رواية جحيم معاق الفصل السابع 7 - بقلم ولاء

يسري: ضحي ضحي الجميع: يسري! يسري: انت انت بتتكلم وبتمشي يقف الجميع في حالة من الذهول والهلع. محدش متوقع اللي بيحصل. يسري يجري على ضحي وهي واقعة على الأرض، مش بتتكلم ورأسها بتجيب دم. يسري: بسرعة ياماما اتصلي بالدكتور. كل ده وممدوح واقف مش عارف يعمل إيه في المصيبة اللي هو بقى فيها. *** (في المستشفى) يسري موجود وممدوح وهدي. يسري: خير يا دكتور، ضحي عاملة إيه؟

الدكتور: خير، متقلقش. إحنا عملنا أشعة مقطعية على المخ وكل حاجة كويسة. مجرد ارتجاج طفيف من الوقعة وسبع غرز وخيطنا الجرح وكل حاجة كويسة. ممدوح: طيب وهي عاملة إيه دلوقتي؟ الدكتور: هي تمام، تقدر تدخل تطمن عليها بنفسك. يسري يسيبهم ويدخل لضحي جوا. ممدوح لسه جاي يدخل، هدي تمسك فيه بقوة. هدي: أنا عايزة أفهم دلوقتي فيه إيه؟ ابني فاق كده إزاي؟ إيه اللي بيحصل من ورايا يا ممدوح؟ فهمني. ممدوح حاول يداري الموقف ومش عارف يقول إيه.

ممدوح: مش عارف ياهدي، أنا كمان لسه هفهم الموضوع أهو. هدي: تمسك ممدوح من إيده جامد وتقول: اوعى تكون فاكر إني علشان مش أمه إني ماليش حق فيه يا ممدوح. يسري ابني زي ما هو ابنك، انت عارف كده كويس. يسري ليا حق فيه زيك بالظبط. ممدوح: بلاش كلام في الموضوع ده ياهدي دلوقتي. (في الأوضة عند ضحي) يسري: ضحي، انتي كويسة؟ ضحي: بصدمة، يسري! حد يشوفك! انت جيت هنا إزاي؟ يسري: مش مهم. انتي كويسة؟ إيه اللي حصلك؟ انتي وقعتي إزاي من فوق؟

ضحي: تفتكر إن حد وقعها، بس هي مشفتش وشه، بس تنكر الموضوع ومتتكلمش. ضحي: اتعبلت يايسري ووقعت. يسري: طيب انتي كويسة؟ ضحي: أنا كويسة، المهم انت هتعمل إيه؟ حد عرف إنك بتتكلم؟ يسري: يحكي لضحي على اللي حصل. ضحي: هااار أسود! انت مجنون! انت عملت كده ليه؟ يسري: اللي حصل بقى ياضحي، كنت ردة فعل يعني، كنتي عايزاني أتصرف إزاي؟ ضحي: أنا مش فاهمة حاجة خالص. يسري: حاجة إيه؟ ضحي: لا، متشغلش بالك. وأثناء الحديث يدخل ممدوح وهدي.

ممدوح: ضحي، انتي كويسة دلوقتي؟ هدي: ضحي حبيبتي، انتي بخير؟ ضحي: أيوه يا عمي، أيوه يا مرات عمي، أنا كويسة خالص وبخير والله، هي دماغي اللي وجعاني بس شوية. هدي: كل ده وهي بتبص لـ يسري نظرة فرحة مش قادرة تخبيها، ومرة واحدة تقعد تعيط. ممدوح: أنا عارف إنك هتعملي كده، اسكتي بقى ياهدي، أنا قولتلك إيه. يسري: يروح وياخد أمه بالحضن، خلاص بقى ياماما، أنا بقيت كويس وبخير، دا بدل ما تكوني فرحانة بتعيطي.

هدي: من فرحتي، فرحانة بيك يا يسري. ضحي: طيب يلا نكمل الدراما دي في البيت علشان مش بحب المستشفيات. يخرج الجميع من المستشفى ويركبوا العربية للبيت. *** (في المنزل) لسه داخلين البيت، ممدوح يشوف عياله كلهم واقفين هما ومراتاتهم. رضا: أنا عايز أفهم دلوقتي إيه اللي بيحصل في البيت ده؟ إزاي واحد معاق ذهنياً ومش بيتكلم ينطق مرة واحدة كده؟ أنا عايز أفهم. كان يتحدث وهو غاااضب وصوته عااالي جامد. ممدوح: وطّي صوتك يا كل*!

