رواية جمعهم الحب الفصل السابع والعشرون 27 - بقلم مريم حجازي، ندى ربيع، ريناد خالد

بعد فترة حسام وفهد متجهين للعربية ولكن ينصدموا مما رأوا. كانت مريم ماسكة ندى من دراعها وعمالة تعض. ندى بصراخ: يا بنت المجنونة ايدي يلاهوي هتولدي وانتي لسه في الشهر التاني. ياحزني. فهد لحسام: حوش مراتك هتاكل البت اللي حيلتي. حسام بصدمة: أنا مصدوم بجد مقلتليش قبل كده إنها بتاكل بنادمين. ندى بصراخ: انتوا بتتعازموا يا ولاد الجزمة دي بتاكلني. حسام وهو يبعد مريم: في إيه يابت المفاجيع كليتي البت.

مريم: قولتلها كل واحدة تاخد كيس شيبسي والبسكوت بتاعك نقسمه عشان أنا أكلت بتاعي. لقيتها راحت أكلته كله. ندى: أيوه يختي مهو بتاعي حد قالك تاكلي بتاعك. فهد: إش آخرسوا فضحتوا اللي خلفونا. وانتي ماكنتيش قادرة تديها بسكوته بدل ساعة العمالقة اللي عملتها في إيدك دي. ندى بعياط مصطنع: بص بص عملتلي إيه في إيدي أعااااااااا أهي أهي. حسام: انتي لسه فاكرة تعيطي. اركبوا خلينا نروح فضحتونا. فهد: خدوا الآيس كريم أهو. مريم وهي

تأخذ كل الآيس كريم منه: هات. ندى: وهه طيب هاتي يختي واحد ليا. مريم وهو تنقض على الآيس كريم: لا مش هديكي واخرسي بقا لأما أعضك. ندى بخوف وهي تبتعد: خلاص أنا مش مستغنية عن دراعي يختي. وركبوا وذهبوا إلى الفيلا. عند سليم ومراد. سليم بصدمة: متأكد من اللي انت هتعمله دا يابن الغبية. مراد بخبث: أيوه واخرس ياحيوان أنا عارف أنا بعمل إيه. سليم: ده لو عرف اللي انت ناوي تعمله هيقتلك. مراد: طب ما هي مش هتيجي غير بالطريقة دي.

سليم: مادام غباء بغباء يبقى اتجوز أنا كمان. مراد: هتعملها مفاجأة انت التاني. سليم: أكيد. ويلا سلام بقا عشان ماشي. مراد: اشطا سلام. يوم الفرح. في الفندق. ندى بضحك: براحة يابنات وانتوا بتلبسوها الفستان لتولد منكم. مريم: اخرسي ياحيوانة. الميكب أرتست: إيه ده انتي حامل يا آنسة. يا مدام قصدي. إزاي.

ندى بضحك: بمووووووت يخربيتكوا خليتوا البت مش عارفة إنتي إيه. بصي هي متجوزة عادي جداً وده عيد جوازهم وهما بيحتفلوا بيه بس هي حامل. الميكب أرتست: آه تمام ربنا يتمم حملك على خير. مريم باحراج: احم شكراً. ضحي: خلاص يامريم هو انتي أول واحدة تحمل قبل فرحها. ريناد: بس يابنت الحلوفة انتي بتنيليها أكتر. وانتي يامريم اهدي لتولدي مننا العيل راسه تنزل واحنا مش واخدين بالنا. مريم: ريناد. ريناد: قلبها. مريم: غوري برا يابت الجزمة.

ندى: لا خلاص بجد كفاية تنمر لهرمونات الحمل تشتغل علينا. بعد فترة في الفيلا. تتركهم مريم وتذهب لغرفتها. ندى: هي مالها البت دي. حسام بضحك: ملهاش بس أكيد دي هرمونات الحمل وهتطلعهم عليكي. ندى بتمثيل: وهه وأنا مالي يا لمبي أنا فرحي بعد أسبوع مش عايزة أبقى معضوضة كده. فهد بضحك: دي من مرة واحدة وخلت دراعك شوارع أومال لو سيبناكي معاها الأسبوع ده هتعمل إيه. حسام: طيب اتلم يا أخويا إنت ومراتك وغوروا على أوضتكوا.

ندى: حاسة إننا بنتهزأ سيكة. حسام: لا ياحبيبتي اتأكدي. فهد وهو يحاوط ندى: يلا يا تدوش نطاع إحنا ننام وملناش دعوة بيهم. حسام وهو يشد ندى: لا ما انت هتنام في أوضة لوحدك وهي لوحدها لحد الفرح. فهد بغضب: إنت عبيط يا حسام والله ندى مش هتنام في حتة غير في أوضتي دي مراتي. وهد ندى في إيده وطلع. حسام: جوز معفرتين يارب. يوم الفرح. في غرفة ندى بعد أن جهزت. ضحى بانبهار: يخربيت جمالك يا شيخة مززة يابت.

