رواية جمعهم الحب الفصل الثاني 2 - بقلم مريم حجازي، ندى ربيع، ريناد خالد

اقبل يا ادمن البارت ٢ ندي: امممم ممكن اشغلكم كلكم البنات بصوت واحد: ازاي ندى: مع أول إجازة لينا هنروح كلنا بربطة المعلم نستلم شغل عند حسام أخويا في الشركة : وهوا حسام أخوكي هيوافق يشغلنا إحنا الخمسة؟ إيه هي شركتكم دي وكالة من غير بواب _يضحك الفتيات ندى: يسطى سيبوها عليا انتوا بس ثم رجعوا إلى محاضراتهم مرة أخرى * البنات خلصوا أول يوم وكل واحدة منهم راحت بيتها لتأخذ ترتاح لأن اليوم كان طويل جدا مريم وهي داخلة من الباب

مرات أبوها: إنتي جيتي يختي تعالي بقا روّقي البيت كله مش عايزة ألاقي تراب على أي حاجة، واه بعد ما تخلصي أبقى اعملي الغدا لأبوكي يختي قبل ما يرجع من الشغل مريم بتعب: حاضر يا ... كملت في سرها ياحرمة ياصعرانة لتدخل لغرفتها وتغير ملابسها لملابس البيت وتبدأ في تنضيف البيت بعد ساعتين مريم بتعب واضح على وجهها: ياااااه أخيراً خلصت أدخل بقى أعمل الغدا في غرفتها مريم تكلم نفسها: أعمل إيه يا بت يا مريم؟

أهاا أذاكر المحاضرات بتاعت النهاردة وبعد كده أنام عشان أشوف ندى قالت لأخوها ولا لا على الشغل؟ إن شاء الله خير وظلت تذاكر إلى أن ذهبت في ثبات عميق * وطبعاً ريناد كالعادة راحت بيتها ونامت لتاني يوم * روما دخلت بيتها وسلمت على الجميع وبعد ذلك طلعت لغرفتها لتنعم بقسط من الراحة * وندى فضلت طول اليوم ما بين الفون والأكل والمرح مع أصدقائها على الواتساب إلى أن ذهبت إلى النوم في ثبات عميق

* وضحى راحت بيتها ونامت فور دخولها البيت في الصباح يستيقظ الجميع ويقومون بالروتين اليومي بتاعهم ندى: صباح الخير يا دادة... حسام مشي ولا إيه؟ الدادة: أيوه يحبيبتي طلع بدري النهاردة لأنه عنده اجتماع مهم ندى: يمصيبتي نسيت أقوله على الشغل للبنات دول هينفخوني * البنات اتجمعوا الصبح روما بمرح: صباح الفل على أحلى شباب مريم: بطلي جنان يبت انتي!

عاملة زي سواقين التكاتك كده ولا باين عليكي إنك دكتورة ولا باين عليكي حتى إنك ثانوية عامة أصلاً عيلة تافهة _ليضحك الجميع وتتظاهر روما بالزعل مع الضحك ويمرحون ندى: صباح الخير على حبايب قلبي مريم: صباح النور يندوشة، ها قوليلي حسام وافق صح؟ ندى بتوتر: بصراحة كده أنا نسيت أقوله امبارح وهو نزل بدري النهاردة بس أوعدك أوعدك إني هقوله أول ما أروح والله مريم بتنهيدة: تمام يا ندى ريناد: همشي أنا بقا عشان عندي محاضرة دلوقتي

روما وضحى: واحنا كمان هنمشي _بيسلموا على بعض ويذهب الجميع بعد أسبوع بعد الكثير من الاتفاقات مع حسام شقيق ندى قرروا أن يبدأوا العمل في أول إجازة وعند ضحى: يبنات المحاضرات كانت كتير أوي، حسبي الله روما: آه والله ولا الدكتور مراد وعيون مراد ضحى: إيه يروما شكلك وقعتي روما: إيه إيه لا لا متأخديش في بالك أنا بهبد أصلاً بقولك إيه متيجي نكلم البنات ونتقابل بقى وكده عشان وحشوني ضحى: يلا أنا موافقة عند ندى: مريمممم ي مريممم

