رواية غيرتني صعيدية الفصل الثاني عشر 12 - بقلم اية علي الشربيني

رد حازم وشادي في صوت واحد وقالوا: أنت تعرفها هي مين دي؟ رد أمير بابتسامة وقال: دي خيتي رهف. صدم كل من حازم وشادي وظلوا تحت الصدمة حتى أفاقهم أمير وهو يقول: حازم، شادي، مالكم في إيه؟ رد شادي وقال له: انت متأكد إن دي أختك؟ رد أمير وقال له: أكيد خيتي، طول عمرها لبسها كده وتحب اللبس ده، لأن ده بتلبسه وهي مع مهرتها مهجة. رد حازم وقال له: معقول دي رهف يا أمير؟ بس دي متمردة شرسة، الراجل كان هيموت من الخوف. رد أمير وقال له:

زين إنها اتحدت، بس أكيد هو أهمل في شغله، ورهف بتحب النظام في الشغل جوه. رد شادي بضحك وقال لحازم: مبروك يا حازم، والله مبسوط وفرحان فيك جداً. متمردة الصعيد تتجوز حازم كارم المصري. رد أمير وهو يضحك وقال: والله أنت مشكلة يا شادي، متقلقش، هي طيبة جوه، وهو هيكون جوزها، مش هتجرؤ ترفع عيونها في خيتي زينة ومتعلمة وفاهمة الأصول. رد شادي بضحك وقال له: يا عم اسكت، خالي يخاف. رد حازم بضحك وقال:

هضربك يا شادي، أنت عارفني لما بتعصب. رفع شادي يده باستسلام وقال: مع السلامة، أنا رايح عند جدي. قاسم ضحك الاثنان عليه. جلست رهف مع سعاد وهي تحكي معها، وظلوا يتضحكون هي وجميلة وحورية. نظرت سعاد بحب لرهف وقالت: أنا مبسوطة جداً إن ربنا حقق لي دعوتي واستجاب، وربنا رزقني بمرات ابني الجميلة. رهف يا حبيبتي، ممكن أطلب منك طلب؟ ردت رهف بحب وقالت لها: أكيد طبعاً يا مرت عمي. ردت سعاد بحب وقالت:

قولي لي يا أمي، أنتِ بنتي وزي وعد بالضبط. ردت حورية بفرحة وقالت: هي بنتك يا خيتي، وأنا مبسوطة جداً بحبك لرهف. مسكت رهف يد سعاد وقالت لها: أنتم فعلاً أهلي، أنا حبيتك جداً جداً، ربنا ما يحرمني منكم أبداً. احتضنتها سعاد وظلوا يتضحكون وهما في أسعد اللحظات. دق الباب وقالت جميلة: ادخل ياللي بره. دخل أمير وسلم عليهم وقال: حازم بره وعايز يدخل يسلم عليكم. جات رهف تقوم، قال لها أمير:

اجلس يا خيتي، وغطي وشك، معلش يا مرت عمي، دي أوامر جدي. ردت سعاد بحب وقالت: يا حبيبي، ولا يهمك، وبصراحة جدك بيعمل الصح. بصي يا رهف يا حبيبتي، حطي الشال، بس عايزة أريدك تشوفي حازم ده حقك. رد أمير وقال لها: اسمعي كلام أمك سعاد يا رهف. نظرت سعاد لأمير بحب وقالت له: حبيبي يا أمير، ربنا ما يحرمني منك أبداً يا بني. ذهب ليدخل حازم وقال: تعالي يا حازم. دخل حازم وسلم عليهم، وقالت سعاد: دي يا حازم، ماما حورية، أم أمير ورهف.

رد حازم وقال لها: أخبارك إيه يا أمي؟ ردت حورية بحب وقالت له: زينة يا ولدي، ربنا يحفظك ويحميك. قالت سعاد: ودي عمتك جميلة يا حازم. رد حازم وقال لها: عاملة إيه يا عمتي؟ ردت جميلة بحب وقالت له: زينة بشوفتك يا ولدي. وقالت سعاد: ودي بقى يا حازم، رهف عروستك، بس أوامر جدك إنها تغطي وشها. انتفض حازم ونظر لها وهو يتجنن ويريد أن يراها وقال: مش عارف ليه منعني إني أشوفها، مش هي خطيبتي؟ ردت حورية بحب وقالت:

متقلقش، هتشوفها، بس عمي طبعه واعر جداً. قطعتهم رهف وقالت: جدي، مفيش في حنيته. صدم حازم حين تكلمت، فهو يريد أن تتحدث أكثر وقال: أيوة فعلًا، جدي مش طيب وبس، ده واعر على رأي أمي حورية. ردت عليه بغضب وقالت: جدي واعر مع اللي يعكس حديده، ولكن طيب مع الزين اللي يعبره ويسمع كلامه. الجميع يشهدون تلك المسرحية، وظلوا في صمت، حتى قال حازم: وإنتي ليه متعصبة كده؟ اهدى شوية، غلط عشانك. ردت رهف بسخرية وقالت:

مفيش شيء غلط علشاني، أنا رهف الهواري، أعجل اللي عايزاه في الوقت اللي عايزاه، ويا ريت متخافش عليا، أنا بمليون راجل. رد حازم وهو مصدوم وقال: أنا مش خايف عليكي، أنا خايف عليهم هما، لو حصلك حاجة هيزعلوا. غمز حازم للجميع وقال: أنا شايف إنهم مش هيزعلوا، دول هيرتاحوا. الجميع فهم غرض حازم وأنه يريدها تتكلم أكثر. ردت رهف بسخرية وقالت:

حديدك ده ميهزنيش، لأن غلوتي وعارفها زين عند كل اللي في الدار، وهتعرف كمان أمي سعاد هتخاف عليا كمان، مع أنها لسه عارفاني، بس حبيبتني جداً زي ما أنا حبيتها. ويا ريت متغمزش بعيونك، لأن الحركات الماسخة دي متعديش عليا. انصدم الجميع ونظر حازم لأمير وقال: دي مش متمردة وشرسة، دي رهيبة، شافتني إزاي دي؟ ردت سعاد وقالت له: اسمع يا واد، أنت ملكش دعوة بـ رهف دي حبيبتي وبنتي. ردت رهف وقالت: ربنا ما يحرمني منكم يا أمير.

رد حازم وقال: بعتيني يا سعاد. صوابعي غضبانة عليكي. وانفجر الجميع من الضحك على أسلوب حازم. ابتسمت رهف من تحت الشال. ذهب حازم مع أمير وقال قبل ما يخرج من الباب: قوية كـ مهجة. خرجت وهي انصدمت، كيف يعرف مهجة؟ وهمت لتذهب، نادت عليها سعاد وقالت لها: رهف يا حبيبتي، حازم طبعه صعب جداً، ومش بقولك كده عشان حاجة، بس أسلوبك عجبه، وأنا عايزة منك طلب. ردت رهف وقالت: اتفضلي يا أمي. قالت سعاد: عايزيكي تخلي ابني.