رواية جميلة بقلم ديانا ماريا | كاملة
قيّم الرواية:
لا توجد تقييمات بعد
من أحداث الرواية
يا بنتي بطلي أكل بقا حرام عليكِ كدة مش هيجيلك عرسان ولا هيتقدم لك حد، أنا غلبت معاكِ! لم تبالي ابنتها وأكملت طعامها بإستمتاع: بس ورق العنب ده عظمة من إيدك يا ست الكل. قالت والدتها بضيق: ده اللي همك يا بنتي علشان شكلك حتى. : المكرونة بالبشاميل من إيدك ملهاش حل بجد. والدتها بغيظ: هبطل أعملها خالص وامشيكِ على دايت. : يالهوي حتى السلطة منك تحفة بالليمون وزيت الزيتون. زفرت والدتها بغضب فقالت بذعر: ماما! قالت والدتها بفزع: في إيه؟ بتساؤل: عملتي الكنافة زي ما قولتلك؟ طب فيه قطايف من أمبارح ولا لا؟ جزت والدتها على أسنانها بغيظ ولم ترد، فأكملت طعامها. نظرت لها والدتها بقلة حيلة: طب حتى علشان تقدري تصلي التراويح ده أنتِ بقيتِ بتنهجي من الركعة الرابعة! نظرت لها بحزن وتوقفت عن الطعام، فقال والدها بعتاب: ما تسيبيها تأكل يا أم يعني هى كانت بتأكل من أكل حد؟ مالك كدة من الصبح عمالة تقولي لها كلام...
