رواية جميلتي الفصل الثامن 8 - بقلم نورا فريد

وفي المساء في غرفة أسر. جميلة بصدمة وتهرب: إيه... إيه اللي بتقوله ده؟ أنت شارب حاجة ولا إيه؟ أسر بعصبية: جاوبي على سؤالي يا جميلة. جميلة بثبات: وأنا ما كانش في حد في حياتي يا أسر. أسر ببرود: والله؟ طب بصي كده. جميلة بصدمة أكبر. أسر بعصبية: أنتي دي ولا مش أنتي؟ جميلة نظرت للصور بصدمة. أسر بعصبية: يعني فرحانة مع حبيب القلب وعاملة فيها بريئة؟ جميلة بعصبية: أنا ما سمحتلكش تتكلم عني بالطريقة دي...

وبعدين مين أنت علشان تحاسبني ها؟ مين أنت يا أسر؟ ... وآه يا أسر بحبه ولسه بحبه، سمعت يا أسر لسه بحبه. وبعدين أنا مش زي الزبالة اللي تعرفهم. فجأة نزل قلم قوي على وشها، وبعدين مسكها من شعرها. جميلة بوجع: آآآه! أسر بطريقة مرعبة وهمس: لو سمعتك بتقولي الكلام ده هقتلك يا جميلة، سمعتي؟ جميلة بألم: أنا مش لعبة في إيدك علشان تتحكم فيا. أسر زقها بقوة ووقعت في الأرض، وتركها وذهب من القصر كله، وقعدت جميلة تبكي. فلاش.

أميرة: الله الله! ممكن أعرف إيه اللي كنت شايفاه ده؟ جميلة: ها؟ هقولك بس وحياة أبوكي ما تقولي لحد. أميرة: عيب عليكي يا قمري، سرك في بير. باك. جميلة بدموع: ليه يا أميرة ليه؟ هونت عليكي ليه؟ تعملي فيا كده؟ مش مسامحاكي يا أميرة، مش مسامحاكي. وتتصل جميلة بأميرة. أما عند أميرة في غرفتها كانت قاعدة على السرير وبتقرأ كتاب. أميرة بابتسامة: ألو يا جوجو يا حبيبتي عاملة إيه؟ جميلة بعصبية: آه يا خاينة العشرة، هو دي الأخوة بقى؟

أديكي الأمان وأنتي تطعنيني في ضهري؟ أميرة بعدم فهم: جميلة أنتِ شربتي إيه؟ وإيه الطريقة دي؟ خيانة إيه وطعنة إيه؟ أنا مش عارفة أنتي بتتكلمي عن إيه أصلًا. جميلة بعصبية: ها؟ هتعمليهم عليا بقى؟ تصوريني أنا والزفت وتبعتي صوري لأسر؟ أميرة بعصبية: صور إيه وزفت إيه؟ إيه اللي بتقوليه ده؟ أنتي اتجننتي؟ جميلة بزعيق وصوت عالي: لا أنا عقلت! أنا كنت ساذجة لما اعتبرتك أختي وهتحفظي سري. أتاريكي مستنية الوقت ده علشان تدمرّي حياتي.

أميرة: صوتك يا جميلة! وما تنسيش نفسك، مش معنى إني ساكتة فيبقى أنا... جميلة بعصبية: أنتي كدابة يا بت وأنا مش عايزة أعرفك تاني. وقفلت جميلة السكة في وش أميرة وقعدت تبكي، وأميرة نفس الكلام. أما عند فاطمة. فاطمة بفرح: أكيد اختنقوا، جميلة عصبية جدًا وممكن تخسر كل حاجة في وقت غضبها، يعني مش بعيد تطلق. فلاش.

فاطمة قبل ما تتجوز هي وجميلة شافت جميلة مع حبيبها، فصورتهم على أساس تورّي الصور لجدها بعد ما تظبطها طبعًا، بس جاء موضوع جوازهم طبعًا. لعبت في الصور وبعتتهم لأسر من رقم مجهول. باك. فاطمة بخبث: علشان نبقى زي بعض بقى. أنا أتجوز واحد زي ده وأنتي تتجوزي أغنى واحد في الشرق الأوسط. ده كتير عليكي يا بنت عمي، كتير قوي قوي، بس أنا صلحت ده كله. هههههههههههههه. وبعد مرور وقت في قصر بدران، أسر أخيرًا أتى، لكن كان برضه سكران.

جميلة بسخرية: مش مستغربة على فكرة. عادتك ولا هتشتريها. أسر وهو واقف بالعافية: شيء ما يخصكيش. جميلة بحزن وعصبية: لاااا يخصني يخصني يا أسر، لما ألاقي جوزي بيرجع وش الفجر بالحالة دي وبالمنظر ده يبقى يخصني. إيه ما بتزهقش؟ ما بتقرفش من نفسك وأنت بتشرب القرف ده كل يوم؟ إيه؟ أسر سقف: برافو برافو! أحييكي على الدروس اللي بتديهالي. لا بجد برافو عليكي بجد. أديتيني دروس في الأدب والأخلاق وأنتي ماشية مع حبيب القلب!

جميلة أعطت أسر بالقلم على وشه. جميلة بعصبية: أنا أشرف منك يا حقير! أسر بعصبية: بقى أنا حقير يا جميلة؟ أنا بقى هوريكي الحقير هيعمل إيه؟ أسر ابتدأ يقترب من جميلة وهي بتبتعد: أنتي ليا أنا، أنتي ملكي أنا، مش لحد تاني. جميلة بدموع: أسر فوق، أنت مش في وعيك. أنا أنا جميلة، جميلتك، بلاش. أسر جذبها ليه: أنا بحبك يا جميلتي. أسر بحزن: بتحبيه صح؟ أنا مش هاسمحلك تروحي مني. جميلة بدموع: أنا معاك بس فوق علشان خاطري.

أسر حزن: لدرجة دي بتكرهيني؟ بس أنا بحبك يا جميلتي. جميلة بدموع: بس أنا مش عايزك. أسر بصدمة.