رواية جميلتي الفصل التاسع 9 - بقلم نورا فريد

وأخيرًا فاق أسر ونظر لجميلة بصدمة. جميلة بانهيار: ارتحت يا أسر؟ عملت اللي أنت عايزه. اختفي من قدامي ياما هأقتل نفسي. أسر كان سيقترب من جميلة. جميلة بصرخة: كفاية! إيه مكفكش؟ عايز مني إيه تاني؟ أنا بكرهك يا أسر، بكرهك! وذهبت جميلة إلى التواليت، وذهب أسر من القصر. وفي اليوم التالي، أتى أسر ووجد الجميع في الصالون. أسر: إيه ده؟ في إيه؟ جد جميلة: طب ارمي السلام يا جوز بت ولدي. أسر بعدم فهم: هو في إيه؟

جد جميلة: بقى دي الأمانة اللي أمنتك عليها تعمل فيها أكده؟ أسر: أنا ما كان قصدي إن... جد أسر بمقاطعة: وإحنا من متى بنمد إيدينا على حريم يا أسر؟ أكده أنا ربيتك؟ أسر بعصبية: هي اللي نرفزتني بكلامها المستفز و... جد جميلة: خلص الحديث. جد جميلة بحِدّة: جميلة! جميلة نزلت على السلم والشاغلين نازلين بشنطها. أسر بعصبية: ده على جثتي إنها تخرج من هنا!

جد جميلة: وأنا قولت اللي عندي، اللي ما يحترمش بت ولدي يبقى ما فيش داعي تجعد أهنيه. مامة أسر: طب نتفاهم بس يا بنتي. جميلة بحزن: ما إحنا اتفاهمنا، اتفاهمنا بالإوي كمان. (وتنظُر لأسر) مش كده يا أسر؟ يلا يا جدي. أسر مسك يدها بحزن. أسر بوجع وندم: (أنا آسف ما تسيبنيش.) جميلة بحزن: (أنا مش عايزة أمشي بس أنت اللي اضطررتني أعمل كده.) أسر: (أنا بحبك، أنا ممكن أموت من غيرك.) جميلة بوجع:

(أنا كمان ما أقدرش من غيرك بس أنت وجعتني.) جميلة طردت يديها من أسر. جميلة وهي تنظر لأسر بحزن: يلا يا جدي لأني ما أقدرش أجعد أكتر من كده. وخرجت جميلة تخطو بره القصر وهي تتذكر وهي تخطو لدخوله وأيامها مع أسر، أما أسر انهار وأبوه مسكه بالعافية، وركبت جميلة السيارة، بتبص على القصر وبعدين سندت راسها على إزاز السيارة. جميلة بوجع والدموع في عينيها: (ما كنتش عايزة أسيبك...

لأني بحبك يا أسر، بحبك قوي بس ما ينفعش أكمل معاك بالطريقة دي، ما ينفعش بس مش هأعرف أكمل من غيرك يا رب يا رب.) أما عند أسر في غرفته، أخذ يكسر كل شيء في الغرفة وهنا يأتي مروان. مروان: اتهد بقى، هتموتني، اتهد! أسر بعصبية: اطلع بره لأني مش طايق أشوف ولا أسمع فلسفة أهلك. مروان: مهوم أهلك أنت كمان. وبعدين دي واحدة سابتك، عادي يعني شوف غيرها. أسر بعصبية: بسسسس! جميلة مش واحدة... دي البنت اللي قعدت طول عمري بأحلم بيها.

مروان: حبك التاني؟ أسر: أنت عايز تجنني؟ جميلة حبي الأول والأخير، وشاهندة دي نقطة سودة في حياتي وأنت عارف. مروان بحزن: أنا مش عارف أي حاجة غير إنك أنت وشاهندة الزفت آذيتوني كتير، بس مش مهم أنا نسيتكم كده كده أنا هأبدأ من جديد مع بنت جديدة محترمة وعاقلة وأكون أنا أول راجل في حياتها. أسر: مروان ساعدني، أنا لو قعدت ثانية من غيرها أموت فيها.

مروان: علشان تتربى شوية، مع إني ما أعرفش السبب ومش عايز أعرف، بس أنا سبق وقولتلك إن تهورك ده هيوديك في داهية، ما سمعتش كلامي، اشرب بقى. مروان وهو ناوي يشل أسر: إحنا أصلاً يومين رايحين البلد علشان أتجوز أميرة، ما أنت عارف. أسر: جتِك القرف عليك وعليها، أنا عايز حل لأولع في نفسي. مروان أعطى لأسر الولاعة: يا ريت وأكون خلصت منك. وبعد مرور وقت في الصعيد في غرفة جميلة، تبكي. جميلة بحزن: اتفضل.

