رواية جحيم قاسي الفصل السابع عشر 17 - بقلم ملك يسري

أسد بصدمة: إيه اللي بتقوله ده يا أبويا؟ أتجوز مين؟ حسين: كتب كتابك على ملاك بنت عمك الأسبوع الجاي. أسد بغضب: إزاي يا أبويا؟ هي أساساً كانت متجوزة وليها عدة. إزاي؟ غير كده، أنت عارف إني مش عايز أتخطب دلوقتي. رقية بسرعة: ملاك زين ملمسهاش. حسين: الكلام ده صح يا ملاك؟ ملاك بإحراج: أيوه صح. حسين: كده ملهاش عدة يا أسد. وبعدين، أنت عايز تتجوز امتى؟ أنت عندك دلوقتي ٢٩ سنة، عايز تتجوز وأنت عندك أربعين سنة ولا إيه؟

كلامي هيتسمع. أسد بعصبية: بس أنا مش عايز أتخطب لواحدة كانت متجوزة. غير كده، أنا مبحبهاش. حسين بغضب: ومن امتى واحنا بنتجوز عن حب يا أسد؟ أنت نسيت العادات بتاعتنا ولا إيه؟ كلامي هيتسمع. ملاك بدموع: كلامك صح يا أسد. أنت مينفعش تتجوز واحدة كانت متجوزة. غير كده، أنا مش عايزة أتخطب. هايدي بسخرية: بدأت التمثيلية أهي. ملاك: قصدك إيه؟

هايدي بغضب: قصدي من ساعة ما حضرتك شرفتي والمصايب نازلة علينا. وكل شوية تعمليلي البنت المسكينة. ملاك بغضب: احترمي نفسك واتكلمي بأدب. حسين بغضب: بس يا هايدي، اسكتي وبطلي قلة أدب، أنتِ فاهمة؟ هايدي بخوف: فاهمة. حسين بعصبية: آخره الكلام، كتب كتابك على ملاك الأسبوع الجاي. أنت فاهم؟ أسد بغضب: فاهم. ملاك بدموع: بس أنا مش عايزة أتخطب. حسين كان لسه هيتكلم، قاطعته رقية وهي بتقول:

رقية: بعد إذنكم يا جماعة، هاخد ملاك فوق معايا في الأوضة. الكل اتفضل. فوق في الأوضة عند ملاك ورقية. ملاك بدموع: ماما، بالله عليكي، أنا مش عايزة أتخطب أسد. كفاية اللي حصلي لما اتخطبت زين. رقية: اهدي يا حبيبتي. متخافيش. صدقيني، أسد غير زين. أسد حنين من جوه وطيب. أنتِ اتعاملي معاه وهتحبيه. غير كده، عمك عايز مصلحتكم. ملاك: طيب إيه يا ماما؟ أنتِ مش شوفتيه كان رافض الجوازة إزاي؟

غير كده، أنا مش عايزة حد يحبني ولا أحب حد. كفاية اللي حصل. رقية بحزن: عشان خاطري يا ملاك. صدقيني، لما تعرفي أسد هتحبيه. وبعدين يا ستي، اتخطبي بس فترة مؤقتة لغاية أما الأمور تهدى. وبعد كده، لو مستريحتيش معاه، أنا اللي هطلقكم. ملاك بحزن: وعد يا ماما. رقية: وعد يا قلب ماما. وبعدين، مش يمكن تحبيه ويحبك؟ ملاك: مستحيل. رقية بضحك: خلاص خلاص. تعالي ننزل نقولهم تحت إن انتي موافقة. ملاك بحزن: يلا. تحت في الصالون.

نزلت رقية هي وملاك. رقية: ملاك موافقة يا حسين. حسين: على بركة الله. كده كتب الكتاب الأسبوع الجاي، والفرح الأسبوع اللي بعده. ملاك بصدمة: هو لازم فرح؟ سنية: طبعاً يا بنتي. ده هيبقى فرح أسد الشرقاوي وملاك الشرقاوي. لازم يبقى فيه فرح كبير يليق بعيلتنا. ملاك بحزن: اللي تشوفوه. عائشة: مبروك يا مرات أخويا. ملاك: الله يبارك فيكي يا حبيبتي. أميرة: مبروك يا ملاك. ملاك: الله يبارك فيكي يا أميرة. هايدي بغضب: أنا طالعة أوضتي.

حسين: شوفي بنتك يا صافية وخليها تحترم نفسها شوية. صافية: حاضر يا أخويا. فوق في أوضة هايدي. هايدي بغضب: مستحيل أخليكي تفرحي بيه. أسد بتاعي أنا. من وأنا صغيرة وأنا بحبه. مش هتيجي أنتِ وتاخديه مني يا ملاك. وربنا لتشوفي معايا أيام سودة. تحت في الصالون. رقية: بعد إذنك يا حسين، هروح أنا وملاك نشتري حاجات من المول. حسين: ماشي. بس خدي معاكي حد من الحراس. رقية: ماشي. يلا يا ملاك. ملاك: يلا يا ماما. # في القاهرة.

عند سيف. كان قاعد على المكتب حزين. لأنه لغاية دلوقتي ميعرفش حاجة عن صاحبه والشركة بتقع. قطع سرحانه صوت التليفون وهو بيرن. وكان رقم زين. سيف بلهفة: زين! أنت كويس؟ أنت فين؟ زين بتعب: آلو يا سيف. سيف بفرحة: زين! عامل إيه؟ أنت فين؟ وما جيتش ليه؟ إيه اللي حصل لك؟ زين بتعب: تعالي على المستشفى ********. وهقولك على كل حاجة. بس تعالي بسرعة. سيف: أنا جايلك بسرعة. قفل زين مع سيف. وسيف راح بسرعة ركب العربية علشان يروح عند زين.

# في الصعيد. في المول. رقية: إيه رأيك في الطقم ده؟ ملاك: حلو أوي. وده أحلى. رقية: طب تعالي نشتريهم. وبعدين نروح محل تاني نشتري منهم. ملاك: كده كفاية. كده هيبقى كتير أوي. رقية: كتير إيه؟ مفيش حاجة تكتر عليكي. وبعدين، أنتِ معندكيش لبس؟ ملاك: ربنا يخليكي ليّا. رقية: لو سمحت، كنت عايزة الطقمين دول. الموظفة: تحت أمرك يا فندم. الموظفة: اتفضلي يا فندم. احسبي على الكاشير. رقية: تمام. رقية: لو سمحت، الحساب كام؟ الموظف: *****.

رقية: اتفضل. الموظف: نورتي يافندم. رقية: شكراً. رقية: تعالي بقي يا ملاك نروح ناكل آيس كريم. وبعدين نشتري حاجات تانية. ملاك بفرحة: يلا. في محل الآيس كريم. رقية: بتحبي بطعم إيه؟ ملاك: فانيليا. رقية: لو سمحت، كنت عايزة اتنين آيس كريم فانيليا. الموظف: حاضر يا فندم. رقية: شكراً. الموظف: اتفضل يا فندم. خدت رقية منه الآيس كريم وأدت لملاك. ملاك: طعمه حلو أوي.

رقية: أيوه طعمه لذيذ. تعرفي ياملاك، أنا كنت دايماً بحلم إني أنا وأنتِ ماشيين مع بعض وبنهزر وبنشتري هدوم. والحمد لله حلمي اتحقق. ربنا يخليكي ليا يا حبيبتي. ملاك: ويخليكي ليا يا حبيبتي. رقية: تعالي بقي نروح المحل ده. شكله عنده حاجات جميلة. ملاك: يلا. بس ده آخر محل. رقية: بس نشتري منه حاجات كتير. ملاك: ماشي. تسريع الأحداث. ملاك ورقيه جابوا حاجات كتير أوي. وكلهم كانوا حلوين. ملاك: الحاجات حلوة أوي يا ماما.

