رواية جحيم معاق الفصل الرابع 4 - بقلم ولاء

يأتي صباح يوم جميل والجميع متجمع على السفرة منتظر الإفطار. تيسير: يا بابا ممدوح، هو رضا مش قال لحضرتك إنه جاي النهارده؟ ممدوح: أيوه يا تيسير، الطيارة هتوصل على العصر. ماجدة: إيه يا تيسير، دول شهرين، أمال لو كانت سنة كنتي عملتي إيه يا تيسير؟ تيسير: معلش بقى، أصل قلبي رهيف مش بيستحمل. ضحى: إيه يا عمي الدراما اللي أنت عايش فيها دي؟ ماجدة: عن إذنك يا عمي، أنا هروح مشوار ومش هتأخر. ممدوح: طيب.

تذهب ماجدة إلى غرفتها وتمسك الفون. ماجدة: أيوه، أنا طالعة من البيت دلوقتي. نرجع لـ ضحى. ممدوح: يلا يا ضحى حضري نفسك أنتِ ويسري عشان هنخرج نشتري لكم شوية هدوم، الفرح جه بسرعة ومعرفناش نشتري حاجة. ضحى: بجد يا عمي بتتكلم جد؟ ممدوح: أيوه، يلا بسرعة. تلبس ضحى وتخرج هي ويسري ويركبوا العربية. (في مول كبير) ضحى: يا نهار أبيض، إيه ده؟ الناس دي كلها جت منين؟ ده أنا مكنتش عايشة، ده إحنا كنا قاعدين في صفيحة زبالة.

يسري: هو إحنا ليه يا ضحى مش كنا بنشوفك أنتِ وعمي؟ ضحى: تشوف مين يا عم؟ هو إحنا فين وأنتم فين؟ بس قولي يا يسري، هو لما أنت سليم وحلو كده وبسم الله ما شاء الله عليك زي العجل، قصدي زي القمر، عمك وقعك الوقعة دي ليه؟ يسري: يعني إيه؟ ضحى: يعني متجوزتش جوازة حلوة من بنت ناس ليه؟ يسري: بلاش تعرفي عشان هتتعبي يا ضحى، خليكي كده على طيبة قلبك وبلاش تحطي نفسك في مشاكل. ضحى: طيب قولي بقى بسرعة فين أقرب حمام هنا عشان خلاص هموت.

يسري: يضحك ويقولها: من هناك، الدور الثاني. تطلع تجري وهي بتمشي تشوف ماجدة مع واحد وهي بتحضنه أوي. ضحى: هار أسود، هي دي ماجدة ولا عينيا بتكذب؟ لأ هي. بسرعة ضحى تقف وراء العمود وهي بتشوف ماجدة بتخرج هي والشخص اللي معاها. يسري: إيه يا ضحى، أنتِ معرفتيش تروحي ولا إيه؟ ضحى: إيه؟ لا لا تعالي بس، خلاص مش عاوزة أدخل، تعالي نروح نشتري جزمة، نفسي أوي ألبس جزمة بكعب، تعالي تعالي. ضحى كانت خايفة ومش عارفة تتصرف إزاي.

وبعد يوم طويل وتعب تروح ضحى هي ويسري على الفيلا. (في المساء) هدي: يلا يا جماعة، العشاء جاهز. ممدوح: رضا جه يا تيسير؟ تيسير: أيوه يا بابا، هروح أصحيه لحضرتك عشان يأكل معاك. هدي: أمال فين ضحى يا ممدوح؟ ممدوح: جت تعبانة، مش هتقدر تنزل، سيبها على راحتها. (غرفة ضحى) يسري: إيه يا ضحى، مش هتنزلي تأكلي؟ ضحى: اسكت يا يسري، أنا بطني بتتقطع، كله من البتاع اللي شربته معاك ده، صحيح الحاجة الغالية دي بتوجع البطن.

ولسه بتتكلم تجري على الحمام وتقعد ترجع. يسري يجري وراها: ضحى، أنتِ كويسة؟ ردي عليا. ضحى: أنا كويسة. يسري يشيل ضحى ويحطها على السرير. ضحى: قولي يا يسري. يسري: إيه. ضحى: أنت حياتك كانت إزاي وأنت معاق؟ يسري: مش فاكر. ضحى: أنت هتكدب عليا؟ يسري: والله مش فاكر إلا حاجات بسيطة من كتر الصدمات الكهربائية اللي عملتها، وأنا معظم الحاجات فاكرها وحاجات لأ. ضحى: طيب أنت مش عاوز تعرف حد ليه إنك بقيت كويس؟ دي أمك مش عارفة.

يسري: كل حاجة في وقتها يا ضحى، متستعجليش. ضحى وهي بتتكلم من التعب تنام على نفسها. يسري: ينظر إليها. أنتِ حلوة أوي كده ليه يا ضحى؟ أنتِ جيتي مكان مش مكانك، أنتِ حاجة حلوة مستحيل تتكرر. (صباح ثاني يوم) كلهم قاعدين في الجنينة ويسري قاعد على الكرسي مش بيتحرك، ورضا ورامز بيلعبوا مع الأطفال. تيسير: هي ضحى فين يا ماما؟ مش باينة من امبارح الصبح. هدي: دي كانت تعبانة شوية وبترتاح. ماجدة: جبنا في سيرة القط جه ينط.

ضحى: تنظر إلى ماجدة نظرة غضب واشمئزاز. لسه ضحى هتروح تسلم على عمها. ممدوح: ضحى: بذعر وصدمة. إيه ده؟ هو...