رواية جمعهم الحب الفصل الثالث عشر 13 - بقلم مريم حجازي، ندى ربيع، ريناد خالد

في مطعم عند البنات... مريم وهي داخلة عليهم: السلام عليكم ورحمة الله وبركاته يا سكاكر. يرد البنات السلام. ندى بغيظ: بقا فاتحة الاسبيكر وواقفة جنب حسام يا مريم. مريم بضحك: والله هو اللي قالي افتحي الاسبيكر، أنا مليش علاقة. ندى: اهااا، ما هو بقا حبيب القلب لازم تسمعي كلامه. مريم بتوهان: حبيب القلب بس دا قلبي وعيوني وكل حاجة في حياتي. ليضحكوا البنات عليها. روما: وإيه كمان يا مريوم.

مريم باحراج: ااا آه مفيش، ارغوا في أي حاجة. ريناد: آيوه آيوه، اتهربي من السؤال. ضحى: خلاص بقا يا بنات، سيبوها في حالها. مريم: أنا بقول مليش غير البت ضحضوحة دي والله. ضحى: حبيبة قلبي بالله. ندى بقرف مصطنع: كفاية محن كلابي بقا واتنيلوا اتكلموا في أي حاجة. روما: هيييح، رايحين الجامعة الأسبوع الجاي بقا وهشوف مرادي كل يوم. ضحى: اتنيلي عليكي انتي ومراد، دا أنا مش عايزة الجامعة تفتح. مريم: ولا أنا يا بت يا ضحضوح والله.

ندى: أنا مش عايزة تفتح أبدا. ريناد: لو يلغوا الجامعات هكون متشكرة ليهم جداً. روما بضحك: أنا برضو مش همي على الدراسة بس هشوف مراد يا جدعان كل يوم. مريم بقرف: آيوه انتي خطيبك معاكي، إنما إحنا حسام وفهد ومحمد في الشركة مش هنشوفهم. ندى: اها يا بت يا مريوم، دا إحنا ممكن نشوفهم صدفة والله. ضحى: إيه يا بت يا مريم انتي وندا، انتوا متجوزين أومال أنا أعمل إيه، دا أنا لو شفت محمد بسبب الكلية يبقى حلو.

ريناد بملل: خلوا بالكم، في إنسانة هنا سنجل. ندى بخبث: بذمتك مفيش حب لحد ولا حاجة كدا ولا كدا. مريم بخبث هي الأخرى: اها يا بت يا ندووش، كانت عينها هتتخلع من مكانها على شخص كدا. ضحى وروما: إيه دا، هو فيه تطور ولا إيه يا ريناد. ريناد بتوتر: في إيه يا جدعان، م مفيش حاجة. ندى: لا فيه، احكي. ريناد: الصراحة يعني... مريم: خلصي ي بت، عايزين نخلص بدري عشان حسام لو اتأخرت ممكن يقتلني. ريناد: اصبري ي ولية، هحكي أهو...

وتحكي ريناد لهم عن مشاعرها تجاه سليم. ضحى: ربنا يرزقك بيه يا حبيبي قريباً. البنات: آمين. يخرج البنات من المطعم ويذهبوا إلى مكتبة كبيرة ليجلبوا بعض الأشياء منها. روما: أنا تعبت يا بنات، يلا نروح كفاية كده. ضحى: وأنا والله مش قادرة. ليوافقوا البنات وكل واحدة تذهب إلى بيتها. ليقضي البنات الأسبوع هذا في مرح، كل واحدة مع زوجها أو خطيبها. بداية أسبوع جديد. عند حسام ومريم. مريم بزعيق: يا حسااااام.. حسااااام يا سوووومي اصحى.

حسام بفزع: إيه اللي حصل، إيه البيت ولع ولا إيه، ولا مين مات. مريم بضحك: بيت إيه ومات إيه يا حسام، عمالة أصوت عشان تصحى من النوم. حسام بنعاس: وعايزة إيه، هو أنا قولتلك قوميني، ما انتي عارفة إن النهاردة إجازة في الشركة. مريم بصدمة: إيه يا أخوياا، إجازة إيه، ما أنا قولتلك امبارح عندي جامعة الصبح، نسيت ولا إيه. حسام بتذكر: آه صح، طيب انتي جهزتي وخلصتي كل حاجة. مريم: أنا جاهزة، قوم بس انت اجهز وأنا هطلعلك هدومك.

حسام بسرعة: تمام، ربع ساعة وأكون جاهز. مريم: تمام يا سومي. يدخل حسام يأخذ شاور، ونزلت مريم لتحت لكي تأخذ الفطار الذي قامت بتحضيره من قليل. حسام وهو يضمها من الخلف: صباح الفل والياسمين على عيونك يا مريومي. مريم وهي تبتسم: صباح النور يا سومي... يلا تعالى افطر قبل ما توصلني. حسام: طب يلا اقعدي عشان ناكل. مريم: لا مش هاكل، مش متعودة أفطر. حسام: لا اقعدي، حتى لو هتاكلي حاجات بسيطة عشان متتعبيش. بعد فترة.

