رواية جحيم مراد الفصل الثالث 3 - بقلم إسراء الاتربي

مراد دخل والبنت قربت منه وبتفك زراير قميصه. فجأة مراد بعدها عنه. مراد: اطلعي بره. البنت بدلع: ليه بس يا ميرو احنا لسه... مراد قاطعها. مراد بغضب: قولتلك غوري برررره. البنت طلعت والباب اتفتح. مراد بيبص لاقي ياسمين قاعدة قدام الباب ومنهارة من العياط. ياسمين: اي مكملتش ليه. مراد بغضب: وانتي مالك.. واترمي على السرير.. تعالي اتخمدي يلاا. ياسمين راحت اخدت ماخدة ولسه هتنام. مراد: لا تعالي نامى هنا... وشاورلها على السرير.

ياسمين مرضيتش وحطت المخدة. لاقيت مراد بيرفعها من على الأرض، حاطها على السرير وحوطها بدراعه ونام. تانى يوم مراد... قام الأول ودخل الحمام واخد دش وطلع لابس هدومه عبارة عن بدلة رمادي وتحتها قميص أبيض وكان جذاب جدا. مراد: انتي يا زفتة.. قومي يلاا انتي أي اللي نايمك على سريري استغليتي إن كنت سكران وجيتي نمتي جنبي. ياسمين بتريقة: ليه من حبي فيك مثلا. أنت اللي جبتني هنا بالغصب.

مراد: ده على أساس إني أنا ميت فيك مثلا. انزلي حضريلي الفطار والقهوة. ياسمين نزلت ومراد نزل وراها. فطر ومشي. في الشركة... مراد وصل مكتبه وأسر دخل وراه. أسر: صباح الخير يا مراد أخبارك إيه. مراد باستغراب: مالك يا أسر مش عادتك تقولي مراد شكلك زعلان. أسر بحزن: كاميليا هتتخطب. مراد: طب وأنت بقى مستني لما تتجوز كمان. روح يا غبي افتحها في الموضوع دي فرصتك الأخيرة. أسر: يعني أقولها أي أقولها سيبي خطيبك واتجوزيني أنا.

مراد: لا يا خفيف أنت هتقولها مشاعرك وتسيبها هي تقرر. وبعدين على فكرة شكلها هي كمان بتحبك بس هي شايفاك البعيد ما بتتحركش قالت تحركك هي شوية. أسر: تفتكر. مراد: أنت لسه قاعد قوم كلم البت. أسر: طب أنت أخبارك إيه مع ياسمين. مراد: بعذبها بأبشع الطرق. أسر: حرام عليك يا مراد سيبها في حالها. مراد أنت حبيتها بس مش عايز تقول عشان كرامتك صح. مراد: إيه اللي أنت بتقوله ده يا أسر.

أسر: بقول الحقيقة أنت شكلك بتحبها راجع نفسك بلاش تتمادى أكتر من كده. أنا رايح مكتبي. أسر مشي ومراد قاعد يفكر في كلامه. معقول أكون.. بح. لأ مستحيل أسر بيقول أي كلام. بس أنا امبارح كنت في وعيي وخليتها تيجي تنام جنبي ضعفت. يمكن صعبت عليا. وفضل يقنع نفسه بكده. في مكتب أسر. أسر: كاميليا تعالي عايزك. كاميليا خبطت ودخلت. كاميليا: خير يا أسر بيه. أسر: قوليلي أسر بس من غير ألقاب ممكن. كاميليا بصتله: لا مينفعش.

أسر قام وفضل يقرب منها لحد ما لازقت في الحيطة. أسر بصلها بعشق: وليه مينفعش. كاميليا: أسر بيه ممكن تبعد. أسر: تؤ تؤ مش هبعد. كاميليا ببكاء: لو سمحت ابعد. أسر قرب من ودنها وهمس بعشق: كاميليا أنا بحبك. تتجوزيني. وفجأة الباب اتفتح وكاميليا زقته وطلعت جريت. أسر كانت واحدة من الموظفين. أسر بغضب: أنتِ غبية مش تخبطي قبل ما تدخلي. الموظفة: أنا آسفة يا فندم.

أسر: لو فتحتي بؤقك بكلمة واحدة من اللي شوفتيه هتنطردي. كاميليا خطيبتي وهتبقى مراتي. بليل متأخر مراد خلص شغله وروح. طلع أوضته. لاقي ياسمين نايمة على الأرض وشعرها نازل على وشها. مراد قرب منها ونزل على ركبه بعد شعرها برقة. وملس على بشرتها. ياسمين قامت مخضوضة: أنت بتعمل إيه. مراد ببرود: ولا حاجة. أي اللي نيمك على الأرض. أنا مش قولت تتخمدي على السرير. ياسمين: لا أنا مرتاحة كده. مراد: براحتك.

مراد غير هدومه وطلع على السرير بس معرفش ينام. نزل شال ياسمين من على الأرض وحوطها بإيده. ونام. مر شهرين. أسر راح اتقدم لكاميليا بس رفضته بسبب اللي حصل في الشركة. بس هو فضل يحاول معاها ومستسلمش. أما مراد كل ما يحس إنه ابتدا يحب ياسمين يعذب فيها أكتر. أما ياسمين كرهها ليه كان بيزيد أكتر. وفي يوم بليل مراد. رجع سكران. طلع أوضته. ياسمين كانت قاعدة على الكنبة. أول ما شافته قامت سندته. وفجأة. مراد: ياسمين أنا...