ندى: عايزة إيه يزفتة؟ ندى: يسطى برخم الله مريم: حسبي الله متسبيني فحالي الا قوليلي يبت هو أخوكي بيشتغل إيه؟ ندى: ممممممم بتسألي ليه يبت؟ مريم: متفهمينيش صح بسأل بس ندى: عجبك صح؟ أنا عارفة أخويا مز أصلاً بس يبت سيبك منه ده بارد وتنح مريم وهي سرحانة اااااه بس قمرررررر ندى: تضحك وتلوح بيدها أمام مريم وتقول لها: فوقي فوقي يحبيتي! عند ريناد: ياااه أخيراً خلصت اليوم كان حلو أوي ولكن متعب بشكل! ربنا يتوالانا بقى إيه

ده ضحى بترن ريناد بضحك: يارب استر لاحسن دي مش بيجي من وراها إلا المصايب الوو ريناد: عايزة إيه يحجة! ضحى: بقى ده رد؟ تصدقي إن أنا غلطانة إني بكلمك، غوري يبت ريناد: بي تأفف خدي بهزر أنا ليا أغلى منك برضو يضحضحى ضحى: أيوه كده اظبطي المهم تعاليلي عند كافيتريا كبيرة كده اسمها الجارحي كوفي ريناد: ليه؟ ضحى: هنتقابل وحشتيني انتي والبنات وهجيبهم دلوقتي كلهم ريناد: اوكي رني عليهم لحد ما أنا أجي ضحى: اوك باي

ندى: ضحى بترن يبنت يمريم والله وحشتني أوي مريم: وأنا كمان ندى: الو يضحضحى ضحى: مساء الخير على الحب بتاعي ندى: حبيبي والله وحشاني ضحى: تعاليلي انتي ومريم عند الكافيتريا الكبيرة دي اللي هي إيه ندى: الجارحي كوفي ضحى: أيواااه ندى: جاية أنا ومريم حاضر ضحى: علطول كده مش هتسألي ليه؟ ندى: لااااء أنا جاية يسطا ضحى: اوكي يا عيوني مستنياكي وبعد ما وصلوا ضحى: اعععع اععع وحشتوني عملتوا إيه انهاردة البنات بصوت واحد: يوم متعب

بس عسللل عسلل ضحى بضحك: حبايبي طب يلا نطلب حاجة اقعدوا قعدوا البنات وضحى كانت قاعدة في الكرسي اللي في الضهر بمعنى إنها شايفة اللي قدامها كان قاعد قدامها راجل صارم وعيونه باللون الأخضر كلون الشجر سرحت ضحى في عيونه للحظة وفاقد على همس أصدقائها: ضحى ضحى انتي معانا ضحى: أيوه أيوه سرحت بس روما: اممم اللي واخد عقلك ضحى: لا يبت مفيش حاجة اوك اطلبوا يلا يلا نادت مريم على الوويتر مريم: لو سمحت عايزين كلنا عصير مانجة

ضحى: ابتسامة لا لا أنا عايزة قهوة الويتر: أوامركم يا فندم حاضر بعد ربع ساعة الويتر: اتفضلوا يا هوانم البنات خدوا طلبهم وبدأوا يشربوا بعد قليل ندى: جماعة هروح الحمام 5 دقايق وجاية مريم بمزاح: اوعي تتوهي ندى: لا متخافيش ياختي وقامت وسابتهم لحظت ضحى أن الشاب اللي قصادها طلب قهوة برضو والويتر بينزلهاله اتدلقت عليه الشاب: إنت غبي متفتح إزاي انت كده واحد غبي أنا هطردك خالص إنت متعرفش أنا مين؟ هحضر إزاي الميتنج دلوقتي

الويتر بخوف: أنا آسف يا فندم والله ماكنش قصدي ضحى بعصبية: هو إزاي بيكلمه كده؟ ريناد: معرفش مغرور ده سيبك منه ضحى: لأ قامت ضحى لعنده وزعقت معاه: إنت اللي غبي إزاي تتكلم معاه كده؟ الويتر: لا لا أنا آسف يا فندم بعد إذنك يا آنسة اتفضلي مكانك الشاب وهو اسمه محمد الجارحي: غبي إنت عبيطة يا آنسة؟ ضحى: إنت خليت فيها آنسة ده إنت شخص مهزق بصحيح محمد بعصبية حادة: أنا بدأ صبري ينفذ وبعدين إنت مالك أصلاً؟

