رواية جحيم البنات الفصل الثاني 2 - بقلم شيماء هاني

الروحمة: أيوه يا ريم. الحقيني أنا في مصيبة ومش عارفة أعمل إيه. ريم: خير يا بنتي مالك فيكي إيه؟ الروحمة: هموت يا ريم خلاص على إيد أحمد. ريم: أحمد... أحمد يا بنتي بيحبك. الروحمة: مش عارفة. أحمد النهارده قالي لو اللي في بطنك طلعت بنت هرميكي أنتِ وهي في الشارع. تخيلي جوزي وحبيبي هيرميني في الشارع؟ وكمان هو عصبي جداً. ريم: رحمة، كلنا كنا بنقول لك إن أحمد صعب في كل حاجة. أنتِ كنتِ شايفة غير كده. وأنتِ خايفة ليه؟ هو الموضوع ده ليكي يد فيه؟ مفيش حد في الدنيا دي كلها له يد في موضوع الخلفه. الروحمة: مش عارفة يا ريم. بس هموت من الخوف. ريم: اطمني، وإن شاء الله خير. الروحمة: يارب. أحمد: يلا عشان نروح عند الدكتورة. الروحمة: حاضر. هجهز ونروح. بعد 10 دقايق كانت الروحمة جهزت طبعاً، وهي متوترة جداً وخايفة إنها تكون حامل في بنت. بعد نصف ساعة كانوا وصلوا، وشوية ودخلوا عند الدكتورة. الدكتورة: مدام رحمة، إيه الأخبار؟ الروحمة: تمام يا دكتورة. الدكتورة: جاهزين نعرف جنس الجنين؟ أحمد: يا ريت يا دكتورة، يعني لأني متشوق جداً إني أعرف جنس الجنين. وإن شاء الله هيكون ولد. الدكتورة (بتفهم): طب يلا معايا يا مدام رحمة. الروحمة: تمام. بعد ما الدكتورة كشفت على الروحمة. الدكتورة: ألف مبروك. أحمد: خير يا دكتورة، ولد صح؟ الدكتورة: لأ. مدام رحمة حامل في 3 بنات.