصل السادس عشر 16 - بقلم ميساء عنتر

مهاب بسخرية: عاملة إيه يزوجتي العزيزة؟ شهندا بتوتر: أنا بحبك إنت والله. مهاب اتعصب منها وقرب وضربها بالقلم: كفاية كذب بقى. أنا آه كنت بحبك بس خلاص انسيني. روحي له ياشهندا إنتِ ط... لاااا. منير: أسد بيه بنفسه هنا. أسد: شفت الدنيا بقى. شهندا افتكرت ضرب أسد ليها وعيطت. مهاب بسخرية: خايفة ولا إيه ياحبيبتي؟ شهندا بعياط: يلا نمشي يامهاب عشان خاطري. أسد: تمشي فين بس ميصحش. ولسه هيقرب منها، زقته ونزلت تجري. *** في المستشفى.

سمر: تعالي يامعاذ، عامل إيه ياحبيبي؟ معاذ: الحمد لله ياطنط، أخبارك إنتِ إيه؟ سمر: بخير الحمد لله. معاذ: هي ياسمين نايمة ولا إيه؟ سمر: لا، أنا نازلة أجيب حاجة من تحت. معاذ: حاجة إيه، انزل أنا. سمر: لا ياحبيبي مش هتتأخر. سابته ونزلت، وهو خبط ودخل. معاذ: عاملة إيه ياياسمينتي؟ ياسمين باستغراب: ياسمينتي إيه؟ معاذ بهمس: لا، وإنتي متعرفيش إني بحبك. ياسمين: بس أنا... قاطع كلامها رنة تليفون معاذ. معاذ: ثواني ياقمرة.

معاذ: عايز إيه ياسيف؟ بجد ياحبيبي، ألف ألف مبروك. بارك لي لورد بقى. سلام. ياسمين: مبروك ليه؟ معاذ بابتسامة: سيف اتقدم للورد وقبلت. ياسمين: اممم، مبروك ليهم. معاذ: الله يبارك فيكِ. كنتِ هتقولي إيه بقى؟ ياسمين: بس أنا في ظروف متسمحش لحاجة. معاذ: أكيد ياحبيبتي، أول ما تقومي بالسلامة. ياسمين: تمام. *** البيت الصحراوي.

رهف قاعدة تعيط لأن من يوم ما جت هنا أسد مجاش، وهي مش فاهمة حامل إزاي، إزاي بطنها بتكبر كده، ومفيش أكل ولا ميه. وشها أصفر ودبلت وخست. رهف بعياط وهيا بتكلم نفسها: يارب يارب ييجي مرة واحدة بس. أنا عايزة أفهم، الدكتورة قالت إني بنت، وأنا فعلاً بنت، محدش لمسني، إزاي حامل وإزاي بطني كده؟ يارب دلني على الصح يارب. *** مهاب: حااااسبيييي. بس كان فات الأوان.