حسام: يلا جاهزة نمشي. مريم: اه، اوكي، يلا. في السيارة. حسام: مريم لو أي حد ضايقك قوليلي. مريم بضحك: يختي، بتغيري عليا يا بيضه. حسام بعصبية: مريييم، أنا مش بهزر، اللي قولته يتنفذ وبس. مريم بزعل: حااضر. ليكمل طريقه إلى الجامعة. عند ضحى وروما. ضحى: ياروومااا عشان خاطري بسرعة، هنتطرد من أول محاضرة. روما وهي تلف الخمار: شيفاني بلعب مثلاً، ما أنا بعدل الخمار اللي أول ما عرفت إني مستعجلة بيستهبل.

ضحى: طيب اتنيلي، خلصي لحد ما أروح أرن على محمد. وسابتها وبترن على محمد. محمد بحب: صباح الخير يا حبيبتي. ضحى بخجل: صـ صباح النور. محمد: إيه مش ناويين تنزلوا الجامعة ولا إيه. ضحى باستغراب: انت عرفت منين إننا لسه منزلناش... بتراقبني عشان تخطفني ولا إيه. محمد بضحك: إيه السيناريو دا، أنا تحت مستنيكي عشان أوصلك. ضحى بفرحة: إيه دا بجد، تعبت نفسك ليه، كنت هروح أنا وروما بتاكسي. محمد: انزلي يا ضحى وانتي ساكتة.. يلا مستنيكي.

ونزلوا واتجهوا إلى الجامعة. عند ريناد. ريناد بتذمر: يا حبيبة، ونبي هاتي الطرحة بتاعتك، والله مش هسرق هدومك تاني. حبيبة بعصبية: لا يا ريناد، ويلا غوررري. ريناد: يا حبيبة عشان خاطري، أنا كدا هغير اللبس كله وهتأخر... اعاااااا اهييي اهييي يا اميييي تعالييي شوفييي بنتك. حبيبة: مالك يا جمووسة، بتجعري زي البهايم، لي. ريناد: ياستي أنا بهيمة، خلي بنتك تديني الطرحة بقي، عايزة أغوررر، هطرد.

حبيبة بغضب: خديها ياعجلة.. بس والله يا ريناد لو رجعتلي متكعبشة لاشنقك بيها. ريناد وهي تجري: ماشي ماشي، متخافيش. ولبست ونزلت بسرعة. عند ندي وفهد. فهد وهو يصحي ندي: انتي يامقتولة انتي. ندي بنوم: عايز إيه، سبني اتخمد. فهد: إيه مش ناوية تروحي الجامعة. ندي بفزع وهي تتنطط: احيييي، أنا نسيتتت... نهار أسود ومنيل، دي مريم هتاكل فخادي....

يلاااااهوووي ياصغيرة على المراررر يا ندووشة.. ياخسارة شبابك اللي هيروح مع مريممم اعااااااا. فهد بضحك: مش قادرر، انتي بتعملي إيه.. هي مريم رعباكي كدا لي. ندي ببكاء مصطنع: اعاااا، أصلك متعرفهاااش، عليها قرصة خدود بتخلي الوش زي صنية الكيكة. فهد بضحك شديد: طيب اخلصييي عشان ننزل وتلحقيها. وجهزوا وراحوا الكلية. بعد أول محاضرة. والبنات متجمعين في الكافتيريا. مريم وهي تنظر لندي بوعيد. ندي بخوف: انتي بتبصيلي كدا لي....

أنا معملتش حاجة. مريم: بجد معملتيش حاجة... اومال مين اللي داخلة في نص المحاضرة. ندي: مين، أنااا، اكيد لا. مريم وهي تهجم على ندي. ريناد وهي بتحوش عنهم: اهديي يا مريمم، هتموتيها في إيدك. ندي: اعااااا، اوعي يامريم، خدودددييي. روما وهي تنظر إلى الهاتف: بت ياريناد امسكي العصير بتاعك. ريناد: هاتي انتي، هتشربيهالي في بوقي. روما من غير ما تاخد بالها: ياشيخة خدي اطفحي، ومتقرفنيش. العصير اتدلق على طرحة ريناد.

ريناد بصويت: احيييي ياما... نهار ابوكي أسود يا روما الكلببب، اعاااااا، كله إلا الطرحة بتاعت حبيبة دي، حلفت إنها لو اتكعبشت هتشنقني بيها.. اومال لو عرفت إني خليتهالها ملونة بدل أبيض هتعمل إيه. روما بخوف: أنا معملتش حاجة، مليش دعوة. ريناد وهي ماسكة في رقبتها: والله ما هحلك النهاردة يابنت الجزمة غير لما تجيبيلي واحدة... لا أما أروح أبأت معاكي عشان حبيبة مش هتدخلني. ضحى: خلاص ياللي تنشكي منك ليها، فضحتونا.

ريناد: دا أنا هفضح اللي جابوكوا لو مشفتوليش حل. روما: طيب مراد مستنيني عشان يروحني، با. ريناد: ايووة اهربي اهربي، مسيرك تيجي بكرا، هطلع عينك. ضحكوا البنات عليهم. روما وهي ماشية في الكلية إلى الخارج. شاب: آنسة روما. روما: نعم. الشاب: ممكن اتكلم معاكي دقيقة. روما: طيب بسرعة معلش عشان مستعجلة. الشاب: أنا معجب بحضرتك وعايز اتقدملكم. مراد من خلفه: ********.