رواية جميلة في قلب الاسد الفصل السادس والثلاثون 36 - بقلم شهد عبدالحافظ

عمار: ركب العربية ودموعه نزلت وقال: وحشتني أوي أوي يا عزام، أنا حاسس إنك معايا يا خويا بس فين معرفش، بس اللي أعرفه إني هجيب حقك. هندم أي حد كان سبب إنه يأذيك. ودور العربية ومشي. حسن: أنا نفسي أعرف أنا مين. متولي: بحزن: يعني انت لو عرفت أهلك هتسبني يا حسن؟ حسن بحب: لا طبعًا يا بابا، دا أنا عشت طفولتي كلها معاك، بس فضول أعرف أنا مين وليه أهلي مش بيسألوا عليك.

متولي: الدنيا بملها مشاكلها، بس تعرف شكلك ابن ناس. اليوم اللي شفتك فيه في المستشفى كان معاك طفل برضه عامل حادثة، هو مات وانت لأ. من ساعتها وأنا أخدتك وربيتك، عوضتني عن فقدان وحدتي. حسن حضنه بحب وقال: ربنا يخليك ليا يا بابا. عند حورية: قاعدة في الأوضة بتعيط، ماسكة صور عمار بتقول: ليه اتغيرت معايا يا عمار؟ أنا واثقة إنك بتحبني، ليه واجع قلبي وواجع قلبك؟ قمر: دخلت جريت على حورية وقالت: في إيه مالك؟ حورية:

حضنت قمر وقالت: مش قادرة بجد أستحمل معاملة عمار، ليه بعده عني يا قمر. قمر بحزن: على أخته وقالت: أنا أهو في أولى كلية، عارفة إني أصغر منك بس صدقيني حاولي تنسي، بطلي وجع في قلبك، دموع بتنزل بتدبل وشك، انتي جميلة مليون واحد يتمناك، كمان كفاية حزن مامي عليكي. ليالي: دخلت وقالت: بحس دائمًا يا قمر يا بنتي إنك كبيرة وعقلك أكبر من حورية. قمر: مش حكاية كدا يا ماما، حورية قلبها طيب، هي حبت بجد. ليالي بحزن:

خدت حورية في حضنها وقالت: حاولي يا بنتي تنسي، هو أكيد بيحبك بس هو عايش في ضلمة أخوه الله يرحمه. إحنا نقعد بقى حاطين إيدينا على خدنا تحت رحمة الأستاذ عمار. حورية: طلعت من حضن أمها، مسحت دموعها وقفت بقوة وقالت: أنا وهو يا مامي، انتي فعلاً عندك حق، أنا هوريه إنه خسرني. قمر: قامت نطت وقالت: أيوا كدا يا حورية يا جامد، أي كيدهن عظيم. ليالي ضحكت: وقالت: أعوذ بالله من الشياطين. أسد: قاعد في المكتب مشغول في الأوراق اللي معاه.

دخل زين: هو ماسك كوباية القهوة بيقول: مسا مسا على الناس الكويسة. أسد: اتنيل، اقعد يااض. زين: مش عيب، دا أنا حتى شعري الأبيض طلع، انت بتقول إيه؟ أسد: رفع حاجبه وقال: عندك حق يا زينو، كبرت، العاصمة كبرت. زين بغضب: لا يا خويا الكلام ده ليك مش ليا، أنا هفضل شاب وسيم كمان. أسد ضحك: قال: أها، أنت شكلك فاضي، جاي تجر شكلي صح؟ زين: لا أبدًا والله، بس في صفقة جاي أعرضها عليك. أسد: وريني يا أبو المصائب أنت.

زين: اتفضل يا صاحبي يا حبيبي. عند حسن: واقف قدام المراية بيبص على ملامحه، وشكله بيقول: أنا شبه أوي اللي في سلسلة. وطلع عزام، سلسلة اللي فصلت معاه، وكانت الصورة بتاعت عمار. متولي: دخل وقال: واقف بتعمل إيه يا حسن؟ حسن: لبس السلسلة وقال: مفيش يا بابا، أنا طالع أتمشى شوية، جاي. متولي: خلي بالك من نفسك يا حبيبي. حسن: ضحك وقال: حاضر. وطلع حسن يجري على الطريق، هو بيفكر سرحان في اللي في الصورة. عمار:

كان ماشي بالعربية بيقول: حاسب، بس للأسف.