رواية جحيم الليل الفصل الرابع 4 - بقلم بسملة بدوي

ليالي مين عمل فيكي كدا؟ زقت دراعه بقرف وفجأة ضربته بالقلم على وشه وردت بكرة. ابعد عني، متلمسنيش خالص. فرحان صح؟ قولي فرحان دلوقتي ومبسوط فيا بعد اللي عملته فيا؟ ليل باستغراب ووشه مكنش مبشر بالخير. قلت لمين؟ انتِ بتتكلمي عن مين أصلاً. صرخت بانهيار. اللي اتصلت عليه واشتقتله مني وقولتله إني م راضية تلمسني. ليل بغضب. اتكلمي معاه بأدب يابت انتِ بدل ما أجي أكمل عليكي وما أسيبش حتة سليمة فيكي.

ليل لف وراه وبيِص على الصوت. لقى شاب وسيم فيه ملامح من ليالي بس ملامحه خبيثة ومليان شر عكس ملامحها البريئة. قرب منه بترقب مخيف. انت اللي عملت فيها كدا؟ زكريا ابتسم بفخر فاكر إنه هيشكر فيه زي ما كان جوزها الأولاني بيعمل. أيوا أنا ربّيتهالك. قاطعه وهو بيهجم عليه ونازل ضرب فيه لحد ما وشه بقى خريطة. ومن كتر الضرب أغمى عليه. ليالي بصدمة وفزع. سيبه، سيبه حرام عليك، هيموت في إيدك.

بصلها بشفقة وحاسس كأن خناجر بتتغرز في قلبه بسبب منظرها. سيبيني عليه، أنا هعرفه إزاي يمد إيده على حاجة تخصني. قلبها دق بعنف من كلمته "تخصني". أرجوك كفايه. زعق بغضب عارم. لأ، م كفاية. أنا هدفع تمن ده غالي أوي. مخيّم... ثواني والباب خبط. ابتسم ابتسامة مش مبشرة بالخير. خُدوه وروّقوه والواد التاني اللي قولتلَك عليه، روّقوهم في المخزن لحد ما أجي بقلمي. مخيّم بطاعة. حاضر يباشا. ليالي برعب. إيه؟ هتعمل فيه إيه؟

ارجوك ما تأذيهوش. بصلها بصدمة. واحدة غيرها تفرح وتشمت فيه وإنها أخدت حقها، بس دي خايفة عليه. بصلها كتير وتمتم في نفسه. حتى بعد اللي عمله فيا... لسا خايفة عليه؟ غريبة أوي. فاق على الباب وهو بيتقفل. على أوضتك، اخلصييي. نزلت على ركبها قدام رجليه برجاء. سيبه، سيبه عشان خاطري، سيبه. ده مهما كان أخويا. أنا، أنا واللهِ ما عايزة حاجة. سيبه. ربنا هو اللي هيجيبلي حقي. سيبه. نزل جنبها ومرة واحدة أخدها في حضنه. أهدي.

حاولت تبعده عنها بس هو بينته الجسدية أقوى بكتير، فاستسلمت لحضنه الدافي. حس بثقل انفاسها. بيبص لقاها نايمة. شالها ودخل بيها أوضته ومددها على السرير بحنان. وقرب منها شال الطرحة. فضل باصصلها كتير. أخيراً قام وراح أخد شاور وصلى وراح جنبها. اتفاجأ بنفسه أما شدها لحضنه بتملك ودفن وشه في ثنايا عنقها بتوهان من ريحتها المسكرة. ثواني وغطى في نوم عميق.

صحوا الاتنين على صوت الباب. بص على ليالي لقاها بتفرك في عينيها ببراءة زي الأطفال. الحركة دي حبست انفاسه وخطفت قلبه. فضل باصصلها كتير بتوهان. وهي بتبص. لقتها متوسطة صدره ومحاوطا خصره بإيدها جامد. قامت بسرعة وصدمة. أنا... أنا مش عارفة أنا إيه جابني هنا. وم قصدي أنا يعني... حاول يمنع ابتسامة من الظهور بقدر استطاعته وبصلها ببرود. روحي غيري هدومك، البسي هدوم حلوة عشان دول بالتأكيد أهلي.

