رواية جميلتي الفصل الخامس عشر 15 - بقلم نورا فريد

جميلة بهمس: أنا حامِل. وبعدت عنه وعلى وشها ابتسامة. أسر شرد: (أقول لك إزاي إني مش عايز عيال؟ مش مستعد ابني يقول لي أونكل مروان بيشرح أحسن منك، مش مستعد. أنا آه حبيتك وكل حاجة بس مش لدرجة أطفال في حياتي) جميلة بقلق: أسر، أنت كويس؟ أنت مش فرحان؟ أسر: (مهما حكيت لك مش هتحسي بيا ولا هتفهميني) أسر شال جميلة وقعد يدور بيها، مقدرش أقول إنه فرحان ولا أقدر أقول إنه زعلان. ممم، نقدر نقول إنه خايف من اللي جاي.

جميلة: يا مجنون نزلني. أسر: أنا بحبك قوي يا جميلتي. جميلة: وأنا كمان بحبك أوووي بس نزلني لأني دوخت. أسر نزل جميلة وقابل يدها بحب: أنا مش مصدق نفسي لحد دلوقتي. جميلة: مش مصدق إنك هتكون أب ولا لإنك اتجوزت واحدة من الصعيد؟ أسر: لإن أم ولادي الست اللي بحبها. جميلة بحب: عارفة، أنا الأول كنت مخنوقة من الجوازة دي، كان نفسي أخلص بس من غير ما أحس حبيتك، من رغم إن من نسبة ليا كان مستحيل. (وتمسك جميلة إيد أسر وتقول بدموع)

جميلة: أسر، أنت لازم تتغير... مش علشاني علشان ابنك. بلاش تضيّع عمرك وصحتك في الشرب والحاجات دي يا أسر، افهمني أنا مش عايزة الشاب اللي البنات حواليه والجو ده، أنا عايزك لوحدك من غير كل ده. أنا عايزك كده مش محتاج تثبت لي إنك فخر، أنا والله العظيم فخورة بيك وفرحانة إنك أبو ابني، أنا فخورة بيك لإنك تغري إنك مش مخادع، مش بتاع مصلحتك... إنك راجل دخل البيت من بابه. أسر، اوعدني إنك تسيب الطريق الضلمة ده وهتمشي عدل.

أسر نظر ليها. جميلة: إنك هتلتزم في الصلاة وتقرا القرآن وتسيبك من السكة دي، اوعدني يا أسر. أسر مسح دموعها: أنا آسف إن الدموع دي بسببي. جميلة: الدموع دي لإني خايفة عليك من اللي بتعمله في نفسك. أسر حضنها بفرحة إن أخيرًا في حد شايفه وبيحبه فعلًا من غير ما يقول مروان وخيار والجو ده، حد قبله بكل ما فيه. أما في غرفة مروان، أميرة في التواليت. أميرة بصدمة وخوف: إيه ده؟ الدم ده! أميرة حطت إيديها على بوقها

وبعدين نظرت لأصابعها: الدم ده جاي منين؟ ... مفيش حاجة، مفيش حاجة، تلقي لما اتعصبتي وكده. وخرجت أميرة من التواليت وبالصدفة كان مروان. مروان: أميرة. أميرة غمضت عيونها والتفتت ليه: نعم يا مروان، نسيت قلم جاي تديهولي. مروان: عايز أتكلم معاكي. أميرة بهدوء: وأنا مش عايزة أتكلم، عن إذنك. مسك أميرة من خصرها، بقوا قريبين من بعض قوي. مروان حط إيده على وشها: أنا آسف. أميرة: مفيش حاجة، ممكن تسيبني؟

مروان: مش هسيبك يا أميرة لإني بحبك. أميرة نظرت ليه نظرة حب ووجع وعتاب، نظرة غير مفهومة. أميرة بعدت عنه: وهو اللي يحب حد يضربه يا مروان؟ ... مروان، أنت اتعاملت معايا على أساس الدادة بتاعتك مش مراتك، وكل ده ليه علشان خوفت على ليليان؟ مروان: وإنك تخرجي من غير إذني؟ أميرة: يعني عايزها تموت وأسكت؟ مروان جذبها ليه وقبّل جبينها: حقك عليا والله العظيم غصب عني...

أنا خايف يا أميرة، خايف قوي. حاسس إني بتخنق، تعبي وخنقتي جت فيكي. أميرة، أنا والله العظيم بحبك، إمتى وإزاي مش عارف بس حبيتك. أميرة بدموع: أنت قسيت عليا قوي يا مروان، أنت جرحتني وجرحت كرامتي. مروان قبّل إيديها: أنا آسف، أول وآخر مرة، سامحيني. أميرة بابتسامة: أسفك مقبول يا مروان، والله العظيم مسامحاك. مروان جذبها ليه ومسح دموعها: حقك عليا يا قلب مروان.

أميرة: مروان، لازم تتكلم مع ليليان، يا أخي ربنا سبحانه وتعالى بيسامح وبعدين إحنا بشر و... مروان: بس مفيش بنت متربية تعمل كده. أميرة: وليه متقولش إن الزفت ده استغل بعد أهلها ليها؟ مروان: ده مبرر لعملتها، متشغليش بالك يا حبيبتي تمام. وفي اليوم التالي طبعًا كل العيلة عرفت بموضوع جميلة والكل فرح جدًا ما عدا مامة مروان. وفي شركة بدران في مكتب أسر. السكرتيرة: مستر أسر، ممكن تمضي على ده كمان؟ أسر: ماشي يا بسملة.

بسملة اقتربت من أسر. بسملة: أنت ليه مش عايز تفهم إني بحبك يا أستاذ أسر؟ بحبك قوي. أسر بصدمة: جميلة.