رواية جميلة الفارس الفصل الأول 1 - بقلم سلمى

كانوا كلهم قاعدين على السفرة وبيفطروا. فجأة قام واحد من اللي قاعدين وقال بصوت عالي: = يعني إيه يا جدي عايزني أتجوز واحدة مش بنت وفي الحرام؟ الجد قال بعصبية: _اقعد يا فارس وأوعى أسمع منك الكلام ده تاني، مفهوم… أنت عارف كل حاجة، عارف إنها غصب عنها. فارس مشي وقال وهو ماشي: = وده مش هيحصل يا جدي، وبعدين روح جوزها للي ضحك عليها. هي كانت سامعة الكلام ده وهي بتعيط ودموعها نازلة بصمت. الجد وجه كلامه للبت اللي كانت قاعدة:

_قومي يا جميلة يا بنتي، اطلعي فوق على الأوضة بتاعتك. وهي سمعت كلامه وطلعت وقَفلت على نفسها الأوضة وفضلت تعيط لحد ما نامت. وتحت. الجد كان قاعد على الكرسي الرئيسي لأوضة المكتب وقال بنفاذ صبر من حفيده اللي دماغه ناشفة: _اسمع يا فارس، جميلة بنت عمك وأنت أولى بيها من الغريب، والموضوع أنت عارف كل حاجة. فارس ببرود: = وأنا قلت اللي عندي، معنديش كلام تاني أقوله. الجد ضرب على المكتب بغضب وقال بصوت عالي:

_أقسم بالله يا فارس لو أنت وجميلة متجوزتوش، أنت ولا حفيدي ولا أعرفك، فااااهم؟ فارس سابه وقام. قال الجد: _لما ترجع ليَّ كلام تاني معاك. ركب عربيته وراح الشركة. في أوضة جميلة. الجد كان بيخبط على الأوضة. الجد بحنان: _يا جميلة افتحي الباب يا حبيبتي. فتحت الباب وهي آثار العياط على وشها. أول ما فتحت الباب جدها حضنها جامد وقال: = أنتِ بتعيطي يا جميلة؟ اهدي يا حبيبتي. بعد ما جميلة هديت. قال الجد: تعالي نتمشى في الجنينة شوية.

جميلة: حاضر. ونزلوا واتمشوا في الجنينة، وبعدها جميلة طلعت ونامت. في الشركة. دخل فارس مكتبه ودخلت وراه السكرتيرة بتاعته، وكانت لابسة قصير وماشية بمياعة. _اتفضل الورق يا فارس بيه. فارس بص لها بعصبية وقال: = قلت لك ميت مرة متجيش باللبس ده، واتكلمي معايا عدل. ودلوقتي سيبي الورق واطلعي برا، ولو شفتك جاية باللبس ده تاني يبقى ملكيش شغل هنا. سابته ومشيت. وهو شاف شغله ودخل عليه صاحبه جاسر. جاسر بمرح:

= إيه يا عم قاعد شايل طاجنك ليه؟ فارس بص له وبعدين بص للورق اللي كان في إيده وقال: _اسكت أنت متعرفش حاجة. = معرفش إيه؟ فارس بص في الساعة لقيها جت واحدة بليل، وافتكر جده وقام خد المفاتيح وخد جاكت البدلة بتاعته وقال: _مش وقته، هقولك بكرة كل حاجة. سلام عشان جدي مستنيني في البيت. = سلام. وصل فارس من برا وراح على أوضة جده، لقيه قاعد على الكرسي بيقرأ في كتاب. الجد: ما لسه بدري يا فارس؟

فارس: معلش اتأخرت، كان عندي شغل كتير. جدي أنا موافق. الجد بعدم تصديق: موافق على إيه؟ فارس: موافق أتجوّز جميلة.