رواية جميلة الفارس الفصل السابع 7 - بقلم سلمى

جميله وقعت من على السلم ونزلت سايحة في دمها. فارس كان في الأوضة بتاعته وسمع صوت حاجة وقعت في الأرض. نور كشاف التليفون وراح يشوف فيه إيه. نزل لقي جميلة مرمية على الأرض والأرض كلها دم. جري عليها وقال: "جميلة! أي اللي عمل فيكي كده؟ النور جه ونزلت أسما على صوت فارس وقالت: "في إيه يا فارس مالها جميلة؟ اتصدمت لما شافت جميلة بالشكل ده. أسما: "يلا يا فارس مستني إيه؟ يلا بينا على المستشفى." فارس: "تعالي شيلي معايا."

أسما: "حاضر." وشالوها وراحوا بيها على المستشفى ودخلت أوضة العمليات. بعد شوية خرجت الدكتورة وقالت: "للأسف الجنين مات." أسما باستغراب: "جنين؟ جنين إيه يا فارس؟ هي جميلة كانت حامل؟ الدكتورة: "هي مش متجوزة؟ أسما: "لأ متجوزة وجوزها اللي واقف قدامك ده." الدكتورة: "تمام." وسابتهم ومشيت. أسما: "فهميني بقى إيه اللي الدكتورة قالته ده وإزاي جميلة كانت حامل وأنتم لسه متجوزين؟ فارس: "أسما متتدخليش في اللي ملكيش دعوة بيه، سامعة؟

أسما: "تمام يا فارس وأنا هستنى جميلة تفوق وهمشي عشان مينفعش أسيبها لوحدها." بعد يومين. جميلة كانت في أوضتها. الباب خبط. جميلة: "ادخل." دخلت أسما وقالت: "إزيك دلوقتي يا جوجو؟ عاملة إيه؟ جميلة: "بخير الحمد لله. أسما أنا مش عارفة أشكرك إزاي على كل اللي بتعمليه معايا ده." أسما: "جميلة انتي عبيطة؟ إحنا الاتنين واحد يعني مفيش شكر بينا." جميلة: "ربنا يخليكي ليا وميحرمنيش منك أبداً يارب يا أسما."

أسما: "ويخليكي ليا يروحي. انتي كويسة يعني حاسة بتعب؟ جميلة: "لأ بقيت أحسن شوية." أسما: "طب الحمد لله. هروح أنا بقى عشان ورايا مشوار كدا مع واحدة صحبتي. عاوزة حاجة؟ جميلة: "عاوزاكي بخير يا حبيبتي." ومشيت أسما وجميلة نامت. تاني يوم سميرة كانت بتخبط على الباب بتاع أوضة جميلة ودخلت وحطت صينية الأكل وقالت: "جبتلك الأكل يا ست هانم." جميلة: "دادة سميرة بلاش ست وهانم أنا اسمي جميلة بس."

سميرة: "ميصحش يا ست هانم كل واحد وليه ماكانه." جميلة: "لأ إحنا كلنا واحد سامعة يا دادة." سميرة: "ماشي يا جميلة. أسيبك أنا بقى عشان تاكلي." جميلة: "تمام." ومشت وجميلة أكلت ونزلت تتمشى في الجنينة وهي بتفتكر ذكرياتها مع عمران وفارس وهما صغيرين. وراحت المخزن بتاع الفيلا ووقفت قدام لوحة كبيرة كان مرسوم فيها ولد وبنت وطفل صغير معاهم. جميلة افتكرت يوم ما رسمت لوحة هي وفارس مع بعض. فلاش باك.

فارس مسك إيد جميلة ومشي بيها على المخزن. جميلة: "سيب إيدي يا فارس إحنا هنروح فين؟ فارس: "عملالك مفاجأة. غمضي عينك." جميلة: "حاضر." وفعلاً جميلة غمضت عينيها وبعد شوية من المشي قالت: "افتح عيني يا فارس." فارس: "اممم افتحي." فتحت عينيها ولقيت نفسها واقفة قدام لوحة كبيرة ومش مرسوم فيها حاجة. جميلة: "إيه ده؟ فارس: "أنا عارف إنك بتحبي الرسم عشان كدا حوشت من مصروفي وجبت دول عشان نرسم أنا وانتي."

جميلة حضنت فارس وقالت: "أنا بحبك أوي يا فارس. أنت أجمل فارس في الدنيا دي كلها. أنت وجدو عمران." وكملت بحزن وقالت: "وبابا كمان." فارس: "يلا يا جميلة نرسم." جميلة: "ماشي بس هنرسم إيه؟ فارس بعد تفكير: "هنرسم أنا وانتي وأختي نور اللي ماتت." جميلة: "ماشي." باك. جميلة: "ياريتك يا فارس فضلت كويس لحد دلوقتي." ومشت راحت أوضتها. بليل في أوضة جميلة كانت نايمة وسمعت صوت حد في الأوضة. فتحت عينيها لقيت...