الجد: أنا خابرك زين من وأنتِ صغيرة، كنتِ لما تزعلي ما تقولش الحقيقة كاملة. حصل إيه يخلي وش القمر زعلان أكده؟ جميلة بابتسامة حزن: ما حصلش حاجة يا جدي، ما أنا قولتلك أنا وأسر شدينا مع بعض. الجد: متأكدة يا حبيبتي؟ جميلة: متأكدة يا جدي، لو في حاجة أكتر من أكده كنت قولتلك وقتها. وخرج الجد من غرفة جميلة وبعد شوية. جميلة: ادخل. وتدخل أميرة اللي أتت على طول أول ما عرفت من الشاغلين إن جميلة في البلد.

أميرة بلهفة: أنا جيت لما عرفت من الشاغلين إنكِ هنا. مالك يا حبيبتي؟ جميلة في ثانية نسيت خناقها مع أميرة وارتمت في حضن أميرة وقعدت تبكي بشهقة وصوت عالي. أميرة قعدت تمسد على شعرها بحنية: مالك يا حبيبتي، مالك يا جميلة؟ جميلة بعياط: اااه حاا ا، أسر سابني يا أميرة، بعد العمر ده سابني. أميرة بطريقة كوميدية: عمر إيه بس؟ دول يدوبك يومين. جميلة: ما اليومين دول راحوا من عمري اااع. أميرة أبعدت جميلة عنها.

أميرة: احكي لي، عكيت إيه ولا عملتِ إيه؟ وحكت لأميرة. أميرة: آه يا ابن الـ... إزاي تسكتي؟ جميلة: أنا لو حكيت لجدي مش بعيد يقتل أسر وأنا مش مستعدة أكون أرملة. (وتكمل بعتاب) ما كله بسببك، أنتِ السبب. أميرة بعصبية: أنتِ متخلفة! وأنا هأعمل كده ليه؟ إيه مصلحتي؟ لا وأعمل كده في مين؟ في أختي وصاحبة عمري. وبعدين أنا لو عايزة أعمل زي ما بتقولي يبقى الأولى أقول جدك مش أسر. وبعدين تصورك إزاي وأنا دايماً بتهبب واقفة معاكم.

جميلة بدموع وبراءة: لحد دلوقتي ما اتصلش بيا، نسيني يا أميرة، نسيني. أميرة بحنية: لا يا حبيبتي هو أكيد ما لوش عين يتصل. وبعدين أنا قولتلك إن بسياسة كل حاجة تتحل بس حضرتك فتحتِ صوتك وقولتِ إنك بتحبي مصطفى وهو كراجل أكيد هيتعصب بعد كلامك ليها. جميلة بدموع: بس هو شك فيا يا أميرة. أميرة: حبيبتي بطريقتك وعصبيتك دي أنا شكيت أصلاً. جميلة: واطية، ما فيش كلام.

أميرة بمرح: ما أنا عارفة يا جوجو، يلا بقى ننزل الغيط شوية لأني زهقانة قوي. وبعدين النهاردة حنة البت هنادي. جميلة: روحي أنتِ أنا تعبانة. أميرة: ما هو مش بمزاج أهلك، ويلا بقى يا أصوت وألم الناس عليكي. جميلة بضحك: مجنونة وتعمليها. وبعد ثواني كانوا البنات في الغيط، طبعاً جميلة كانت بتغني ودوخ بمرح بين الأشجار، بتغني وشايلة الطرحة من على شعرها وناسية إنها متزوجة أصلاً، وطبعاً أميرة بتغني معها. وفي المساء في سيارة مروان.

مروان: هوم رايحين فين؟ أسر: ما شاء الله، دي ناسيه إنها متجوزة أصلاً. مروان: بس زي القمر. أسر بنظرة مرعبة وصوت مرعب: احترم نفسك. مروان: أنت فهمت إيه؟ أنا بأقول على زوجتي العزيزة المستقبلية. أسر: لو ما سكتش هأوريك وأخلص منك. وبعد شوية عند جميلة في منزل صديقتها، كان المنزل مش خالي من الزغاريد والطبل والأغاني. هنادي بمرح: قومي يا بت منك ليها. أميرة: أبويا يقتلني. هنادي: لا ما ليش دعوة، هو أنتِ صاحبتي ولا بالاسم اااع؟

جميلة: الحقي يا أميرة، بتقول إيه؟ أميرة: صاحبة بالاسم مش هأرد عليكي. هنادي: اااع! جميلة: بس بس، أنا كبيري أغني وبعدين أرقص إزاي بالبتاعة اللي في إيدي دي؟ هنادي: بس الأخت ميرو لسه ما حطتش حاجة في إيديها. أميرة بميصة: أحبوش. هنادي: أميرة قومي يا ماما ولمي الدور. أميرة: وماله، علشان أبويا يخلينا ما نشوفش الشمس تاني وبعدين...

