رواية جحيم البنات الفصل الرابع عشر 14 - بقلم شيماء هاني

تاني يوم الحكومة كانت موجودة وسلمت البنك كل حاجة. أحمد خرج مش عارف يروح فين، عند صاحب عمره مراد اللي اتخلى عنه لما احتاجه عشان يساعده يتجوز حبيبته غادة. وده كان بسبب ندى، هي اللي اعترضت وقالتله: "يا أنا يا مراد." وطبعاً أحمد اختار مراته وساب صاحب عمره. "واه أحمد قبل ما يخرجك مطلق ندى."

ودلوقتي أحمد خسر كل حاجة بسبب الطمع والتمرد اللي كان فيه. ربنا رزقه بـ 3 بنات، فيها إيه لو كان فضل مع مراته وبناته. أصل مهما يعمل لو ربنا مش هيرزقه بولد، فمن المستحيل إنه يخلف ولد ولا أي حاجة. "الإنسان من كتر الطمع اللي عايش فيه بيخسر كل حاجة." عند مصطفى. نزل الصبح عادي زي كل يوم عشان يفطر، بس اتفاجئ لما لقى ندى موجودة. مصطفى: خير... في حاجة؟ ندى: إيه يا حبيبي، هو أنا...

مصطفى: بلا حبيبك بلا زفت. اخلص وقولي عايزة إيه. ندى: طب مش هتسلم على ابنك؟ مصطفى (باستغراب) : ابني؟ إزاي؟ ندى: آه، والله ابنك. مصطفى: أنا ابني مات، زمان لما وقعتي من على السلم. وده ابن أحمد صح؟ ندى: ....... مصطفى (بزعيق) : انطقي. ندى: لأ، أنا هحكيلك. FLASHBACK ✨ "من قبل 5 سنين" ندى اتفقت هي وأحمد إنهم يقنعوا مصطفى إن ابنه مات. ندى قررت إنها تجيب مادة لونها أحمر وتحطها على السلم على أنها دم يعني.

وفعلاً ندى عملت نفسها إنها وقعت من على السلم. ومصطفى شالها وراح بيها على المستشفى، بس طبعاً أحمد كان متفق مع سواق مصطفى إنه يطلع على المستشفى اللي فيها الدكتور اللي متفق معاه. (الوقت الحالي) بس كده، الدكتور خرج وقال لك إنه مات وأنا طلبت منك الطلاق. مصطفى: وإيه اللي يثبت كلامك ده؟ ندى: ممكن تعمل تحليل DNA.

مصطفى: أكيد هعمل عشان واحدة زبا*لة زيك تحرمني من ابني وتعمل فيا كل ده عشان الفلوس. شوفِ بقا اللي هيحصل فيكي من النهارده. طبعاً مصطفى أخد ندى على المخزن وطلب الدكتور ييجي عشان ياخد من ابنه عينة DNA. وبالفعل الدكتور راح، أخد العينة وقاله: "يومين أو تلاتة بالكتير وهتظهر النتيجة."