روما: بس يبنتي يلا ده واحد ولسه هيكملوا زعق فيهم محمد وقالهم غوروا من هنا ضحى بنفاذ صبر: مالك ياااالا إنت متخانق مع مراتك وجاي تطلعه علينا، أما واحد مهزق بصحيح الشاب بعصبية: أنا لحد دلوقتي ساكت لإنك بنت غير كده كنت بهدلتك يقطة ضحى: آه وخلي بالك بخربش صحاب ضحى خدوه وقعدوا وقعدوا يلوموها ضحى: لا يستاهل هو أي حد معاه فلوس يدوس على الناس كده؟ مريم: الله يهديه خرجوا من الكافيه ضحى قاعدة بتشتم على محمد

وتلاحظ مريم وروما وريناد إنهم بيحاولوا يسكتوها ضحى: واحد مغرور وعصبي وعمال يزعق واعااعااها روما وهي بتبص ورا ضحى: خلاص ياضحضوح ااا المسامح كريم ضحى بعصبية: بلا كريم بلا إبراهيم اسكتي إنتي دا واحد بارد ريناد: طيب افتكري إن روما قالتلك اسكتي وإنتي مسكتيش ضحى: ومش هسكت دا واحد بارد اللهي ينشك في فخادة البعيد مريم: هي وصلت لفخادة طب بصي ورايقي بقى ضحى: ءءءءءءءءءء محمد: ءءء إيه بس متكملي مالها فخادي

ضحى: أنا آسفة حقيقي بعتذرلك ولكن إنت متربتش محمد بغضب: أنا متربتش ضحى: عايزني أضحك عليك يعني محمد: نعمممم هو في إيه يبت يلي كلك قد البرص إنت؟ ضحى: بقولك إييي متعصبنيش غور وإنت نكدي كده محمد: يلا يماما من هنا عشان عندي ميتينج وسابهم ومشي ضحى: هشششش يلا مريم: يلا يشيخة بقى زهقنا هو اليوم كان ناقص هي دي الخروجة حسبي الله يضحى ضحى: مهو واحد محتاج يتربي أنا مشفتش كده بجد بني آدم مقرف ريناد: خلاص يضحى مش حوار سيبك منه بجد

ضحى: حاضر روما بتوتر: طيب انتو مش ناسين حد كدا مريم: حد مين ... يلااااااااهوووووي نددددي سبناها لسه مكملتش كلامها لقيت تليفونها بيرن والمتصل ندى مريم: ندى بترن دي هتمسح بكرامتنا الأرض روما بضحك: طيب ردي عليها وافتحي الاسبيكر ردت مريم وهي خايفة من رد فعل ندى ندى ببكاء مصطنع: اعاااااااا ياولاد الجزمة إنتو فيننن اعااااااااا سيبتوني ومشيتوا إنتووو فيننن مريم بمرح: ودني ياحلوووفة ... إحنا برا الكافيه تعالي

عشان في مصيبة حصلت ندى: كنت شكة إنكم عملتوا مصيبة... يلا باي أنا شفتوكم اهو .. وقفلت بعد قليل .. بعد ما حكوا الموضوع لندى ندى وهي ماسكة بطنها من كتر الضحكك: هموت يخربيتك في واحدة تقول لحد في وشهه إنت متربتش يابجحتك ياشيخة ضحى: ما هو اللي عصبني أعملوا إيه مريم: يلا يكلبة منك ليها لو اتأخرت الولية الصعرانة عندي في البيت هتبلعني تضحك الفتيات وصلت ندي البيت. ندي: حسام عايزة اتكلم معاك في حاجة ضروري.

