رواية جميلتي الفصل السادس عشر 16 - بقلم نورا فريد

جميلة بصدمة: فعل فاعل... طب إزاي ومين ممكن يعمل كده؟ جميلة وهي بترجع شعرها لورا: طب مين اللي ممكن يعمل كده ومصلحته إيه من كل ده؟ بابي عمره ما أذى حد، طول عمره في حاله. طب أعمل إيه؟ أقول لجدي؟ لا، أقول لأسر؟ مش هيفهمني. مفيش غير أميرة. وفي غرفة مروان، في التواليت، أميرة قعدت على الأرض. أميرة بألم: آآه... آه يا مأ... هو إيه اللي بيحصلي؟ معقول يكون... هو نكد مروان أصر عليا ولا إيه؟

حاسة إني متجوزة واحد بخمس شخصيات زي العروض اللي في الماركت. اشتري تلاتة وعليهم اتنين هدية. يعني أخلص من عايدة أجي هنا ألاقي عقارب. أميرة بحزن شديد: عمري ما هاطمن ليك. طب ما أمي حبت أبويا وبعدين عذبها ودمر حياتها. فلاش باك: أميرة شهدت باباها ومامتها وهم بيتخانقوا مع بعض، ضرب وإهانة. مشهد تاني: أميرة: ماما، أنتي رايحة؟

الأم بدموع: لازم تعرفي إني بحبك، مش هاسيبك حتى لما أروح، هأفضل معاكي عايشة جواكي. عايزكي متعمليش أي حاجة غصب عنك. حبي نفسك، متخسريهاش أو تيجي عليها علشان أي حد. فاهمني يا أميرة؟ متسمحيش لأي حد يقيد حريتك. امسكي في حلمك، تبدئي فيه. متخفيش غير من اللي خلقك. فاهمني يا حبيبتي. أميرة مامتها سابتها ودخلت غرفتها وقفلت على نفسها وبعدين كبت الجاز وبعدين حرقت حالها. باك:

أميرة بدموع: شكلي هيحصل فيا زي ما حصل فيكي. حبيت واحد قلبه حجر. فلاش باك: خناقة مروان وأميرة علشان أنقذت أخته ليليان. مروان: هو أنتي خرجتي النهاردة من البيت؟ أميرة بهدوء: آه بس... قبل ما تكمل كلامها كان كف نزل على وشها. مروان مسكها من شعرها بكل قسوة. أميرة بألم: آآه. مروان: يعني قلتلك ما تخرجيش من غير إذني، ورغم كده كسرتي كلامي. أميرة: البنت كانت بتموت، عايزني أعمل إيه؟ أسيبها لما سيدك يدينا الإذن؟

وبعدين أنا مكنتش لوحدي. مروان: وكمان بتتكلمي؟ يا بجاحتك! أنتي فاكرة نفسك مين علشان تتكلمي بالطريقة دي وتعملي كل حاجة من دماغك؟ أوعي تكوني فاكرة إني بحبك. لااااااا يا ماما. أنا اتجوزتك بس علشان أعرف الزبالة التانية هي إيه عندي. وفهمت. أنتي مجرد وسيلة أنتقم من شاهندة بيها مش أكتر. أنا بكرهك يا أميرة وعمري ما حبيتك ولا هاحبك. أميرة بوجع: أنا بكرهك يا مروان، بكرهك. مروان: مش أكتر مني.

مروان زق أميرة ووقعت في الأرض واتخبطت في الكومودينو. باك: ليليان: أميرة... أميرة! أميرة: إيه... إيه؟ صوتك خرج من الناحية التانية، فيه إيه؟ ليليان: أنتي اللي في إيه؟ بقالي ساعة بنادي وأنتي ولا هنا. وبعدين إيه اللي مقعدك كده؟ وماله وشك أصفر كده ليه؟ أميرة: مفيش بس تعبانة شوية. ليليان: طب تعالي نروح للدكتور. أميرة: إلا دي، هيقول حقن وأدوية ومش عارفة إيه، وأنا مليش خُلق لكل ده. ليليان: تمام. أميرة: أنتي بتعملي إيه؟

ليليان: بحجز. أنا خلاص حجزت وميعادنا بعد ساعة. أنا هاروح أجهز نفسي وأنتي كمان أرجع ألاقيكي جاهزة. تمام يا ميرو؟ مفيش كلام. أميرة: جميلة متعرفش هااا؟ ليليان: في بير، اطمني. يلا بقى. وفعلًا راحت أميرة للدكتورة وليليان معها. الدكتورة: طب إحنا كده عايزين تحليل علشان نعرف فيه إيه. أميرة: هو حضرتك شاكة في حاجة؟ الدكتورة: اعملي التحليل وبعدين نشوف في إيه. أميرة: شكرًا يا دكتورة. ليليان: شكرًا يا دكتورة. الدكتورة: العفو.

وفعلًا عملت أميرة التحليل وبعد شوية وصلوا للقصر، وفي غرفة أسر. جميلة: كنتي فين يا أميرة؟ ليليان: كنا عند دكتورة. جميلة بغضب: دكتورة؟ أميرة: دكتور الأسنان يا جميلة. سناني وجعاني بقالها فترة مش عارفة مالها وليليان راحت معايا علشان ضرسها وجعها. مالك شكلك عامل كده ليه؟ جميلة: بصي كده. أميرة: إيه ده؟ ليليان: وريني كده. جميلة: يعني أهلي ماماتوش قضاء وقدر. أميرة: مفيش غير إننا نتأكد بس إزاي؟

جميلة: صعب أسأل جدي عن حاجة زي كده. ليليان: هو مامتك مالهاش قرايب أصحاب إخوات؟ جميلة: لا مالهاش إخوات... أميرة: بس ليها أصحاب. طنط نرمين فاكرة يا جميلة؟ مامتك كانت دايماً تاخدنا معاها وهي رايحة ليها. جميلة: أيوه صح، دي كانت قاعدة مع أمي وأمك طول الوقت قبل ما تعزل من البلد. بس برضه أكيد مش هتعرفنا، حتى لو عرفتنا هنقول إيه غير كده؟ مش معانا العنوان. ليليان بذكاء: بس معانا الرقم مممم... هنتصل بالرقم ونحاول نفهم ونتأكد.

ليليان: هاتي كده. واتصلت ليليان بالرقم اللي بعت الرسالة وخدت العنوان. وراحوا هم التلاتة (طبعاً كل واحدة بعتت رسالة لزوجها إنها خارجة وليليان بعتت للاتنين) وبعد مرور ساعة. أميرة: هو ده البيت؟ ليليان: أيوه هو، الرقم بعت كده. جميلة: أنا مش مطمنة. البنات بصرخ: آآآآآآآآآآآآآآآآع.