رواية جحيم معاق الفصل السادس 6 - بقلم ولاء

وبعد منتصف الليل وضحي في الجنينة في الخارج. يسري: ضحي أنا آسف، أرجوكي ادخلي جوه، الجو هنا غلط عليكي. ضحي تفكر ومش بترد على يسري. يسري: والله أنا خايف عليكي، أنا بعمل كل ده لمصلحتك. تعالي يا ضحي ندخل جوه، احنا ممكن حد يجي دلوقتي ويشوفني كده. ضحي: بقولك إيه يا يسري. يسري: إيه يا ضحي؟ عايزة إيه؟ ضحي: تعالي نطلع الأوضة الأول قبل ما حد يشوفنا. (غرفة ضحي)

ضحي تدخل الحمام وتلبس قميص قصير وتحط ميك أب خفيف وبرفان وشعرها مفرود على ضهرها. يسري أول ما شافها اتجنن عليها، بس حاول يغير الموضوع. يسري: عايزة تقولي إيه يا ضحي؟ ضحي: أنا عايزة أتجوزك. يسري: انتي مجنونة؟ ما إحنا متجوزين. ضحي: لا، أنا عايزة أجيب عيال. يسري والصدمة على وشه: انتي مجنونة؟ انتي بتفكري إزاي؟ ضحي: أنا مش مجنونة، بقولك عايزة أجيب عيال. امال إحنا اتجوزنا ليه؟ يسري: انتي شكلك عقلك راح منك، أنا داخل أنام.

تمسك ضحي في يسري بقوة. ضحي: رد عليا يا يسري. في واحد متجوز بشرع ربنا ومراته قدامه، لبسه قصير وحلوة وهو بكامل قوته وسليم زيك كده ومش عايز يجي جنبها ليه؟ اديني سبب يخليك تعمل كده. يسري: ضحي نامي علشان خاطري وبلاش كلام في الموضوع ده. ضحي: أنا مش هنام إلا لما أفهم. أنا جيت هنا ليه واتجوزتني ليه يا يسري؟

عايزة أعرف إيه السر اللي في الموضوع ده. أنا مثلاً اتجوزتك علشان معاق وأبويا هيدخل السجن وكنت بحاول أعمل حاجة صح لأبويا. انت بقا اتجوزتني ليه؟ لا انت طلعت معاق ذهنياً ولا عندك أي مشكلة. امال أنا جيت بيت الجحيم ده أعمل إيه؟ يقرب عليها يسري جامد لدرجة إن هي سامعة دقات قلبه. يسري: انتي عايزة إيه يا ضحي؟ عايزة تبقي مراتي بجد؟ عايزة تجيبي مني عيال؟ عايزة كده يا ضحي؟ ضحي بتبص على عيونه ومش بترد.

يسري: انتي عايزة تتجوزي واحد إخواته عايزينه يم*ت؟ يق*تلوه؟ بكرة الأيام تعرفك أنا اتجوزتك ليه. ويشد الروب يلبسهولها. ويسيبها وينام على السرير. وضحي تنام على الكنبة. (يأتي صباح تاني يوم) هدي بتحط الفطار على السفرة وكلهم قاعدين. تيسير: إيه يا ضحي؟ انتي منزلتش يسري معاكي ليه؟ ضحي: أصله رايح في النوم، فقلت أسيبه. ممدوح: حضري نفسك يا ضحي علشان هتيجي معايا الشركة النهارده. رضا: ليه يا بابا؟ ضحي هتروح ليه؟

ماجدة: وهي ضحي هتعمل إيه في الشركة يا بابا؟ ممدوح: هتمسك الشغل بتاع جوزها والأسهم بتاعته. رضا: إيه الكلام ده يا حج؟ انت عايز بت زي دي تمسك نص الشركة؟ انت بتتكلم إزاي؟ ماجدة: انت كده بتنحاز لي يسري وضحي يا بابا ودي مشكلة. رامز: اهدا بس يا رضا، أكيد بابا ميقصدش كده. ممدوح: لا، أنا قاصد كل كلمة قلتها. ضحي هتمسك الشغل معايا والأسهم بتاعت جوزها، وده آخر كلام عندي. اطلعي يا ضحي البسي. ضحي: حاضر يا عمي.

تلبس ضحي وتروح الشركة مع عمها. (في الشركة) أول ما تدخل ضحي. ممدوح: أنا عارف إن انتي مستغربة اللي بيحصل، بس بعد كده هتفهمي كل حاجة. ضحي بتقول في نفسها: الموضوع بدأ يقلقني وخايفة من اللي هيحصل بعد كده. بعد ما تقعد مع عمها ويشرحلها نظام الشغل وبعد يوم طويل. ضحي: مش هنروح البيت بقا يا عمي؟ أنا تعبت من كتر الورق والناس. ممدوح بضحك: طيب يلا ياستي، زمان هدي حضرت الأكل. (في المنزل) هدي: يالهوي! انت عملت إيه في البت يا ممدوح؟

انت جايبها وشها أصفر كده ليه؟ وكل ده ونظرة ماجدة لضحي كلها غضب. هدي: اطلعي غيري هدومك يا حبيبتي على ما أحضر الأكل. تطلع ضحي غرفتها تاخد شاور وتلبس. ولسه جايه تنزل من على السلم حد يوقعها من على السلم. ضحي: آآآآآه! يسري يقوم ويجري من مكانه ويقول: ضحي! الجميع: يسري!