حسام: بعدين ياندي عشان مش فاضي وبدور على موظفين في الشركة. ندي بصدمة: انت بتقول أيييييي هييييييي دا اصلا الموضوع اللي كنت جيالك فيه وأقولك صحابي جايين يشتغلوا في الشركة. حسام: طيب حلو الكلام ده بس وحياة أهلي ياندى لو مجبتيهمش بكرة معنديش شغل لحد. ندي: حاضر حاضر براحة شوية وقامت تقول للبنات. يتنهد حسام بتعب وقام لينعم بقسط من الراحة. دلف حسام لغرفته غير ملابسه وذهب في ثبات عميق.

ذهبت ندي تراسل أصدقائها في مجموعتهم على واتساب. ندي: بناويتي في حاجة ضروري. مريم: إيه في إيه اخلصي بسرعة عايزة أخلص شغل البيت. ندي: حسام قال لو مجيناش الشركة نبدأ الشغل من بكرة يبقى مفيش شغل خااالص. روما: مش عارفة أخوكي ده شايف نفسه على إيه وبيعمل كده ليه كلهم نفس الصنف للأسف. ريناد: في إيه كنت نايمة صحيت من صوت الرسايل دي. ريناد: إيه اخوكي عايز إيه يا عين أمك. ضحي: هاتي أخوكي ده افتح دماغه.

ندي: بقولك إيه انتوا وهي هتيجوا ولا لأ! الجميع باستسلام: جايين. في اليوم التاني. تجمعوا كل الفتيات أمام منزل ضحي وروما، ضحي وروما جيران. بسيارة ندي كالعادة ضحي متأخرة. ريناد: شرفت الست هانم. ضحى: ميرسي يا حبي. ريناد: بقولك إيه يا بت ياندي أنا بقالي فترة بتعلم السواقة وأبويا مش راضي يديني عربيته هاتي أسوق أنا شوية. ندي: أبوكي رفض تيجي تخربيلي عربيتي أنا. ريناد: متخافيش والله. ندي بخوف بعض الشيء: متأكدة.

ريناد: كل التأكيد. مريم: اتشهدوا يا بنات. ضحك الجميع. في الطريق. ندي: طلعتي بتعرفي تسوقي يا بت يريناد. ريناد: عيب عليكـ. لم تكمل الكلمة حتى اصطدمت بسيارة سوداء فخمة. ريناد: أحيه عليا أحيه عليا أعمل إيه ده إحنا حتى قدام الشركة خلاص. ندي: أعاااااا يخربيت أهلك عربيتيييييي هي دي اللي بتعرفي تسوقي أعاااااااا منك لله.

تلاحظ أن هناك أحد خرج من السيارة. آه كان شاب وسيم جدا ملامحه حادة لكن مريحة تاهت في ملامحه. لاكن لحظة ماذا يريد هذا الشخص. نزلت ريناد من السيارة. الشاب بهدوء: انتي متخلفة صح؟ ريناد بغضب: نعم؟ الشاب: في حد يدخل في حد كده سواقة البهايم. لترد مريم من داخل السيارة. مريم: البهايم دول يبقوا أهلك. ينظر لها نظرة كفيلة بأن تسكتها. مريم: لأ مؤاخذة كمل اللي كنت بتعمله. سليم (الشاب)

بصراخ: مش بتعرفي تسوقي بتسوقي لي ماشية تخبطي في خلق الله. ريناد وهي تحاول أن لا تبكي: متزعقليش. انت المتخلف ومش متربي كمان. عشان تعلي صوتك على بنت أنا مكنش قصدي أخبطك. تفهم مريم أن صديقتها على وشك البكاء لتتدخل. مريم: إيه يا وحش بتزعق للبنت وانت قد درفة الدولاب احترم فرق الحجم حتى اعتبرها عيلة صغيرة وغلطت وسيبنا نعدي بقا هنتأخررر. يتجاهل سليم كل كلامه ويغادر بدون كلمة واحدة.

كل ده وندي قاعدة جوه العربية هي وروما وتشتم في ريناد ومشفتش مين اللي خبطته ريناد أصلاً. ريناد بعد أن غادر. ريناد: جدعة يا بت يمريم أصلاً بني آدم محتاج تربية من الأول. مريم: وحياة أمككك! ده انتي كنتي عاملة زي الفار المبلول قدامه. ريناد: اخرصي قطع لسانك. يضحك الجميع ويتجهوا للشركة.