رواية جحيم معاق الفصل الثالث 3 - بقلم ولاء

ممدوح... اسمعي يا ضحى الكلام اللي هقوله ده كويس. ضحى... اسمع إيه؟ بقولك ابنك بيتكلم زينا، ابنك مش معاق. ممدوح... وطّي صوتك يا ضحى واسكتي خالص، انتي فاهمة؟ ضحى... يعني عاوزني أعمل إيه؟ أسكت إزاي مش فاهمة؟ لما هو مش معاق وزي الفل كده، مش بتجوزه جوازة حلوة زي إخواته ليه؟ وليه أصلاً بتقول عليه معاق؟ أنا بقى عاوزة أفهم عشان مش أتجنن في الليلة دي. ممدوح...

يسري لسه يا ضحى، مبقاش كويس، لسه في مرحلة العلاج بتاعته، بس محدش عارف كده. ضحى... ومحدش عارف ليه يا عمي؟ هو هيتحسد؟ يا عمي دي حاجة ربنا أنعم عليك بيها إنه يبقى كويس، أنا مش فاهمة، أمرك غريب بشكل. ممدوح... يا ضحى في حاجات لسه انتي صغيرة عليها، مش هتفهمي دلوقتي. لما يسري يقوم على خير من اللي هو فيه، هفهمك كل حاجة. ضحى... يعني أنا دلوقتي المطلوب مني أعمل إيه؟ أسكت يعني ولا إيه؟ في ليلة أمي السوداء دي. ممدوح...

المطلوب إن محدش يعرف خالص اللي حصل، وإن يسري لسه زي ما هو، انتي فاهمة؟ ضحى... فاهمة، فاهمة. يذهب ممدوح إلى غرفة يسري. ممدوح... انت مجنون يا يسري؟ إزاي تعمل حاجة زي دي؟ يسري... يا بابا، ضحى لازم تعرف، دي مراتي، وكمان أنا مش قادر أسكت أكتر من كده. ممدوح... لا، لازم تسكت، ومش عاوز حد تاني يعرف، حتى أمك يا يسري، انت فاهم؟ يسري... حاضر. (في المساء) ضحى... يا ماما، هدي يا مرات عمي. هدي... خير يا حبيبتي؟ خير يا ضحى. ضحى...

أنا بس بسأل، الجميل عامل أكل إيه عشان هموت من الجوع. تيسير... ده إيه الدلع ده كله؟ ما تجيبي لنفسك الأكل، هو انتي صغيرة ولا إيه؟ ضحى... أصلي عروسة جديدة ومش قادرة بقى، وانتِ فاهمة، ولا انتي ما كنتيش عروسة ولا إيه؟ تيسير... (تضحك ضحكة استهزاء) لا والله، أصل ما كنتش مكانك بصراحة. هدي... خلاص بقى كفاية، هو في إيه من الصبح؟ عيب قوي اللي احنا فيه. رامز... ماما حبيبتي. هدي... حبيبي، ألف حمد الله على سلامتك. رامز...

الله يسلمك يا ماما، عاملة إيه؟ وبابا فين؟ هدي... بابا في المكتب، ادخل سلم عليه. رامز... أهلاً يا ضحى، ألف مبروك. ضحى... تلاقي نظرة غضب وهو بيقول الكلمة دي. الله يبارك فيك، عقبالك كمان مرة. (وتقول في نفسها: ولا بلاش عشان الحربوقة بتاعتك تقتلك.) ماجدة... بتقولي حاجة يا ضحى؟ ضحى... بقول ربنا يخليكم لبعض. ماجدة... رامز، تعالي الأوضة عاوزة أتكلم معاك. (غرفة ماجدة) ماجدة... انت كنت عارف إن أبوك هيجوز يسري؟ رامز...

وأنا هعرف منين؟ أنا اتصدمت زي زيك. ماجدة... يعني إيه؟ يعني كل اللي فات ده هيروح على الأرض؟ انت عاوز بنت مقفوصة زي دي تورث بعد التعب اللي إحنا تعبناه كل ده؟ رامز... عاوزة توصلي لإيه يا ماجدة؟ ماجدة... البت دي يا تطلق، يا أما نعمل الحل اللي قلت لك عليه. رامز... انتي مجنونة؟ أنا مش قلت بلاش كلام في الموضوع ده تاني؟ ماجدة... بس اسمع كلامي، انت كده هتضمن حقك. مش حرام كل المال ده يروح لواحد أهبل زي يسري؟ (غرفة يسري وضحى)

تدخل ضحى على طراطيف صوابعها وتقفل الباب براحة، وتبص عشان تشوف يسري بس مش بتشوفه، وعمالة تلف في الأوضة. ولما لفت ورا بتفكر إنه مش في الأوضة، طلع وراها. ضحى... آآآآه يالهوووي! انت بتعمل إيه؟ يسري... وطّي صوتك يا مجنونة. ضحى... انت خوّضتني! انت ماشي ورايا ليه؟ يسري... انتي اللي ماشية قدامي وعاملة زي الحرامية. ضحى... ماهو أنا كنت بدور عليك، بشوفك فين. يسري... وبدور عليا ليه يا أختي؟ أنا لعبة ضائعة منك؟ ضحى...

بص، أنا مش قادرة أتكلم أصلاً، كفاية مراتات إخواتك العقارب اللي تحت مطلعين عيني. يسري... (بجدية على وجهه) حد عمل فيكي حاجة؟ ضحى... حد يقدر يا ابني؟ دا أنا ضحى. يسري... طيب، انتي فهمتي هتعملي إيه؟ ضحى... آه، صحيح، تعالي هنا، هو إحنا كده يعتبر متجوزين ولا لأ؟ يسري... انتي هبلة؟ انتي مراتي طبعاً. ضحى...

أصل أنا البيت بتاعكم ده لغبط دماغي خالص، مش فاهمة فيه أي حاجة. المهم، أنا هدخل آخد شاور عشان أنام، أصل بصراحة أنا تعبانة أوي. تدخل ضحى الحمام وتقعد على طرف البانيو وتفتكر وهي ماشية وسمعت كلام ماجدة ورامز وتقول: ضحى... يعني هما عاوزين يخلصوا من يسري؟ طب ليه دول كلهم إخوات؟ أنا حاسة إن في مشاكل جاية أكتر من كده بكتير.