رواية جميلة على عرش الاسد الفصل الثاني 2 - بقلم سلمى محمد

في المستشفى في مكتب جميلة جميلة: باباك ده، يا عوذه بالله. قمر: بابا ده طيب. جميلة: أماااال. قمر: جميلة انتي هتيجي تعيشي معانا؟ جميلة: أه يقلبي لحد ما تخفي ومش هتروحي المدرسة علشان العيال الوحشة متضايقكيش، ونبقى نروح سوا نمتحن. قمر: هاااااااايي. جميلة: ودكتورة رزان هتيجي برضو معانا. قمر: ودكتور ادهم؟ جميلة: لا مش جاي. جميلة: يلا تعالي نروح نقول لرزان. قمر: يلا. وتخرج جميلة وقمر خارج المكتب ويتجهوا لمكتب رزان.

في شركة أسد ينادي أسد على سكرتيرته فاطمة وتدخل فاطمة بعد ثواني المكتب. فاطمة بنت جميلة في سن الـ ٢٧، تمتلك بشرة قمحاوية وعيون بنية وشعر بلون أصفر مائل للبني، طويلة القامة وممشوقة القوام، وتعمل مع أسد منذ خمس سنوات. فاطمة: تأمر بأي حضرتك؟ أسد: عايزك تجيبي لي ملف فيه معلومات عن الدكتورة جميلة محمد الأنصاري. فاطمة: تمام يفندم. أسد: في النهاردة اجتماعات؟ فاطمة: اجتماع واحد كمان ساعة ونص مع الشركة الفرنسية.

أسد: ناد لي أحمد. فاطمة: تمام يفندم، تأمر بحاجة تاني؟ أسد: لا، اتفضلي. تخرج فاطمة وتتجه لمكتب أحمد. فاطمة: أستاذ أحمد عايز حضرتك يا أستاذ أحمد. أحمد: متشليش أستاذ وخليها حمادة، يا وحش الكون أنت. فاطمة بكسوف: عن إذنك. وتخرج فاطمة من المكتب ويتجه أحمد لمكتب أسد. في المستشفى في مكتب رزان رزان: إزاي عايزاني أسيب بيتي يا جميلة؟ جميلة: عشان خاطري نبي. رزان: مش هينفع، وبعدين هنروح نعيش مع راجل غريب.

جميلة: كلها كام شهر لحد ما قمر تتعالج على خير. رزان: هفكر. جميلة: يبقى اتفقنا، هتيجي معايا. رزان: مقلتش هاجي، قلت هفكر. جميلة: هتيجي، يوزتي، قولي لي عملتي إيه مع أدهم. رزان: متجبليش سيرته. جميلة بضحكة: عملك إيه تاني؟ أدهم وهو يدخل المكتب: واللهي ما عملت حاجة، ده أنا غلبان، صحبتك بس اللي مفترية. رزان: أنا مفترية؟ اطلع بره بدل ما أرتكب جناية. جميلة بضحك: إيه بس اللي حصل؟

أدهم: أنا أشهدك فيها إيه، لما أكلم خمس ست بنات غيرها، هو حرام أدلع نفسي؟ عايزني أمسح أرقامهم؟ هل أنا غلطان؟ جميلة بضحك: لا. أدهم: فيها إيه لما أسهر في كباريه مع رقاصة؟ ده فيها حاجة. جميلة بضحك: لا. أدهم: شوفتي إزاي هي مفترية. رزان: آه، هتشلوني. اطلعوا انتوا الاتنين بره. جميلة بضحك: خرجنا، خرجنا، يختي متنسيش الساعة سبعة تكوني جاهزة. وتخرج جميلة وقمر. ♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡ ودقت الساعة السابعة. في المستشفى

توصل سيارة أسد ومعها الشوفير إلى المستشفى. ينزل الشوفير ويذهب للاستقبال. الشوفير: أقدر ألاقي فين دكتورة جميلة؟ الممرضة: في الدور الثاني، المكتب الثالث على إيدك اليمين. الشوفير: ممكن تندهي لي؟ قولي لها شوفير أسد باشا مستنيكي تحت. الممرضة: ثواني. وتصعد الممرضة لمكتب جميلة وتستأذن ثم تدخل. الممرضة: دكتورة جميلة، شوفير أسد باشا مستنيكي تحت.

جميلة: طب خمس دقايق وأنزل. ممكن تروحي مكتب الدكتورة رزان وتقولي لها سلمى مستنياكي تحت. الممرضة: أمرك يفندم. وتذهب الممرضة لمكتب رزان. جميلة: يلا يقمري. وتحمل جميلة وقمر وتنزل بها إلى تحت. وبعد دقائق تلحق بها رزان. الشوفير: حضرتك دكتورة جميلة؟ جميلة: أيوه. الشوفير: اتفضلي معايا. وتركب رزان وجميلة وقمر مع الشوفير ويتجه إلى القصر. ♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡ في الشركة في صالة الاجتماع

مدير الشركة الفرنسية: C'est bon, M. Assad. C'est ainsi que nous nous sommes mis d'accord sur le contrat. J'espère que vous aimez le travail avec nous. أسد: Votre travail avec moi est un honneur pour vous de travailler avec Assad, le propriétaire du plus grand groupe d'entreprises au monde. المدير الفرنسي: Bien sûr, M. Assad. أسد: Souhaitez -vous conclure la réunion? ويخرج مندوبين الشركة. أسد: الساعة كام؟

أحمد: سبعة ونص. أسد: بعت الشوفير للمستشفى؟ أحمد: أه، زمانه خدهم. أسد: خلي الحراسة تجهز العربيات علشان همشي. أحمد: تمام. ويخرج أحمد ويكلم الحراس ليجهزوا العربيات لأسد. وبعد قليل ينزل أسد وينطلق إلى القصر. في القصر وصلت جميلة ورزان وقمر. استقبلتهم الدادة. الدادة: اتفضلوا معايا، أسد باشا مستنيكم جوا. يدخل الجميع إلى الصالون يجدون أسد جالس. أسد: أهلاً بيكي في قصر الأسد.