رواية جميلة الفارس الفصل الثامن 8 - بقلم سلمى

لقيت فارس ومعاه هدومه. جميله: أي دا أنت بتعمل أي؟ فارس: هنام هنا. وسابها وحط الهدوم في الدولاب. جميله قامت وراحت عنده وقالت: "مش أنت ليك أوضة لوحدك؟ اتفضل يلا روح أوضتك." فارس مسكها من إيديها وقال: "قولتلك هنام هنا، أي مش بتسمعي؟ وبعدين دي أوضتي زي ما هي أوضتك، فاهمة؟ وسابها وراح الحمام وقفل الباب. جميله بصوت واطي: "إيه القرف دا بس يا ربي، أوووف." راحت نامت على السرير، وفارس خرج من الحمام ونام. تاني يوم.

جميله صحيت ملقيتش فارس في الأوضة. قالت: "أحسن، اهو غار في داهية." فارس بصوت من وراها: "سمعتك على فكرة." جميله بصدمة: "هاا؟ سمعت إيه؟ أنا قولت إيه يعني؟ فارس: "امممم افتكري. وبعدين أنا ماشي عشان عندي شغل، يلا عشان ننزل نفطر." جميله بستغراب من طريقة فارس الجديدة: "ها؟ يلا ننزل." ونزلوا يفطروا. على السفرة. كانوا كلهم قاعدين، وقالت إسما: "فارس هاجي معاك انهارده." فارس: "تمام، ماشي."

جميله سابتهم ومشيت راحت أوضتها وقعدت الباب. وتحت كانت إسما راحت تلبس عشان تروح مع فارس الشركة. فجأه التليفون رن. مجهول: "إيه يا إسما، التنفيذ انهارده؟ إسما: "قولتلك مترنش وأنا في البيت عشان محدش يسمع." مجهول: "أنا حبيت بس أفكرك." إسما: "خلاص، كلها انهارده وكل حاجة هتكون بتاعتنا يا حبيبي." مجهول: "إيه طبعاً، بس أنتي تعملي كل اللي اتفقنا عليه بالحرف الواحد." إسما بضحكة شر: "طبعاً يا روحي."

وقفت معاه ونزلت تحت، لقيت فارس مستنيها وخدها ومشوا وراحوا الشركة. عند جميلة. دخلت أوضتها بعد ما سمعت إسما وهي بتتكلم، وكانت بتعيط وبتقول: "يتري إسما كانت تقصد إيه بكلامه؟ ومين اللي كانت بتكلمه؟ أنا لازم أقول لفارس كل حاجة." جريت على التليفون بتاعها وفضلت ترن على فارس، مكنش بيرد. جميله قالت: "أنا لازم أروحله في أسرع وقت، أكيد إسما هتأذيه." وراحت تلبس. عند فارس في الشركة.

كان قاعد في المكتب بتاعه وبيراجع أوراق، وفجأه دخلت الشرطة. وقال واحد منهم: "أنت أستاذ فارس الجارحي؟ فارس: "أيوه، في حاجة؟ الشرطي: "فتشوا المكتب دا حتة حتة." بعد التفتيش، جه واحد وقال: "لقيت دا يحضره الظابط." ومد إيده بكيس فيه نوع من أنواع المخدرات.