ريناد بغمزة: مزة مززة مفيش كلام. ندى بكسوف: طيب اسكتوا بقا عشان بتكسف. ريناد بتمثيل: إيه ده ندى وبتتكسف تيجي إزاي دي. ندى بغضب مصطنع: طيب غوري بقا من وشي في أي داهية. ريناد: أنا كدا اتطمنت عليكي. ضحى وريناد: طيب نسيبك بقا عشان فهد جاي هنروح نطمن على البلوة التانية. فهد وهو يدخل بانبهار: يخربيتك هو فيه جمال كدا. ندى بكسوف: بس بقا يا فهد. فهد وهو يقترب منها: عيون وروح وقلب فهد يا جدعان.

ندى بخجل شديد: فهد اسكت بقا ويلا ننزل. فهد بضحك: يلا يا ندوووشتي. ليمسك يدها ويذهبوا إلى القاعة. في غرفة مريم. مريم بتوتر: أنا خايفة ومتوترة أوي. ريناد بغمزة: يعني هو انتي بتتكسفي من حسام لحد دلوقتي يا مريم. مريم وهي تفرك يديها: آه بتكسف أوي كمان خايفة ممكن ميعجبوش شكلي أنا تخنت من الحمل. ضحى بحب: ميعجبوش شكلك إيه ده انتي قمر اقسم بالله. مريم بتوتر: لا مش حاسة كدا حاسة حسام هيطلقني بسبب الحمل وإني تخنت كدا.

ريناد بملل: لا انتي شكل هرمونات الحمل جات إحنا نمشي ونبعتلك حسام مفيش غيره اللي بيعرف يتعامل معاكي من وقت ما حملتي. ليذهبوا ريناد وضحى ومعهم محمد وسليم إلى القاعة ويذهب حسام ليأتي بمريم. حسام بصدمة وهو يدخل الغرفة: إيه ده. مريم بتوتر وزعل: إيه شكلي وحش مش كدا أنا عارفة قولتلك هيبقى مش حلو أبقى حامل وعروسة وانت هتطلقني صح بعد ما شكلي بقى وحش.

حسام وهو يأخذها في حضنه: أطلقك إيه وشكلك وحش إيه ده انتي جميلة أوي النهاردة وبعدين ي حاجة اللي متخنك كدا ابني ف عادي أنا راضي. مريم بفرحة: بجد شكلي حلو. حسام بحب: أوي ويلا بقا نمشي كلهم راحوا القاعة. مريم وهي تمسك بيديه: يلا. يذهبوا الجميع إلى القاعة. يبدأ كل ثنائي بالرقص سوياً. فهد بحب: بعشقك يا نادوشة قلبي. ندى بحب: وأنا بموت فيك يا فهدي.

فهد بسعادة: عارفة يا ندي انتي كنتي بالنسبالي حلم واتحقق. من ساعة ما اتولدتي وأنا بعشقك انتي حب طفولتي ومراهقتي وشبابي وعمري حبك ما يقل كل يوم بيكبر في قلبي عن اليوم اللي قبله. ندى بفرحة لا توصف: أنا بحبككك أوي يا فهد. فهد بعشق: وأنا بموت فييكي يا قلبي. عند حسام ومريم. حسام بمشاكسة: إيه دا أجمد مفتش كرومبه دا ولا إيه. مريم بزعل: للدرجادي شكلي وحش. حسام وهو يحضنها: يلااااهوي على هرمونات الحمل بجد. والله بهزر معاكي.

مريم: يعني أنا شكلي حلو. حسام: قمر يا ناس دا كمان شكلك أحلى من البت ندي دي. مريم بغرور مصطنع: لا أنا أصلاً في الطبيعي شكلي أحلى منها. حسام بضحك: أيوه يا واثق إنت. بعد قليل. سليم بفرحة: اتفضل يا شيخنا. ريناد بصدمة: آه يابن الوطية جاي تتجوز عليا بعد كل اللي عملته عشانك أصلاً. سليم بخبث: أيوه ما انتي عشان مبتعمليش حاجة عشاني ف قررت اتجوز بقا. ريناد

بدموع وهي تديله الدبلة: امسك يا خاين يا حيوان بجد مقرف. لا استنى وريني السلعوة اللي عايز تتجوزها. سليم بضحك: متأكدة إنك عايزة تشوفيها. ريناد بعصبية: أيوه واخلص يا خاين. سليم: السلعوة تبقى انتي يا ريناد. ريناد بفرحة: بجد أنا السلعوة قصدي أنا اللي هتجوزها ياسليم. وبعدين أنا مش موافقة مينفعش اتجوز من ورا بابا وماما. سليم بضحك: على فكرة أنا متفق معاهم وهما واقفين هناك أهم. ويلا اكتب يا شيخنا. بعد قليل.

(لقد بارك الله لكما وجمع بينكما في الخير) سليم وهو يحضن ريناد: بحبك يا مجنونتي. ريناد وهي تشد من احتضانه: وأنا بموت فيك يا سولي. الشيخ وهو يتجه للخروج: ربنا يتمم لكم على خير. محمد بخبث: استني ياشيخنا في... ضحي بصدمة: ...