رواية غيرتني صعيدية الفصل التاسع 9 - بقلم اية علي الشربيني

بت لازم تيجي يا كارم، كلمها تحجز على أول طيارة وكلكم جهزوا حالكم. كتب كتاب حازم ورهف يوم الجمعة اللي جاية. الجميع ينظر إلى حازم منتظرين رد فعله، ولكن ظل حازم في هدوء وقال: طيب، أنا محتاج أجهز نفسي، أجهز اللي هلبسه وترتيبات كتير. رد قاسم وقال: كل حاجة جاهزة يا ولدي، متشغلش بالك. رد حازم وقال له: اللي تأمر بيه يا جدي. الجميع ينظر لحازم واستسلامه غير المتوقع. كارم ترتسم على ملامحه السعادة ويقول:

مبروك يا ابني، عقبالك يا شادي أنت وأمير. مبروك لينا يا أدهم يا خوي. رد أدهم وقال: الله يبارك فيك يا خوي. بس رهف، حطها في عيونك، دي نوارة الدار يا كارم. وأنت يا حازم يا ولدي، بتي أمانة في رقبتك، ما عايزها تبقي حزينة. رد حازم وقال له: إن شاء الله يا عمي، متقلقش. رد كارم بسعادة وقال: متقلقش، دي زي وعد يا أدهم، بنتهم. جميعهم يقرأون الفاتحة. وهمت قاسم بصوت قوي: اسمعونا زغروطة.

تمت قراءة فاتحة رهف وحازم. همت الزغايط في أرجاء المنزل. انفضت رهف من سماع هذا وقالت: يا أمرك يا رهف! كيف جدي يعمل فيا كده؟ كيف يوافق إني أبعد عنه؟ وأبوي كيف يوافق؟ دخلت حورية بسعادة وقالت: مبروك يا بتي، قراءة فاتحة وكتب كتابك يوم الجمعة. قومي يا ضي عين أمك، ورانا حاجات كتير جوة. ظلت حورية تتحدث ورهف ساكتة مش بتتكلم. نظرت لها وقالت: مالك يا بتي؟ لي معتتكلميش واصل؟ قالت رهف: جهزوا لوحدكم يا أما، أنا مليش صالح بحاجة.

نظرت حورية وقالت: يا أمرة، عتكسري حديد جدك وأبوكي يا رهف. اعجلي يا بتي. وقالت رهف: ما عأكسرش حديدهم يا أما، همليني لحالي. وهمت لتتكلم حورية حتى قطعها قاسم وهو يقول: حبيبة جدها، مالها مكشرة أجده ليه؟ ردت رهف سريعًا وقالت: ليه يا جدي؟ عملت أجده، عاوز تبعدني عنك؟ أنا ما عايزاش أتجوز. رد قاسم بحب وقال: كيف أجده؟ ما فيش ابنته ما عايزاش تتجوز يا بتي؟ ردت رهف سريعًا وقالت: أنا ما عايزاش. وبعدين يا جدي، كيف متخدش رأيي خلاص؟

مبجتش عاوزني معاك؟ رد قاسم بحب وقال: كيف تجولي أجده ده؟ انتي نوارة الدار كلياته، انتي عتِرفي زين إني عحبك جوي. ظل قاسم مع رهف في جدال، وظلت مصممة أنها مش موافقة، حتى حزن قاسم وقال: عتكسري كلامي يا رهف؟ قاسم شديد مع الكل، ولكن مع رهف حاجة تانية. حتى قبلت يد جدها وقالت: ما قدرتش يا جدي، انت خابر زين إني ما عأكسرش ليك كلمة واصل. رد قاسم بفرحة وقال:

ربنا يحفظك يا حبة جلبي. وعاوزك يا بتي، منك طلب وتنفذيه. وعارف إنك هتتعبي، بس عارف إنك جدها. سعاد وهي تحتضن حازم وتقول له: مبروك يا حبيبي، أخيرًا هشوفك عريس. رد حازم وقال: ربنا يحفظك ليه يا ماما. قاطعهم كارم وقال: بنتك لازم تيجي، عمي أمر إنها تيجي بكرة. ردت سعاد وقالت له: كلامها وقولها يا كارم، بنتك دماغها ناشفة. رد كارم وقال: ما فيش دماغ ناشفة، واضح دلالي هو السبب في كل ده. ومسك كارم هاتفه ورن على وعد وقال:

