رواية جحيم معاق الفصل الحادي عشر 11 - بقلم ولاء

يسري... انتي طالق ياضحي. هدي... انت مجنون يا يسري. إيه اللي بيحصل ده يا ممدوح؟ ممدوح... مش عارف فيه إيه يا يسري، ما الموضوع اتحل وخلاص. ضحي... ليه يا يسري، ليه؟ يسري... إحنا كده كده جوازنا باطل يا ضحي، وأنا مش عاوز أخليكي معايا في الجحيم ده أكتر من كده، أرجوكي يا ضحي افهميني. ضحي... أفهم إيه؟ أنت ليه بتيجي عليا كده؟ أنا عملتلك إيه؟ ده أنا واقفة في صفك طول الوقت. أنا لو لعبة مش هيعملوا معايا كده والله.

ضحي تطلع على أوضتها وهي بتعيط وتحضر هدومها وتمشي على بيت أبوها. فاطمة... ضحي حبيبتي، وحشتيني يا قلب أمك. تترمي ضحي في حضن والدتها وتبكي. ضحي... ليه يا ماما بيحصل فيا كده؟ أنا عمري ما كنت وحشة مع حد علشان يحصلي كده. أنا مش عاوزة أعيش تاني، أنا قلبي مكسور يا أمي. فاطمة...

أوعي تقولي كده تاني يا ضحي، ده اختبار من عند ربنا، وإنتي لازم تستحملي، وإن شاء الله ربنا سابلك الأحسن. خليكي قوية علشان تعرفي تعيشي، محدش يضحك عليكي. كملي دراستك واشتغلي، أوعي تقفي للريح علشان توقعك. حاربي الدنيا يا ابنتي، وإن شاء الله خير، كله خير. ضحي تسمع كلام أمها وترتاح وتنام. (بيت ممدوح) هدي... يعني إيه يسري هيسافر برا تاني؟ ممدوح... يسري هيكمل علاجه ويشتغل في الشركة اللي برا. هدي... إنت عاوز تبعد ابنك عننا؟

يسري... لا يا ماما، بابا مش قاصد كده. أنا عمري ما هبعد عنك، أنا بس هروح أكمل فترة علاجي وهرجع على طول. هدي... طيب وضحي خلاص كده، فعلاً مش هترجع تاني؟ ممدوح... أنا اللي غلطان من الأول. هدي... أنا قلتلك الطريق ده آخره وحشة، صدقتني. يسري... كفاية كلام في الموضوع ده، يلا علشان الطيارة هنتأخر. (بعد مرور ثلاث سنوات) ضحي كانت شغالة في شركة ملابس أطفال، وكان شغلها حلو واسمها مسموع في الشركة. ريم... ضحي، إنتي عرفتي الجديد؟

ضحي... إيه الجديد يا أختي؟ ريم... فيه واحد دخل شريك مع الشركة بتاعتنا واشترى نص الأسهم وهيكون المدير الجديد. ضحي... طيب وهو زي المدير القديم ولا هيبقا إيه نظامه؟ ريم... اسكتي، ده بيقولوا إنه شديد أوي أوي ولسه جاي من برا. وأثناء الحديث، الفون بتاع ضحي يرن. هدي... ضحي، وقت الغداء، إنتي كلتي؟ ضحي... والله كلت يا ماما هدي من بدري. هدي... طيب عمك بيقول هنروح نقضي يوم الإجازة في المكان اللي إنتي عاوزاه. ضحي...

أنا مش فاضية يا أختي، أنا عندي شغل. خدي تيسير معاكي وابعدي عني، يلا سلام. تشتغل ضحي وآخر اليوم لسه هتمشي. عماد... ضحي لو سمحتي، ادي الملفات للمدير قبل ما تمشي علشان أنا متأخر، معلش. ضحي... يخرب بيتك، هو كل يوم يعمل فيا كده. عماد... معلش. ضحي تأخذ الملفات وتطلع تخبط على باب الأوضة وتدخل. ضحي... يا أستاذ... ولسه هتتكلم، تلاقي يسري قدامها وتفضل تنظر إليه. يسري... إيه، وحشتك لدرجة دي؟ ضحي تبتعد عنه وتقول. ضحي...

يسري، إنت بتعمل إيه هنا وجيت إمتى؟ يسري... أنا المدير الجديد هنا. ضحي... طيب اتفضل، دي الملفات بتاعت جرد النهاردة. ولسه ضحي هتمشي، يسري يمسكها من إيدها. يسري... إنتي هتمشي على طول كده؟ ضحي... أمال عاوزني أرقصلك؟ يسري... ياريت. ضحي... نعم، إنت مجنون ولا إيه؟ يسري يقترب من ضحي لحد ما تخبط في الحيطة اللي وراها. يسري... إنتي كنتي حلوة، دلوقتي بقيتي أحلى بكتير. ضحي وهي متوترة من نظرة عينه. ضحي...

إنت الظاهر سفر برا غيرك يا أستاذ يسري. وتروح ضحي تدوس على رجله. يسري... آآآآه. ضحي... دي قرصة ودن، المرة الجاية هتصرف تصرف مش لطيف. وتخرج ضحي من المكتب وتذهب إلى منزلها. ضحي... هو اتغير كده ليه؟ وبقا حلو عن الأول. يخرب بيت أمه. (في صباح اليوم الثاني) ضحي... يا ماما، أنا هروح الشغل، مش هلحق أفطر، يلا سلام. فاطمة... سلام يا حبيبتي، خلي بالك من نفسك. تخرج ضحي وهي ماشية في الطريق، عربية تقف قدامها. ضحي...

إنت مجنون ولا إيه، مش تفتح. يسري يخرج رأسه من العربية ويقول. يسري... والله كان نفسي أفتح على عيونك زي زمان، بس مكنتيش موجودة. ضحي... يا فتاح يا عليم، على الصبح. دا الموضوع بقا زفت على الآخر. إنت عاوز إيه دلوقتي؟ يسري... عاوزك يا ضحي.