رقية: مبروكين عليكي يا حبيبتي. تحبي تروحي في حتة تانية ولا نروح؟ ملاك: نروح. كده كفاية أوي. رقية: طب يا حبيبتي. الي أنتِ عايزاه. ركبت ملاك العربية هي ورقيه. السواق: على فين يا فندم؟ رقية: على البيت. وصلت ملاك ورقيه القصر. وكانوا فرحانين أوي. لقوا الكل متجمع في الصالون. ملاك ورقيه: السلام عليكم. العيلة: وعليكم السلام. حسين: حمد الله على السلامة. رقية: الله يسلمك. حسين: اتبسطي يا ملاك؟ ملاك: أيوه يا عمي.

هايدي بسخرية: أكيد لازم تنبسط. هي كانت بتحلم بحاجة زي دي. حسين بغضب: هايدي! ملاك: سيبها يا عمي. واضح أوي إن الآنسة هايدي مش طايقاني. مش عارفة ليه. هايدي: أيوه أنا مش بطيقك. وبتمنى إنك مكنتيش عرفتينا أساساً. تعرفي؟ أنا من ساعة ما شفتك وأنا محبتكيش. وكرهتك أكتر لما عرفت إنك بنت عمي. أنا بكرهك يا ملاك. حتى الحاجة اللي بحبها، هتاخديها مني. ربنا ياخدك ويريحني منك. نزل قلم على وش هايدي. وكان من رقية.

رقية بغضب: أنا ساكتالك من زمان. لما تكلمي مع بنتي، تكلمي معاها باحترام. أنتِ فاهمة؟ هايدي مردتش عليها ومشت. رقية بغضب: استني هنا. هايدي: في إيه تاني؟ رقية: اعتذري لملاك. هايدي: أنتِ بتقولي إيه؟ مستحيل أعمل كده. حسين بغضب: لا هتعملي كده. يلا. هايدي: أنا آسفة يا ملاك. ملاك: عادي. محصلش حاجة. حسين: اطلعي على أوضتك يا هايدي. هايدي: حاضر. عند زين وسيف. سيف بخوف: إيه اللي حصل لك يا زين؟ ومين اللي عمل فيك كده؟ أنت كويس؟

زين: أنا كويس يا سيف. سيف: مين اللي عمل معاك كده؟ زين بغضب: ابن *****. سيف: احكيلي كده. إيه اللي حصل من الأول. حكى زين لسيف على اللي حصل له من ساعة ما سافر لغاية دلوقتي. سيف: معقول يا زين ده حصل معاك؟ زين: أيوه. بس وربنا مهسيبه غير أما أموته. سيف: أنا قولتلك يا زين هتندم على اللي عملته مع ملاك. بس أنت مسمعتش كلامي. زين بغضب: أنت معايا ولا معاهم؟ سيف: أنا مع الحق يا صاحبي.

زين: اقفل على الموضوع ده. إيه اللي بيحصل في الشركة؟ سيف بحزن: الشركة بتقع يا زين. خالص. زين: بتقع إزاي يا سيف؟ سيف: من ساعة ما الصفقة اتلغت. والوفد الألماني قلب علينا وعايز كل فلوسه. وأنا ساعتها مكنتش عارف أعمل حاجة. زين: كل ده بسبب عيلة الشرقاوي. وربنا مهرحمهم. سيف: إن شاء الله. زين: أنا عايز أطلع من هنا دلوقتي. سيف: حاضر. هروح أشوف الدكتور هيكتب لك الخروج امتى. زين: بسرعة يا سيف. سيف بحزن: حاضر. في الصعيد.

هايدي: وربنا مهرحمك يا ملاك. بقي أنا أعتذرلك؟ ماشي. أنا هوريكِ. ليل. كانت ملاك صاحية وبتفكر في مستقبلها. واللي هيحصل لها لما تتجوز أسد. ملاك: إن شاء الله مفيش حاجة بتحصل. وربنا هيعوضني بإذن الله. ملاك: أنا عطشانة أوي. أنا هقوم أشرب وأنام. نزلت ملاك المطبخ علشان تشرب. أسد كان نازل يشم شوية هوا. بس سمع صوت في المطبخ. راح يشوف مين. بس لقي النور كان مطفي. أسد بصوت عالي: مين اللي هنا؟ ملاك اترعبت. ووقعت الكوباية منها.

أسد فتح النور. بس انصدم من اللي شافه؟؟؟؟؟