رواية جميلة الفارس الفصل الثاني 2 - بقلم سلمى

فارس. موافق اتجوز جميله. الجد بفرحة قام من على الكرسي وحضن فارس وقال: جميلة يتيمة يا فارس، خلي بالك منها، انت وجميلة عندي بالدنيا كلها. فارس بتنهيدة قال: حاضر يا جدي، عايز حاجة تاني؟ أنا هطلع أنام عشان تعبان. الجد: أيوه، كتب الكتاب بكرة. فارس بصدمة: بسرعة دي! الجد: آه، خير البر عاجله. فارس وهو بيفتح باب الأوضة عشان يخرج قال: اللي تشوفوه. ومشي وطلع وخد شاور ونام.

عند الجد، كان فرحان إن أخيراً فارس هيتجوز جميلة، وقعد على الكرسي يكمل قراءة في الكتاب اللي كان في إيده وهو بيشرب القهوة. افتكر جميلة وإن لازم يقولها من دلوقتي. ساب الكتاب على الترابيزة وراح عند أوضة جميلة وخبط، وجميلة فتحت الباب. الجد: كنتي نايمة؟ جميلة: آه يا جدو. الجد عمران: ماشي يا حبيبتي، أنا جيت أقولك إن كتب كتابك على فارس بكرة. جميلة: إيه! وبسرعة كده؟ وبعدين فارس مش موافق...

الجد: لا، ما هو وافق، وكتب الكتاب بكرة. جميلة بحزن: خلاص يا جدو، اللي تشوفه. الجد طبطب عليها وقال: أنا هطلع أنام بقي، عايزة حاجة يا حبيبتي؟ جميلة: شكراً. ومشي، وجميلة قفلت الباب وفضلت تعيط على اللي حصلها، وبدأت تفتكر اليوم اللي كان السبب في خراب حياتها. فلاش باك. كانت نازلة على السلم باستعجال. جميلة: يلا يا جدو، خلاص مش عايزة فطار. الجد: محدش هيمشي، لا انتي ولا فارس، غير لما تفطروا. جميلة: ماشي.

وفطروا، وجميلة مشيت عشان تقابل صاحبتها. وهي ماشية الدنيا كانت بتمطر، ولقيت واحد ماشي وراها. جاية تبص وراها، لقيت حد كَمَّم وشها. باك. تاني يوم. جميلة كانت بتلبس فستان الفرح اللي أي بنت بتتمنا تلبسه مع اللي بتحبه. قاطع تفكيرها عمران اللي خبط على الباب ودخل. الجد: إيه القمر دا يا جميلة؟ أنا أخاف عليكي تتحسدي. جميلة ضحكت: أنا بحبك أوي يا جدو. الجد: وأنا كمان يا حبيبتي...

يلا ننزل عشان أبو لهب مستنينا تحت، ولو اتأخرنا عن كده هيَمَوتنا. جميلة ضحكت: يلا يا جدو. ونزلوا تحت، وتم كتب الكتاب. المأذون: بارك الله لكما، وبارك عليكما، وجمع بينكما في خير. وبعد شوية، كانت جميلة قاعدة على السرير ومستنية فارس. وفارس كان قاعد في أوضة تانية وهو بيفتكر. فلاش باك. الجد: جميلة اتأخرت أوي يا فارس. فارس: أنا هروح أشوفها. الجد: استنى، هروح معا...

قاطع كلامهم جميلة اللي دخلت من باب الفيلا وهي هدومها مقطوعة وكلها دم وبتعيط. الجد بصدمة: إيه اللي حصل يا جميلة؟ جميلة مردتش، واغمي عليها. وفارس جري عليها وشالها ووداها أوضة جده. وجابوا الدكتورة وكانوا واقفين برا والدكتورة بتكشف على جميلة. وخرجت الدكتورة من عند جميلة. الجد: إيه اللي حصل لجميلة؟ الدكتورة: للأسف، جميلة هانم اتعرضت لحالة اغتصاب. باك. قام وراح على الأوضة بتاعته هو وجميلة. فارس بزعيق: اقلعي.