رواية جمعهم الحب الفصل السادس عشر 16 - بقلم مريم حجازي، ندى ربيع، ريناد خالد

اقبل يا ادمن حسام بصدمة: انتي بتقولي إيه؟ فهد بسرعة: طب اهدي وابعتلنا اللوكيشن واحنا جايين. ثم أغلق الخط. فهد وهو يخرج من المكتب: يلا يا حسام بسرعة. حسام بصدمة: حاضر، حاضر جاي. عند ندي ومريم بعد أن فاقوا. ندي بتوهان: إيه دا أنا فين؟ مريم بتوهان: بنتفسح يا أختي، انتي عبيطة يابت إحنا مخطوفين. ندي بصدمة: لا بجد متهزريش، الله أخيراً هعيش شغل الروايات الجامد ده. مريم بغضب: انتي بتقولي إيه؟ انتي اتجننتي بقولك مخطوفين.

ندي بلا مبالاة: عادي يا أختي ميقدروش يعملوا حاجة، حسام وفهد هينقذونا وساعتها هيقتلوا كلهم. مريم: لا متقلقيش، هما مش هيستنوا حسام وفهد يجوا يقتلونا، هما هيخشوا يطيروا رقبتنا دلوقتي. ندي برعب: مريم متهزريش، هما ممكن يقتلونا بجد. مريم عشان تطمنها: إيه دا انتي خوفتي ليه؟ انتي مش قولتي حسام وفهد هينقذونا يبقى متخافيش. صوت من خلفهم: لا ما هما مش هيلحقوا ينقذوكوا. ندي: انت مين يا أخونا انت؟

زياد: اممم، أكيد أم لسان طويل دي أخته مش كدا؟ ندي: ياااه، أنا بجد سمعتي سبقتني كدا، لا ثانية انت مالك أصلاً وعايز إيه؟ زياد ببرود: اممم، أنا مين؟ أنا أبقى زياد السيوفي، أكيد سمعتوا عني لأني كنت... ندي بمقاطعة: عليا النعمة تتقطع وداني لو كنت سمعت عن ناس زبالة كدا. زياد وهو ماسكها من فكها: طيب اللسان القمر ده يتلم عشان مزعلكيش. مريم بصوت عالي: شيل إيدك من عليها يا ابن الحلوفة عشان مقطعهاش ليك.

زياد وهو يتجه ناحية مريم: آه دي الحلوة طلع ليها صوت أهي. ندي: الحلوة دي تبقي أمك اللي معرفتش تربيك يا زبالة. زياد: شكلك عايزة لسانك يتقطع يا حلوة، أنا اللي هحرق قلب حسام عليكم. ثم يخرج مسدس من جيب بنطاله. زياد: يلا قولوا باي باي. ندي بصت لمريم بذعر ورعب. لكن تقاطعه طلقة في ذراعه. كانت من مسدس حسام. حسام: زيااااد، نهايتك على إيدي! فلاش باك: حسام بنفاذ صبر: أنا عارف هما فين من موقع تليفون مريم.

فهد بتعجب: هو انت كنت بتراقبها؟ حسام بعصبية: لا لا، أنا كنت عامل حسابي بس عشان لو حصل حاجة زي كده، ويلا بقى بطل كلام كتير، عايزين نلحقهم. فهد: يلا بسرعة، هتصل على سليم. يركب فهد وحسام السيارة. فهد بسرعة: سليم، إحنا عرفنا مكانهم، هات معاك حد وتعالى بسرعة، هبعتلك اللوكيشن. سليم بسرعة: طب يلا يلا، جاي. باك: حسام: نهايتك على إيدي يا زياد. يأتي سليم من خلفه: سلم نفسك يا زياد، المكان كله محاصر.

فهد: والله ووقعت يا ابن السيوفي. يشير سليم لرجاله بالقبض على زياد السيوفي وسوف يتم التحقيق معه. ندي وهي تحضن فهد ببكاء: فهد وحشتني أوي، كنت خايفة ليقتلوني أنا ومريم. فهد وهو يشدد من ضمه ليها: بس أهدي يا قلب فهد، محدش يقدر يلمسك وأنا موجود. مريم جاءت بهدوء، دفنت نفسها في حضن حسام. حسام وهو يحتضنها بكل قوته: مريم، انتي كويسة؟ مريم هزت رأسها بالإيجاب. حسام باستغراب: مريم، انتي مش بتردي عليا ليه؟ في إيه؟ انتي كويسة؟

حد عملك حاجة؟ مريم: متخافش يا حسام، أنا كويسة. عندما يخرج حسام وفهد ومريم وندي للسيارة. يلاحظ حسام أن هناك سيارة ما تراقبهم. كان هذا بشكل ملحوظ. حسام بسرعة: نزلوا راسكم بسرعة. ثم يبدأ إطلاق النار. ندي في الخلف: احيه احيه عليا، ده أنا ملحقتش أتهنى. مريم: انتي في إيه ولا في إيه؟ الله يخرب بيتك يا بعيدة. كان حسام يقود ويطلق النار هو وفهد من الجهة الأخرى.

ندي: يخربيتكوا، ده إحنا لو مش هنموت من ضرب النار هنموت مقلوبين بالعربية، حد يسوق والتاني يضرب. يطلق أحد من السيارة المجهولة على عجلات السيارة ويضطر حسام للوقوف. ندي: وقفت ليه؟ امشي بسرعة. حسام: مش هينفع كده، في احتمال إن العربية ت... يقطع كلامه طلقة انطلقت من السيارة المجهولة في ذراع حسام. مريم بذعر الذي تحول للبكاء: ح..حسا..حسام... انت كويس؟ ندي بصراخ: حسامممم، رد عليااااا. ينطق حسام آخر كلماته: ا..ا.أنا ك..و..ي..س.

ثم يفقد الوعي. انهارت ندي ومريم بالبكاء. مريم: يحسااام، رد عليا أرجوك. ندي بأنهيار: يلا يا فهد بالله عليك ناخده المستشفى. في هذه الأثناء كانت سيارات الشرطة قد وصلت وحاصرت المكان بعد أن شهدوا على إطلاق النار بين الطرفين. يصل سليم عند سيارتهم. سليم: ركبه بسرعة في العربية بتاعتي وخد ندى ومريم روحهم. ندي بسرعة: لا لا، خدوني معاكم، مش هقدر أسيبه. فهد: مينفعش يا ندى، يلا بقى عشان نروح.

مريم بنهيار: والله على جثتي، خد مراتك، أنا مش هتتحرك من هنا غير مع حسام. سليم: طيب بسرعة تعالوا، الراجل بيموت وانتوا بتتخانقوا. يركب الجميع سيارة سليم ويتوجهوا إلى المشفى. في المشفى: ينتظر الجميع بتوتر، هو يمثل دور مهم في حياة كل منهم. يخرج الطبيب بعد وقت طويل. الطبيب: للأسف...