عاملة إيه يا حبيبة بابي؟ ردت وعد وقالت: أنا الحمد لله يا بابي، يا حبيبي. مامي عاملة إيه؟ رد كارم وقال: بخير يا حبيبتي. اسمعيني يا وعد، احجزي يا حبيبتي أول طيارة بكرة، ولازم تيجي ضروري. ردت وعد بحزم وقالت: ليه يا بابي؟ أنا اتفقت معاكم إني هقعد شوية أودع أصحابي. رد كارم وقال: اسمعي الكلام، جدك قاسم هو اللي أمر بكده، وأوامره لازم تتنفذ. وبعدين، كتب كتاب حازم يوم الجمعة اللي جاية، لازم تكوني موجودة. ردت وعد وقالت:

جدي قاسم مين ده؟ وبعدين زومي خطب من غير ما ياخد رأيي كده. رد كارم وقال: لما تيجي هتفهمي كل حاجة. واعملي اللي قولته لك عليه. ولو ناقصك أي حاجة من البيت، روحي وجهزي نفسك، علشان السواق هيجيبك الصعيد. ردت وعد بغضب: صعيد إيه يا بابي؟ انتوا فين؟ وإيه اللي بيحصل؟ رد كارم وقال: لما تيجي هتفهمي كل حاجة. والصعيد عشان عروسة أخوكي تبقي رهف بنت عمك أدهم، دي بلدهم وبلدنا يا بنتي. ردت وعد وقالت: وحازم وافق؟ اديني حازم يا بابي.

رد حازم وقال له: حبيبتي، عاملة إيه؟ ردت وعد وقالت له: علشان كده مش عارفة أتواصل معاك. انت هتتجوز رهف دي فعلاً؟ وشوفتها إزاي يا زومي؟ رد حازم وقال له: وحياتك ما أعرف شكلها، أصلي. ردت وعد بصدمة وقالت: إيه ده؟ إزاي يا زومي؟ بس صحيح، انت قولت هتخطب هايدي، إيه اللي غير رأيك فجأة كده؟ رد حازم وقال له: حكم القوي يا أختي. المهم تعالي واسمعي الكلام، أحسن جدك قاسم يعمل منك صنية بطاطس.

وهو قال جملته، وكارم وسعاد ضحكوا على طريقته. ردت وعد وقالت له: ليه إن شاء الله؟ أنا مش بخاف. رد حازم وقال لها: والله أخوكي شخصيًا خاف يا بنتي، ده الكبير. ردت وعد وقالت: خلاص، مش هاجي. انت هتخوفني ليه؟ رد حازم بضحك وقال لها: خليكي، وهو اللي هيجيبك. وده اللي قاله. ردت وعد بخوف وقالت له: أنا هقوم أجهز شنطتي. سلام يا عريس. وتنحنح قاسم وقال: كلمت بنتك يا كارم؟ رد حازم وقال له: آه يا جدي، هي جاية. رد قاسم وقال:

زين، هشيع أمير يجيبها من المطار. رد كارم وقال: السواق هيجيبها، متقلقش يا عمي. وقال قاسم: المهم، متشغلوش بالكم، كل حاجة مترتبة. رد كارم وقال: يا عمي، إحنا هنكتب الكتاب هنا، ولازم أعمل فرح كبير في مصر. قاسم قال: اعمل اللي يعجبك يا ولدي، المهم نفرح العريس والعروسة. رد حازم وقال له: هو أنا ممكن أطلب من حضرتك طلب يا جدي؟ رد قاسم وقال: اطلب يا ولدي. حازم وقال له: ممكن أشوف رهف؟ أنا مشوفتهاش من ساعة ما جيت. رد قاسم وقال: