رواية جمعهم الحب الفصل السابع عشر 17 - بقلم مريم حجازي، ندى ربيع، ريناد خالد

يخرج الطبيب بعد وقت طويل. الطبيب: للاسف. تقاطعه مريم وهي يغمى عليها. ندي: نهار أسود، هو لسه قال حاجة؟ فهد هات اتنين ممرضات يجوا يسندوها. فهد: حاضر. ونادى على الممرضات يسندوها ودخلوها أوضة، وندي معاهم. فهد للدكتور: هو حسام فيه إيه يا دكتور؟ الدكتور بجدية: الرصاصة كانت عميقة شوية في كتفه وكانت قريبة من وتر، والحمد لله قام منها بأعجوبة. فهد بتوتر: طيب هو كويس دلوقتي؟

الدكتور: آه كويس الحمد لله، بس هيقعد هنا حوالي أسبوع لحد ما حالته تتحسن. فهد: طيب ممكن أخش أطمن عليه. الدكتور: كمان حوالي 3 ساعات يبقى فاق من البنج. فهد: تمام يا دكتور. وسابه وراح يشوف ندي ومريم. فهد وهو يدلف إلى الغرفة: الدكتورة قالت إيه يا ندي؟ ندي بدموع: قالت كويسة بس الضغط واطي ومن التوتر أغمى عليها. فهد وهو بيطبطب عليها: طب اهدي، وهي إن شاء الله هتبقى كويسة وحسام الدكتور طمنا عليه.

ندي بدموع: أنا مش عارفة إحنا بيحصلنا كده ليه، إحنا عمرنا ما أذيناهم. فهد وهو يحضنها: بس يا قلبي اهدي، كل حاجة هتبقى كويسة يا روحي. ثم أكمل بغموض: واللي عمل كده نهايته على إيدي. ندي بخوف: فهد أرجوك بلاش، أنا مش عايزة أخسرك، حسام كان هيروح مننا وأنت كمان عايز تسبني، عشان خاطري ملكش دعوة بيهم. فهد بهدوء: إششش، اهدي، كل حاجة هتتحل بس اهدي. ندي: فهد أنا عايزة أروح أشوف حسام. فهد: الدكتور قال شوية وهيوافق ونروح نشوفه.

ندي بهدوء: ماشي. وسكتت. بعد قليل. الممرضة: الأستاذ حسام صحي وطالب يشوفكم. ندي بفرحة: بجد؟ يلا يا فهد نشوفه بسرعة. فهد: حاضر يا عيوني يلا. ودخلت الغرفة لحسام. ندي أول ما شافته حضنته وعيطت. حسام وهو يحضنها بتعب: اهدي، أنا كويس والله. ندي بشهقات: لاااا، أنت كنت تعبان. حسام وهو يشد أحضانها: والله كويس خلاص، بطلي عياط بقى. ثم أكمل بمرح: انتي بقيتي عيوطة كده ليه يا بت. فهد: ألف سلامة عليك يا صاحبي، قلقتنا عليك.

حسام بمرح: الله يسلمك، صاحبك جامد برضو. ثم أكمل بجدية وهو يبحث عن مريم بعيونه: هي فين مريم؟ جرالها حاجة؟ ندي بتوتر طلعت من حضن حسام وبصت لفهد بمعنى اتكلم. حسام: في إيه، حصل إيه؟ اتكلموا. فهد بتوتر: امم، أحم، مريم أغمى عليها وفي الأوضة اللي جنبك معلقة محاليل. حسام بخضة: إيه؟ انت بتقول إيه؟ هي حصلها إيه؟ ندي: اهدي يا حسام، محصلهاش حاجة، هي من التوتر أغمى عليها. حسام وهو يقوم من على السرير بتعب: أنا عايز أشوفها. فهد

وهو يسنده ويحاول يقعده: يابني مينفعش، انت لسه عامل عملية وحالتك متسمحش تقوم، اقعد ارتاح. حسام بعصبية: ابعد عني يا فهد، أنا لازم أشوفها. فهد وهو يعرف صديقه: طيب استنى هسندك. *** في مكان آخر. المجهول: كل حاجة اتنفذت وبقي بين الحياة والموت في المستشفى. إبراهيم بشر: أنا كده مشغل رجالة، عايزكوا بقى تروحوا تشوفوه عايش ولا لأ، ولو عايش اقتلوه. المجهول (رجل من رجاله) : بس إحنا متفقناش على كده.

إبراهيم: أنت ليك تنفذ اللي أقوله وبس، وفلوسك هتجيلك على الجزمة. المجهول: على الجزمة على سليبر، المهم تيجي. إبراهيم: كلب فلوس، نفذ والفلوس هتيجي. المجهول: أوامرك يا باشا. إبراهيم: نهايتك على إيدي يا ابن الحسيني، ومريم مش هتبقى لحد غيري. *** عند مريم وحسام. حسام كان قاعد جنب مريم مستنيها تفوق. حسام: هي هتفوق امتى؟ ندي: الدكتورة قالت حبة وهتفوق. بعد قليل. مريم بتشويش: أنا فين؟ حسام بفرح: انتي كويسة يا قلبي.

مريم بدموع: حسام، انت كويس. حسام وهو يشدها لحضنه: أنا كويس يا قلب حسام. ندي وفهد انسحبوا خارج الغرفة بهدوء. مريم بدموع: كنت هموت عليك من القلق. حسام وهو يقبل جبينها: بعد الشر عنك يا عيوني. *** عند ندي وفهد. ندي بضحك: إيه ولاد المعفرتة دول. فهد بمرح: عيل مخه كلبة خرج من العمليات وراح يشوفها برضو. ندي: حب بقى، بس إيه ملزق. فهد: الله أيوه عليك يا جعفر، سمعنا. ندي: ولا اتلم. فهد وهو يمسكها من قفاها: إيه ولا دي يا بت؟

اتلمي أنا جوزك. ندي بمرح: ماشي يا جوزي. فهد: تعالي نخش نطمن على حسام عشان نروح عشان هموت وأنام. ندي: أشطا يلا. ودلفوا إلى الغرفة. حسام: فهد. فهد: نعم يا صاحبي. حسام: مين اللي ضرب علينا نار؟