هزت راسها بخجل وانصرفت بسرعة وهو اتنهد تنهيدة حارة وقام يفتح الباب. خرجت لابسة عباية بيتي بيضة رقيقة جداً، ضيقة بس محتشمة. وعليها حجاب بيبي بلو. واختفت بكحل أبرز رماديته عينها أكتر، وملمع شفاه. ومعاها الضيافة. السلام عليكم. وعليكم السلام. نازلة بحب. اللهم صلي وسلم وبارك على سيدنا محمد. حوريه ياناس، حبيبة قلبي انتي، تعالي وحشتيني. جريت عليها ليالي بلهفة. وحشتيني أكتر ياماما. نازلي بجد بضحك. وأنا موحشتكش؟

خرجت راسها من حضنها بطفولة. وانت ياجدو. بس ماما أكتر بشوية صغيرين. ضحكوا عليها ونازلي أردفت بحب أموي. حبيبة ماما انتِ. الجد بخبث. فين حضني؟ جريت عليه حضنته تحت نظرات الباقي اللي ينفجر من كتر غيرته. وبيِص عليها بشزر وتوعد. احضني، احضني، ماشي. الصبر نطق. والده وهو بيتناول النظر مع جده بخبث. طب وأنا يالياليا؟ نطقت برقة وبراءة. وانت كمان يا عموري. عمار بضحك. نازلي بتغير. نازلي بضحك. إلا منها دي بنتي.

كلهم كانوا بيضحكوا ما عدا هو هيموت من غيرته. رفعت عينيها عليه لقيته بيبصلها جامد. خافت ونزلتهم بسرعة. أنا رايحة أعمل الشاي. وفرت هاربة من نظراته. تاليها نازلي. في المطبخ. نازلي بحنية. ها، طمنيني ياقلبي، معاملته معاكي إيه؟ وعملتوا إيه؟ بيضايقك؟ أجابته بسرعة وهي بتبتسم بمرارة. ها، لأ خالص. ده بيحبني أوي وبيعاملي بطيبة ورقيق معايا. حضنتها نازلي بسعادة.

ربنا يهديه ويزرع الحب في قلبه ليكي، قادر ياكريم. ويرزقوا بالذرية الصالحة وتفرحوني بحفيد قريب. آمين يارب. ابتسمت برقة. اللهم. روحي انتي ياماما وأنا هجيب الشاي والبسكوت وجاية. جهزت راسها ومسحت على دراعها بحنية. طيب ياحبيبتي. وخرجت. أول ما شافها ليل خرجت دخلت بسرعة وهما لحظوا وضحكوا. الجد بضحك. مش مصدق عيني، هو ده اللي من يومين كان رافض الجوازة؟ نازلي بخبث. شوفتوا نظراته وهو غيران عليها منكم؟

قولتلكم محدش هيعدلو غير ليالي. عامر وهو بيأيدها الرأي. ده حتى م صبر وماسافة ما خرجتي دخلها. هههه. كانت بتصب الشاي وبتنظم الصنية. وفجأة لقت نفسها لازقة في الحيطة وهو مكمم بوقها ومحاصرها بجسمه. إيه القرف اللي لابساه ده؟ وإيه اللي في وشك ده؟ اتكلمت بوقها على ايده اللي مكممة بوقها. اتنهد بغضب وشال ايده. ق... قرف إيه؟ ما ما لبسي محترم أهو والطرحة... ليل بغيظ وهو بيلف شعراتها العسلية اللي خارجة من الطرحة على صابعه.

واضح أوي. تروحي تغيري القرف ده والطرحة تتعدل. ما أعدلهالك أنا... ولا تحبي أعدلها أنا؟ هزت راسها بسرعة ونظراتها معذورة. ح... حاضر. ثواني وصراخه ملأ المكان. لياااااااااالي! هرولوا عليه بلهفة. مالك، في إيه؟ ليل بغضب جحيمي وعصبيته عمته. ليالي انتي طالق.