انت نسيت نفسك ولا إيه؟ رامز: اهدي يا رضا كده، عيب، براحة لما نعرف الموضوع الأول. رضا: موضوع إيه اللي نعرفه؟ بقولك واحد بقاله 30 سنة معاق ومرة واحدة اتكلم! اديني عقلك بقى! إزاي ده يحصل؟ انت كنت بتضحك علينا وبتاكل بعقولنا حلاوة بقى يا حج؟ ولا أقولك حج ليه؟ الـ زايك كده خسارة فيه كلمة حج. تجري هدي على رضا وتضربه بالقلم على وشه جامد. هدي: الـ زايك أنت حرام فيه التربية يا واطي! انت بترفع صوتك على أبوك يا رضا؟ انت اتجننت؟

بدل ما تقوم تاخد أخوك بالحضن وتقوله الحمد لله إنك بقيت كويس، تقول كده؟ فعلاً خاف من عدوك مرة ومن صديقك ألف مرة يا رضا، انت آه ابن بطني بس خسارة فيك الحنية اللي ادتهالك. يسري: خلاص ياماما، كفاية كده. خدي ضحي واطلعي ارتاحي. ولسه بيتكلم، رضا يمسك يسري جامد من رقبته. رضا: انت عايز إيه بقى؟ عامل نفسك مجنون علينا ومش بتتكلم واهبل، وكل ده واحنا مصدقين؟ لا وكمان فضلك علينا وكتبلك نص أملكنا كلها ليك، ليه؟ قولي ليه؟

تفرق إيه انت عني؟ كل ده وهما عمالين يشدوا رضا عن يسري، ويسري مش بيتكلم خالص، الدموع في عيونه ومانع الكلام. مرة واحدة ضحي تروح على رضا وتضربه بالقلم جامد. رضا: يترك يسري وينظر إلى ضحي بغضب وعيونه حمرة. ضحي: لو فكرت تيجي جمب جوزي، سوا كان مريض أو سليم، انت مش عارف أنا ممكن أعمل إيه أو أقول إيه. طبعاً انت فاهم كلامي كويس. رضا من غضبه ياخد بعضه ويمشي من البيت. وماجدة تكون واقفة بتسمع اللي حصل وخايفة. (غرفة ضحي)

ضحي: لسه هتتكلم مع يسري. يسري: يرمي نفسه على السرير وميتكلمش خالص ولا ينطق بحرف واحد. وضحي: تشوفه كده وتبعد عنه وتنام على الكنبة مكانها. (تاني يوم) يسري يخبط على باب الأوضة بتاعت أبوه. ممدوح: خير يا يسري، فيه إيه؟ بتخبط بدري ليه؟ يسري: أنا عايز أروح لدكتور النهارده يا بابا، تعالي معايا. ممدوح: طيب حاضر يا حبيبي، هطلب آخد منه معاد الأول. يسري: أنا خدت المعاد، تعالي معايا يلا. يسري يأخذ ممدوح ويروح عند الدكتور.

نيجي لضحي. تنزل ضحي من فوق علشان تفطر. هدي: إيه اللي نزلك ياضحي؟ أنا كنت هطلعلك الفطار دلوقتي. ضحي: أنا كويسة الحمد لله، وقولت أجي أغير جو، معرفتش أنام طول الليل. وتنظر إلى ماجدة وهي بتتكلم: أصل عايزة أشد حيلي علشان أنزل مع عمي الشغل. هدي: ربنا يهدي الحال يارب. تيسير: الموضوع بدأ يزيد عن حده ياماجدة، البت دي شكلها كده مش هتجيبها لبر، أنا حاسة كده. ماجدة: متشغليش بالك بيها يا تيسير، أنا عارفة أجيب رأسها الأرض إزاي.

(في العيادة) السكرتيرة: أستاذ يسري، اتفضل. الدكتور مستني حضرتك جوا. يدخل يسري هو وممدوح إلى الدكتور. يسري: أهلاً يا دكتور. حضرتك عامل إيه؟ الدكتور: أنا بخير والله، انت الأخبار إيه؟ عامل إيه يا حج ممدوح؟ ممدوح: بخير والله يا دكتور. الدكتور: خير يايسري، انت عايز تقابلني بسرعة كده ليه؟ يسري: أنا عايز حضرتك تقولي عملت إيه في الموضوع بتاعي؟ ممكن أقدر أمارس حياتي الطبيعية امتى؟ الدكتور: تقصد إيه يا يسري؟

انت عايز تتجوز ولا إيه؟ انت عارف أضرار الجواز بالنسبة لك إيه؟