رواية جميله الفصل الثالث عشر 13 - بقلم الكاتبه الصغيره

جميلة: أنا آسفة على التأخير، ولو الرواية معجبتكوش ومش عاوزين أكملها قولولي. جميلة: طب ليه؟ قولي والنبي. سحر: عشان بيحبك. جميلة: بيحبني أنا؟ سحر: أيوه بيحبك انتي. انتي مش شايفة معاملته ليكي ولا إيه؟ ده حتى زعل سالي عشان خاطرك. جميلة: بس هو خاطب. سحر: جميلة، انتي بتحبيه؟ جميلة: لا. سحر: هتضحكي عليا أنا؟ أنا صحيح معرفكيش من زمان، بس أنا قدرت أفهمك في الوقت اللي قعدتيه معايا. احكيلي.

جميلة بخجل: الحقيقة يعني، هو مجرد إعجاب. سحر: أيوه ي سوسة انتي. جميلة: بس هو مش خاطب وبيحب خطيبته. سحر: ده ابني وأنا اللي مربياه وعارفة اللي في قلبه. اللي شفته منه وخوفه عليكي، معملش كده مع حد. انتي مفكرة إنه كان ممكن يجيب أي واحدة ويقعدها معانا غير لما يكون متأكد منها. جميلة: بس أنا خايفة من ردة فعله لما يعرف. سحر: سيبك من الموضوع ده دلوقتي. نتكلم في حكايتك انتي وسالم. جميلة: بس.

سحر: أنا عاوزة أطمن على ابني ومش هعمل كده غير لما انتي تكوني في حياته. جميلة: طب وهنعمل إيه؟ سحر: هو اللي هيعمل، متقلقيش. جميلة: انتي إيه اللي في بالك؟ سحر: ... عند سالم كان قاعد لسة مع صحابه وبيخططوا في اللي هيعملوه. عمر: يعني إيه ي سالم؟ سالم: زي ما قولتلكم. أنا هتصل وهعمل اللي قولتلكم عليه. مالك: بس انت متأكد إنها مش هتكتشف الحكاية دي؟ سالم: آه متأكد من اللي بعمله. كل واحد عرف اللي هيعمله. الكل: آه عارفين.

سالم: يلا هنتقابل بكرة. مع السلامة. بس كل واحد يجهز نفسه. مشيوا كلهم وسالم روح على البيت لقي جميلة وسحر وفي شاب قاعد معاهم. سالم: مين ده؟ سحر: مش تقول السلام عليكم الأول. سالم: السلام عليكم. ممكن أعرف مين ده؟ سحر: ده شاب متقدم لجميلة. سالم: نعم؟ من امتى ده إن شاء الله؟ ومحدش قالي ليه؟ ولا أنا مش موجود؟ سحر: مش مهم رأيك. المهم رأي جميلة. ولا إيه ي جميلة؟ جميلة: اللي تشوفيه ي ماما. سالم: انتوا بتستهبلوا؟

هو أنا هوا ولا إيه؟ أنا اللي رأيي هيمشي. الشاب: أنا جاي أطلب إيد الآنسة جميلة. وأظن إن ده ما يزعلش حد. سالم: انت لو عايز تطلع من هنا سليم، يبقى تمشي حالا. وإلا قسمًا بربي العزة إنك هتخرج على نقالة. مسك سالم إيد جميلة وأخدها معاه لأوضته. دخلها ورزع الباب. جميلة اتخضت من الصوت. سالم التفت ليها: مين بقي الدبدوب اللي تحت ده؟ جميلة: ده شاب جاي يتقدملي. سالم: ما أنا عارف إنه زفت. بس هو يعرفك منين؟ جميلة: وأنا إيه؟ هيعرفني؟

هو محترم وجاي داخل البيت من بابه أهو. إيه اللي مزعلك؟ سالم: يعني انتي موافقة؟ جميلة: وموافقش ليه؟ اديني سبب واحد. سالم: انتي بتاعتي ولا يمكن أسيبك لغيري. فاهمة؟ جميلة: لا مش فاهمة. أنا مش سلعة عشان أكون ملكك. أنا بني آدمة وعندي رأي وعندي حياة. سالم: جميلة، لمي الدور. بدل والله ما أطلع أخلص على الجدع اللي تحت ده. جميلة: انت مالك بي؟ ابعد عني. سالم: أنا مش هسمحلك تبعدي عني ي جميلة. جميلة: انت مجنون. سيب إيدي وابعد عني.

طلع سالم من الأوضة بعد ما حبس جميلة فيها وهي عمالة تخبط. لكنه مشي وسابها ونزل لقي الشاب لسة قاعد مع سحر. سحر: إيه الخبط ده ي سالم؟ سالم: مفيش ي أمي. وانت ي عم انت امشي. معندناش بنات للجواز. يلا من غير مطرود. خرج الشاب من البيت وساب سحر وسالم. سحر: ممكن تفهمني إيه الجنان ده؟ سالم: جميلة مش هتتجوز ي أمي. سحر: وانت مالك انت؟ ده رأيها هي. سالم: وهي رأيها من رأيي. سحر: طب وهي فين دلوقتي؟

سالم: حابسها في أوضتي. وأوعي تفتحلها. سحر: سالم، انت بتعمل كده ليه؟ سالم: عايزة تعرفي بعمل كده ليه؟ أنا هقولك.