رواية جميله الفصل الثاني عشر 12 - بقلم الكاتبه الصغيره

تمام أنا جايلك. رجع سالم ليهم واستأذن منهم وخرج. راح على المكان اللي هيقابل فيه مصطفى. وصل لقي مصطفى قاعد مستنيه. "أهلاً يا مصطفى." "اقعد يا سالم، دا موضوع كبير أوي." "قلقتني يا عم، في إيه؟ "وأنا بدور على معلومات عن جميلة اكتشفت حاجة هتنفعنا أوي في القضية اللي شغالين عليها." "إزاي؟ فهمني." "المرأة اللي اسمها حسنات دي طلعت متورطة مع شبكات كتيرة شغالة في الـ... "يـ... "اهدى، لإن فيه حاجات كتيرة." "متنطق يا مصطفى."

"هي شغالة برضه في تجارة الممنوعات، بس فيه حاجة هتصدمك، هي تبقى... "إيه؟ "هـ... "هـ... "هنعمل إيه دلوقتي؟ "احنا أكيد هنقبض عليها، بس بطريقة ذكية، أنا عندي خطة. بص، انت دلوقتي تروح وتجمعلي الفريق كله، شكل ورانا طلعة كبيرة." "أنا أحياناً بخاف من دماغك دي." "روح انت بس واجمعهم، وأنا هروح وأجي بعدك." "تمام." مشي سالم وروح على البيت على طول. لقى جميلة وسحر لسه بيتفرجوا على الفيلم. " ازيكم يا أهل البيت، عاملين إيه؟

"ما انت كنت معانا دلوقتي، في إيه؟ "أنا بس جاي أقولكم إني مش راجع النهارده، ورايا شغل." "في إيه يا سالم؟ "مفيش يا أمي، أنا هروح دلوقتي. وعلى الله بكرة بإذن الله أكون جيت. جميلة، عاوزك في كلمة." "روحي معاه يا جميلة." راحت جميلة معاه وهي مش طايقاه. "جميلة، أنا مش عاوزك تخرجي من البيت." "ليه؟ هو فيه إيه؟ "مفيش، اسمعي الكلام بس." "طب وشغلي؟ انت وعدتني إنك هتخليني أشتغل." "بعدين يا جميلة، بعدين. بس دلوقتي اسمعي الكلام."

"خلاص، ماشي." باس سالم جميلة من خدها ومشي وسابها قبل ما تشتمه. "هو الجدع ده مجنون ولا إيه حكايته معايا؟ بس ليه مش عاوزني أخرج من هنا؟ أكيد فيه حاجة كبيرة." أما سالم فراح على المخابرات، لقاهم كلهم هناك. "أنا جمعتكم عشان ورانا طلعة كبيرة." "قصدك إيه؟ "القضية اللي شغالين عليها، ظهر جديد فيها هيقلب كل حاجة. هيخلي الخيوط كلها في إيدينا." "يا عم، انت بتكلمنا بالألغاز ليه؟

"بصوا، إحنا عرفنا طرف مهم في القضية. دا ملف هديهولكم تقراوه، وانتوا هتفهموا كل حاجة." "مين حسنات دي يا سالم؟ "دي اللي هتخلينا نقبض على كل الشبكة اللي بقالنا سنين بندور عليها." "انت بدأت اتكلمت كده يبقى أكيد فيه خطة." "أيوه فيه، بس أنا محتاجالكم." "واحنا معاك في كل حاجة." "أيوه، سليم معاه حق. إحنا معاك، قولنا انت بس إيه اللي في دماغك." "... "انت دماغك سم! جبت الفكرة دي إزاي؟

"بصوا، إحنا هنفضل هنا لحد ما ندرس الخطة ونحدد الوقت اللي هنعملها فيه. ولازم نعرف الرؤساء بكده." "انت عارف هما اللي ولونا العملية دي وهما عارفين إننا هنقدر نعملها." "طب يلا عشان نخلص شغلنا." نسيبهم هما، هنروح لجميلة اللي قاعدة من ساعتها بتفكر في كلام سالم ومن حركاته معاها. "في إيه يا بنتي؟ سرحانة في إيه؟ "لا أبداً، مفيش يا ماما." "احكيلي يا بنتي، انتوا فيكم حاجة غريبة من وقت ما سالم كلمك."

"بصي يا ماما، أنا هقولك على كل حاجة." حكت جميلة كل حاجة لسحر، اللي كانت مبسوطة أوي، بس قلقت من حكاية عدم الخروج دي. "إن شاء الله خير يا بنتي." "أنا خايفة أوي." "سيبك انتي من الحكاية دي، انتي قولتيلي إن سالم باسك ها؟ "يـ... يا ماما الله! "أنا بقى عارفة هو بيعمل كده ليه." "طب ليه؟ قولي والنبي." "... ياترى سالم عرف إيه عن حسنات (والدة جميلة) وإيه هي خطته عشان يقبض عليهم؟ وياترى سحر هتقول لجميلة إيه؟