رواية جمعهم الحب الفصل الثاني والعشرون 22 - بقلم مريم حجازي، ندى ربيع، ريناد خالد

الحب ندي بصراخ وبكاء: انت بتقول إيه؟ انت كداب. فهد عمره ما يسيبني. هو ما حصلوش حاجة. أنا قلبي حاسس والله. أكيد بيعمل معايا مقلب. مستحيل يسبني. مستحيل. فهد بقلق من خلفها: ندي مالك في إيه؟ ندي بصدمة ودموع: فـ فهد. انت عايش إزاي؟ أنا مش فاهمة حاجة. انت بجد؟ فهد: أيوه ياحبيبي عايش. مالك؟ ندي وهي تحضنه ببكاء هستيري: يعني انت بجد؟ أنا مش بحلم؟ طب طب هو إزاي قال إنك.. وانهارت في بكاء مرير.

فهد وهو يضمها بكل قوته: بسسس اهددي وهفهمك كل حاجة. ولكن قطعته ندي وهي يغمى عليها. فهد وهو يحملها ويتجه بها إلى الغرفة: حسام هات دكتورة بسرعة. حسام وهو قلق: حاضر. ريناد بتوهان: سليم. سليم: إيه. ريناد: ألعب باليه. هو إيه اللي أي؟ هو إيه اللي أنا شايفاه ده؟ فهمني. سليم: يا شيخة اتنيلي. مش لما أفهم وأقولك. ريناد: يعني هتفهمني لما تفهم. سليم: أيوه. ويلا بقي قومي من جمبي. ريناد: يابن الدزمة. بتطردني.

سليم بغضب مصطنع: بت أي قلة أدب دي؟ أنا ظابط. ريناد ببجاحة: أيوه. يعني إيه ظابط؟ ما أنا رسامة ومتكلمتش. سليم: طب اخرسي بقي عشان مقومش أرسم في وشك البخت. ريناد: خرست. ضحي: إحنا دخلنا في فيلم أكشن من غير ما أقصد. محمد بضحك: لا دا مش فيلم ولا حاجة. دي حياتنا الطبيعية. في الغرفة عند ندي بعد أن كشفت عليها الدكتورة. الدكتورة: عندها انهيار عصبي وضغطها واطي. اديتها حقنة مهدئة. وياريت تبعدوها عن أي ضغط. فهد: طب هي هتقوم إمتى؟

الدكتورة: بعد أربع أو خمس ساعات. فهد: تمام. الدكتورة: عن إذنكم. وسابتهم وخرجت. فهد: حسام أنا عايز أعرف ودلوقتي. في إيه؟ وإيه اللي وصل ندي للحالة دي؟ وإزاي بتقول إنك لسه عايش؟ هو انتوا كنتوا مفهمينها إنك مت... حسام: هجاوبك على الأسئلة دي كلها. بس تعالي نطلع برا عشان ندي. فهد: تمام. وخرجوا. فهد: يلا فهمني بقي. حسام وقد قص عليه ما حدث. حسام: فهمني انت إزاي لسه عايش؟ ومين اللي مات؟ وإيه اللي جابك هنا؟ فهد: تمام هحكيلك.

فلاش باك. فهد في طريقه إلى منزل حسام أخيرًا بعد أن قرر أن يواجه ندي بالحقيقة. توقفت فجأة سيارة سوداء أمام سيارته. نزل منها رجلان ضخمان نوعًا ما... لاكن لم تهتز فيه شعرة. ظن أولاً أن هذه عملية سرقة بعد أن أخذوا منه هاتفه ومفاتيح السيارة. المجهول1: خد انت العربية والحاجات دي. انت عارف هتوديها فين. وأنا هاخده للباشا. المجهول2: تمام.

ذهب المجهول2. وانتهز فهد هذه الفرصة لكي يلكم الرجل الممسك به. لم يفوقه الرجل قوة خصوصًا أن فهد يمتلك قوة بدنية رائعة. اشتبك فهد والرجل المجهول. كانت معركة دامية بطريقة لا توصف... ثم ضربه على رأسه بطرف المسدس حتى فقد الوعي. ثم انطلق فهد بتاكسي للمستشفى القريب منه لمعالجة جروحه. بعد أن وصل للمستشفى قابلهم هناك. بااك. فهد: هو ده اللي حصل. حسام: طب مجتش لي كل الفترة دي؟ اتصلت عليك كتير مش بترد. ندي قلبها اتقطع عليك.

