رواية جحيم البنات الفصل الأول 1 - بقلم شيماء هاني

حبيبي اوعى تنسى النهارده هنروح عند الدكتورة عشان نعرف جنس الجنين ولد ولا بنت. = أكيد طبعاً ي حبيبتي هيكون ولد مش بنت صح. -كل اللي يجيبه ربنا خير ❤. = لأ أنا عايز ولد مش بنت لو طلعت بنت هرميكي أنتِ وهيا في الشارع فاهمة. -...... = أنا بكلمك فاهمه ولا لأ. -فـ.... فاهمة حاضر. = مش عايز اسمع بنت دي تاني.

طبعاً موضوع كل يوم بسبب الخلفة وبسبب انو عايز ولد مش بنت الكل حذرني منه بس أنا قُلت لأ قالو كثير انو مش كويس وأنا قُلت مفيش أحسن منه. في قرارات بناخدها في حياتنا بتكون غلط وغلط كبير كمان ومش بنسمع لأي حد مهما قال عنها كلام وحش. حتى لو فيها عيوب بتكون في نظرنا مميزات. بعد ما نزل دخلت زي كل يوم الاوضه وقعدت اعيط وافتكرت أول مره شوفت فيها أحمد. **Flash Back** -ماما أنا هخرج مع اصحابي شوية. • ماشي يا حبيبتي بلاش تأخير.

-تمام يا ماما. • عاوزه حاجة. • عاوزه سلامتك يا بنت بطني. -سلام يا ماما. • سلام يا حبيبتي. ونزلت المفروض اني هخرج مع غادة وريم وقمر. هستناهم عند أول الشارع خرجت وفضلت واقفه مستنياهم لحد ما في واحد جه مره واحده بالعربيه بتاعته تقريباً كده أمك اللي جيبالك وكان في ميه ع الأرض والكوتشي الأبيض الجديد باظ خالص. طبعاً يومه أسود كله إلا الكوتشي الأبيض. رحمه / بغضب: أنتَ اعمي. أحمد ( بعد ما نزل من العربيه)

/ اهو أنتِ في حد يقف في نصف الشارع كده طب اقفي على جنب. رحمه / وأنتِ مالك كان الشارع بتاع ابوك. أحمد / بت أنتِ احترمي نفسك أنا مش عايز امد ايدي عليكي. رحمه / نععععععععععم. أنتَ عبيط ياض غور من هنا أحسنلك. أحمد / أنا همشي مش هقف اتكلم مع واحده مجنونه زيك. طبعاً أحمد مشي ورحمة محتارة تروح تبدل الكوتشي ولا لأ. بعد شوية وقت كان صحابي وصلوا. رحمه / حمد لله على السلامة. ريم / مالك يا بنتي. رحمه / بني ادم حيوان.

غاده / طب احكي في ايه. رحمه حكت اللي حصل وانها زعلانة جداً على الكوتشي الجديد. ودي كانت أول مرة رحمه تقابل فيها أحمد. أحمد: شاب طويل عنده عضلات و قمحاوي بس مش بيحب البنات ليه هنعرف مع الاحداث خريج هندسه وشغال في شركه. رحمه: فتاة محجبه ومتوسطه الطول وبشرتها بيضاء و خريجه تربيه. بعد ما رحمه رجعت للواقع مسكت الفون بتاعها واتصلت وبعد فتره جاء الرد.