هنادي بفرح: عيب عليكي يعني أكيد واخدة التليفونات، وبعدين أكيد مش معقول هأبقى لابسة كده وفي تليفونات. هنادي مسكت إيد أميرة وقاموا يرقصوا وجميلة فضلت تغني وبعدين جميلة قامت رقصت مع أصحابها بفرح وحب. أما في سيارة مروان. أسر بقلق: اتأخرت قوي، بيهببوا إيه؟ مروان: مش عارف، بقالنا ساعتين. أسر: يا ترى بتعمل إيه؟ وبعد ما سألوا حد من اللي معدي. مروان بطريقة كوميدية: لا باين عليها إنها ميتة من الزعل. أسر بصدمة: (ده صوتها!

لا ما بدهش بقى. مروان مسك أسر: اهدى يا غبي اهدى، وبعدين دي صاحبتها يعني المفروض بتهَيِّص معها. أسر بطريقة كوميدية: والله طب لو الست أميرة هانم عملت كده؟ مروان: ده أنا أقتلها. وبعد شوية خرجوا البنات من منزل هنادي. جميلة: كانت زي القمر. أميرة: معاكي حق. جميلة: آه صح، عملتِ إيه في موضوع العريس الجديد؟ أميرة: مش عارفة بس أنا مش مستعدة إن حد يتحكم فيا، يعني مش أخلص من عايدة هانم يجي سي سيد يقرف في أهلي.

جميلة بابتسامة: طب لو كان العريس ده هو نفسه اللي شوفته في الحلم؟ أميرة بتفكير: مش عارفة بس أنا كده كده مش بتعلق في الأحلام كتير وما أقدرش أوقف عمري على واحد شوفته مرة واحدة، وبعدين مش ممكن ما بيحبنيش؟ مش ممكن يسيبني؟ جميلة بحب: مين الحمار اللي يفكر يسيب القمر ده؟ وبعدين ما فيش حد يشوفك غير لما يحبك ويتهوس بيكي. أميرة: لا يا أختي أنا مش ناقصة شغل مجنون ليلى. جميلة بمرح: قصدك مجنون أميرة يا ميرو.

وضحكوا هم الاثنين، وفضلوا طول الطريق يتكلموا، وأخيراً كل واحدة ذهبت لبيتها، أما عند أميرة في غرفتها. أميرة: قَوّي قلبك على حاا... أميرة بصدمة وخوف: أنتَ ا أنتَ بتعمل إيه هنا؟ وجيت إزاي أنتَ؟ مروان حط إيده على بوقها بسرعة: هش! افصلي. أنا هنا جيت علشان موضوع جميلة وأسر، أما جيت إزاي فدي لعبتي. أميرة: ممممم. مروان ينظر إليها: بس على الطبيعة شكلك أحلى. أميرة نظرت ليديه: ممم. مروان: بس عارفة لو... أميرة بمعنى ماشي: مممم.

وشال مروان إيده بسرعة. أميرة بصوت واطي: يا سلام! وأنا دخل أهلي إيه؟ هم مع بعض؟ أنا مال أهلي؟ تجيلي أوضتي بتاع إيه؟ ومن البلكونة؟ أنتَ عايز تجيب لي مصيبة؟ مروان حوط خصرها بيديه وينظران لبعض. مروان: بأعمل إيه في أوضتك؟ فـ... امممم، هو حرام أشوف مراتي؟ أميرة بشهقة: حاا! مراتك؟ وحياة أمك مراتك؟ إزاي أنتَ عايز تجنني و... مروان: لأني أنا العريس اللي جاي لسيدك. أميرة بصدمة: ع عريس؟ أنتَ؟ مروان بهدوء: إيه؟ مش عاجبك؟

أميرة: ... مش حكاية مش عجبني بس إزاي أنتِ ما شفتيهوش أصلًا غير مرة واحدة. مروان: آه، بس مش هأقول حبيتك والجو ده؛ لأني مش بحبه، وبعدين مش لازم أحبك. أميرة بهدوء: أومال هتتجوزني ليه؟ مروان ببرود: عجباني وأنا مش بعوز حاجة غير لما آخذها. أميرة ببرود: بس أنا مش لعبة علشان تأخذني أو تسيبني، أنا ملك نفسي وبس مش ملكك سامع، واتفضل من غير مطرود. مروان ببرود: وماله، المهم إنك مش هتكوني غير ليّ، ليّ أنا وبس. أميرة

ببرود عكس اللي جواها: امشي امشي وكفاية لحد كده. ومشى مروان وأميرة قعدت تبكي بوجع. صعب إنك تتجرح من أكثر شخص حبيته، بس الأصعب لما أحد ينسى أحد بيحبك، وده اللي بيحصل مع أميرة دلوقتي. وعدى اليوم من غير أي أحداث، وفي اليوم التالي في المساء أتى أسر وعائلته علشان يرجع جميلة. الجد: قلتي إيه يا بنتي؟ جميلة وهي بتنظر لأسر بقوة: وأنا مش عايزاك يا أسر، طلقني. أسر اتجه لجميلة وشالها وطلع بيها بره القصر.