فهد بتنهيدة: مكنتش عارف أوري وشي لندي إزاي تاني. لحد ما أخدت القرار إني أجي. يمكن تسمع مني المرة دي. حسام: ندي عرفت كل حاجة وهي مسامحاك. فهد وقد لمعت عينه: بجد! أنا محتاج أشوفها أوووي. حسام: طب تعالي دلوقتي. داوي الجروح دي الأول. فهد: مش مهم. هتخف دلوقتي. وتوجه إلى غرفة ندي. ذهب حسام وفهد في الغرفة التي تمكث فيها ندي. وجدوها نائمة في ثبات عميق.

فهد: طيب أنا هاخدها ع البيت. شكلها تعبانة أوي ومش هتصحى دلوقتي من المهدئات اللي خدتها. حسام: طيب يلا قدامي. عند ريناد وسليم. ريناد: سليم. سليم بابتسامة: قلبه. ريناد بجدية: سليم ممكن نتكلم جد شوية. سليم بجدية مشابها: اتفضلي. ريناد بتسرع وكأنها كانت تتدرب

على هذا الكلام من قبل: بص ي سليم والله أنا مش عايزة أشيلك هم زيادة. أنا عارفة الفترة دي صعبة أوي عليك وعلينا كلنا. حصل حاجات كتير أوي محدش كان مرتبلها. أنا تعبت أوي ومحتاجةك جنبي. نعرف نسند بعض. مينفعش نفضل كده متعلقين فالنص من غير خطوبة ولا كتب كتاب. انت عارف إنه مينفعش. سليم: أنا فاهم. وده حقك. بس أنا اتشغلت الفترة الفاتت دي بجد. مكنتش عارف أتصرف خالص. ولا كنت فاضي. أنا آسف بجد.

ريناد: متتأسفش. بس لازم ناخد خطوة رسمية قريب. سليم بمرح: من عيوني ي سكر انت. عند ندي وفهد. حملها فهد حتى وصل لفراشهما ووضعها عليه. ندي بنوم وعدم استيعاب: فهددد.... ونبي ما تسيبني لوحديي... أنا مسامحااك والله بس متسيبنيش...... أنا..بحبك... فهدددد. فهد وهو يحضنها: اهدي ياقلبي. أنا جنبك وعمري ما أسيبك. تمسكت به ندي بشدة ثم غطت في النوم. في الفيلا عند حسام ومريم بعد أن عادوا إلى الفيلا. في غرفة حسام ومريم.

مريم بتعب: حسام هو في إيه بجد؟ أنا تعبت. أنا مبقتش فاهمة حاجة. حسام بتوتر: مفيش حاجة. هيكون فيه إيه يعني. مريم بعصبية: حسام بجد في إيه؟ لو ماقولت فيه إيه لأكون سيبالك البيت كله. حسام بصدمة: إيه الهبل ده ي مريم. مريم: هتقولي ولا أمشي ولا تعرفلي طريق. حسام بتنهيدة: قص عليها ما حدث من خيانة فهد لندي لحد الآن. مريم بصدمة: إزاي يعني مش فاهمة. حسام: يعني دي كلها خطة وسليم هو اللي عملها عشان نكشف اللي شغال مع زياد السيوفي.

مريم بقلق: و... وعرفتوا مين هو؟ حسام بضيق: طلع إبراهيم اللي كان متقدملك. مريم بصدمة: يعني إيه؟ يعني طلعت أنا اللي مسببالكم المشاكل دي كلها. حسام بسرعة: إنتي بتقولي إيه؟ أكيد لا. انتي ملكيش علاقة. هو اللي ندل. ونهايته على إيدي. مريم بعياط: أنا أنا السبب. أنا السبب في اللي انتو فيه. حسام وهو يحتضنها: لا يا عمري. انتي ملكيش دعوة. في مكان كالمخزن. يهجم سليم على الرجالة الموجودين على البوابة ويقتلهم كلهم ويدخل إلى المخزن.

سليم وهو ممسك بالمسدس: سلم نفسك ي إبراهيم. إبراهيم بضحك وهو يوجه مسدسه أيضاً على سليم: ولو مسلمتش نفسي ي شاطر. سليم بصوت عالي: انت كدا كدا هتشرف معايا في السجن مع صاحبك زياد. إبراهيم بضحك: لا لا شاطر. ليهجم عليه سليم باللكمات ويأتي القوات المسلحة وتقبض عليه. ولكن عندما يأتوا ليخرجوا من المكان تخرج رصاصة لتصيب.