رواية جمعهم الحب الفصل الحادي والعشرون 21 - بقلم مريم حجازي، ندى ربيع، ريناد خالد

شخص: حضرتك صاحب التلفون، عامل حادثة على الطريق. نقلناه لمستشفى... لو تعرف حد من أهله. حسام بصدمة شديدة: إنت بتقول إيه؟ إنت متأكد؟ الشخص: آه والله يا أستاذ. ياريت بسرعة، لأن حالته صعبة أوي. حسام بتوهان: إيه؟ طب تمام تمام... وقفل. ندي بقلق شديد: حسام، في إيه وفين فهد؟ حسام بحذر من رد فعلها: فـ فهد عمل حادثة وفي المستشفى. ندي ببكاء شديد: إنت بتقول إيه؟ حسام، عشان خاطري قول إن ده مقلب وبتتهزروا.

حسام وهو يهديها: تعالي نروحله، وهو إن شاء الله هيطلع كويس ومفيش حاجة. بس اهدي. ندي وهي لا تصدق ما يحصل لها: يلا بسرعة، نبي يا حسام. حسام: حاضر يا قلبي. وذهبوا إلى المستشفى ومريم معهم. بعد أن دلفوا إلى المستشفى. حسام للاستقبال: في شخص وصل هنا في حادثة عربية، هو فين أوضته؟ الاستقبال: آه حضرتك، لسه واصل من نص ساعة. دا في العمليات وحالته صعبة بجد، ادعوله. ندي بنهيار: بيقولك في العمليات يا حسام، وحالته صعبة... يارب!

إحنا ليه بيحصل لنا كدا؟ مريم بمحاولة تهدئتها: بس اهدي، والله هيطلع كويس. بس اهدي، وإن شاء الله خير. عند الشباب. محمد: هو في إيه بجد؟ فهد بقاله فترة مختفي وحسام مبيجيش الشركة غير قليل. مراد: آه بجد، ولحد دلوقتي منعرفش حاجة عنهم. سليم: دا إنتوا فاتكوا كتير. وبدأ يقص عليهم ما حدث. محمد بصدمة: يلا هو! كل دا حصل وإحنا منعرفش. وإزاي ندي عرفت بجد؟ سليم: دا اللي عايز أفهم... ولكن قطعه اتصال من حسام. حسام: الو يا سليم.

سليم: إيه يا حسام؟ مال صوتك عامل كدا ليه يا ابني؟ حسام: فهد عمل حادثة وفي العمليات، وندي منهارة بجد. سليم بصدمة: إنت بتقول إيه؟ أنا جاي حالا. وقفل معه. مراد: في إيه يا ابني؟ سليم بتسرع: فهد، فهد عمل حادثة وفي العمليات. محمد: طب استنى يابني، إحنا جايين معاك. واتجهوا إلى المستشفى. عند البنات. كانوا يتكلمون على جروب الواتس بتاعهم. ضحي: وإنتي يا بومة، مش ناوية تتخطبي؟

ريناد: لسانك يا سكر. وغير كده، أنا فكرت تفكير تام إن لو اتخطبت هبقى اتخبط في دماغي. خليني كده سنجلة عسلية. ريم: عليا النعمة، إنتي كدابة. دا إنتي اللي نحس، وكل ما تيجي تعملي الخطوبة حاجة تحصل. ريناد: قطع لسان اللي يقول كده. تؤ تؤ تؤ، أنا اللي مش جاهزة للخطوبات والجواز والشغل ده. ضحي: يلا هو، على الكذب يا بت! اعترفي! ريناد: اخرسي يا حلوفة. أيوة، أنا نحس ليكي فيه. ويلا غوروا، والله ما أنا متكلمة معاكوا. ووقفت معاهم.

بعد قليل، كان تليفون ريناد يرن، وكان المتصل سليم. ريناد: الو يا سليم! لسه فاكر تسأل على الكلبة بتاعتك؟ سليم: ريناد، مش وقت خناق. فهد في المستشفى وندي منهارة. هعدي عليكي آخدك. ريناد بصدمة: نهاري أسود! طب أنا هقوم ألبس. سليم: رني على ضحي وريم، قوليلهم محمد ومراد هيعدوا ياخدهم هما الاتنين. ريناد بتسرع: تمام تمام، هقولهم. باي. ريناد: إنتو يا ولاد الجزمة! ضحي: عايزة إيه؟ مش قولتي مش هتكلمينا يا نحس؟

ريناد: مش وقت ظرافة أمك يا بنت الحلوفة. ريم: مالك يا بت، في إيه؟ ريناد: قصت عليهم اللي حدث. ضحي وريم: طب سلام. في المستشفى. بعد الكثير من الوقت في انتظار فهد. وانهيار ندي المستمر ومحاولة البنات تهدئتها. توتر حسام والشباب على صديقهم. يخرج الدكتور بعد وقت. الدكتور بأسف: للأسف، مقدرناش ننقذ المريض. البقاء لله. ندي بصراخ وبكاء: إنت بتقول إيه؟ إنت كداب!

فهد عمره ما يسيبني. هو محصلوش حاجة، أنا قلبي حاسس والله. أكيد بيعمل معايا مقلب، مستحيل يسبني، مستحيل. فهد من خلفها. ندي بصدمة ودموع.