رواية جحيم البنات الفصل التاسع 9 - بقلم شيماء هاني

مصطفى خرج عشان هو عارف إن ندى مش هترحم المساعدة أبداً. وطبعاً المساعدة مش هتقدر تعمل حاجة. مصطفى خلّص المساعدة من إيد ندى. ونـدى كانت هتفرقع بمعنى الكلمة، فقررت تخرج تتمشى بالعربية. عند غادة بعد ما سابت مراد وراحت الشركة واتقبلت في الوظيفة الجديدة، فقررت تكلم ريم وتحكيلها على اللي حصلها. ريم: إيه يا بنتي... عملتي إيه طمنيني؟ غادة: كان يوم أسود بس حلو. ريم: نعم... إزاي أسود بس حلو؟ غادة: بصي أنا هحكيلك إيه اللي حصل.

وحكتلها الأول طبعاً كل اللي حصل مع مراد. ريم (وهي هتموت من الضحك) : بجد... بتهزري صح؟ غادة: لأ مش بهزر... أعمل إيه يعني؟ مش هو اللي لحقني، حد قاله يرميني عليه... طب أنا ذنبي إيه؟ ريم (بضحك) : يا بت.... بس أحسن والله فرحت فيكي، قولـتلك من الأول أجي أعديكي قولتي لأ. غادة (بغضب) : خلاص بقاا يا ريم. ريم: خلاص... خلاص مش هتكلم في الموضوع تاني. عملتي إيه بقى في الشركة؟

غادة: أبداً، دخلت عند المدير وخلصت الإنترفيو. وقالي إني اتقبلت وهبدأ الشغل من بكرة. ريم: على طول كده؟ غادة: أيوه.... لأ وكمان المفروض لسه هقابل شخص كده مش فاكرة اسمه أصلاً... هيعرفني كل حاجة. ريم: لسه الشغل مبدأش ونسيتي اسم الراجل؟ لما تدخلي في الجد هتعملي إيه؟ غادة: ما خلاص بقى بكرة أبقى أعرف اسمه، مش حوار يعني. ريم: خلاص يسطاا ولا تزعل نفسك. غادة: أيوه كده.... لازم يكون صوتي عالي عشان تسمعوا الكلام. ريم: أيوه...

أكيد طبعاً... بقولك كلمتي رحمة؟ غادة: لأ لسه هكلمها بعدين لما أروح كده. ريم: خلاص ماشي، لما تكلميها ابقي كلميني بعد كده. غادة: خلاص ماشي.. سلام بقى عشان أنا خلاص وصلت.. سلام 👋 ريم: سلام 👋 أحمد دخل البيت ودخل على أوضة الأطفال. لأنه من ساعة لما عرف إنها حامل في 3 بنات، وهو متجاهل رحمة تماماً. ورحمة تعبت من التجاهل ده، فقررت تروح تبدأ معاه وتكلمه هي الأول. فدخلت وراه الأوضة. أحمد (من غير ما يبص لرحمة) : خير، في حاجة؟

رحمة: أحضرلك الأكل. أحمد: لأ شكراً، مش عاوز منك حاجة يا أم البنات. رحمة (بحزن) : ليه بس؟ أنا عملت الأكل اللي بتحبه.. يلا بس ونقعد بعد كده نتكلم مع بعض واحنا في البلكونة زي الأول. أحمد (بغضب) : مافيش حاجة اسمها زي الأول.. خلاص كده.. عمر ما في حاجة هترجع زي الأول غير بشرط واحد. رحمة: إيه هو؟ أحمد: إن البنات تنزل.