رواية جميلتي الفصل الثاني عشر 12 - بقلم نورا فريد

ليليان غمضت عيونها وخلاص كانت هاترمي نفسها، لكن لقت اللي شدها ونزلها. سليم: إنتي اتجننتي؟ عايزة تموتي نفسك؟ عايزة تموتي كافرة؟ ليليان بانهيار: اااانت مين أصلاً علشان تحاسبنيييي هاااا؟ أنت مالك أصلاً؟ مالكششش دعوة بيااا! سيبنييي! ليليان كانت رايحة ترمي نفسها تاني. سليم مسكها بعصبية: ما تبطلي أنانية بقى! فكري في أهلك، فكري في آخرتك! هانت عليكي نفسك لدرجة إنك تنتحري؟

ليليان بدموع: أنا محدش بيحبني، حتى لو موت محدش هايزعل أو يفتكرني. أنا مش عايزة أعيش في الدنيا... الدنيا دي كلها غدر، ودايمًا ينغدر بيك من أقرب الناس. يبقى أعيش ليه ولمين؟ أنا محدش بيحبني وأنا مش بحب حد، سيبني أموت. سليم نظر إليها: وفكرك لما تموتي بالطريقة دي هايريحك؟ ليليان نظرت للأرض بخجل ودموع: أحسن من الدنيا اللي كلها غدر. سليم: امشي، امشي صدقيني مفيش حاجة مستاهلة اللي كنتِ هاتعمليها.

ليليان بدموع: بس أنا تعبت، أنا تعبت قوي. سليم: الجأي لربنا سبحانه وتعالى، لإنك ملكيش غيره. هو اللي قادر يداوي جرحك. اسجدي لربنا وادعي كتير، صدقيني هاترتَاحي. ولو عايزة تنتحري، إنتي حرة، بس مش يبقى دنيا وآخرة. ومشي سليم، أو عمل نفسه مشي، لكن في الحقيقة هو كان بيراقب ليليان بيشوف هاتعمل إيه، ومشيت ليليان. أما في قصر بدران، في غرفة أسر. أسر نايم على قدم جميلة. جميلة بتلعب في شعره. أسر: يا بنتي سيبي شعري.

جميلة: مالكش دعوة... أسر. أسر: قلب أسر. جميلة: هو أنت ومروان إيه اللي غيركم كده؟ وكأنكم أعداء مش ولاد عم. ويسرح أسر في الذكريات. فلاش باك. مامت أسر: أنت متخلف ومش فالح في أي حاجة، بص مروان بيعمل إيه! اتعلم منه، مش هو من سنك برضه يا فاشل؟ مشهد ثاني. مامت أسر: وده يجي إيه جنب مجموع مروان؟ ها! هتعيش وها تموت فاشل. مشهد ثالث.

مامت أسر: الحمد لله إن جميلة ماجرالهاش حاجة، ولا عايزة مرات أسر بدران تكون مشوهة ومرات مروان سليم. الحمد لله إنها جات في أميرة. باك. جميلة بَرْقَة: أسر. أسر مسك يدها وقبلها: عايزك تعرفي يا جميلتي إني هاكون معاكي، مش هاسيبك أبدًا لو حصل إيه. لازم تعرفي كمان إني مش بيهمني الشكل... أنا مش وحش يا جميلة، مش وحش. جميلة: ومين قال الكلام ده؟ يعني أنت لو كنت كده، أكيد ماكنتش كملت معاك. أسر مسك إيديها بشدة: ممكن تخليكي معايا؟

ماتسيبينيش يا جميلة. جميلة: والله ما هاسيبك، بس روق. ونام أسر والدموع متحجرة في عيونه. أما في غرفة مروان. أميرة: مروان، إيه رأيك لو عملت عملية تجميل في مناخيري؟ مروان: وماله يا روحي، بس قبل ما تعمليها هاتشرفي أبوكي للأبد. أميرة التفتت إليه: وده ليه؟ وبعدين أنا لازم أكون زي جميلة أو شاهندة. مروان حاول يهدّي حاله، وقعدت أميرة جنبه.

أميرة: زي ما أنت عملت بالضبط، عايش في صراعات مع ابن عمك والمفروض أخوك، إيه اللي غيرك كده؟ مروان: حاجة ما تخصكيش. أميرة مسكت يده: مش ملاحظ إنك بتبعد عني وبتتهرب مني؟ على فكرة، جميلة قالت لي إنك كنت بتحاول توقع بينها وبين أسر. مروان: لإني كنت بقول الحقيقة. أميرة: تقوم تخرب بيته؟ وليه كل ده؟ علشان شاهندة؟ مروان: أميرة! أميرة: أنا عارفة كل حاجة، وإما أنا يا انتقامك من أسر. ولو عايز شاهندة روحلها. مروان: إنتي بتخرفي.

أميرة: لا أنا عقلت. أنت ماحبتنيش يا مروان، أنت واخدني شكل وعلشان توجع شاهندة بيا مش أكتر. أنا جايز أكون حبيتك، بس لو هدوس عليا فـ أطلع قلبي من مكانه وأدوس عليه، ولا إني أبقى ذليلة. عن إذنك. وخرجت أميرة ورزعت الباب. وبعد شوية في مكتب الجد. الجد: إيه الأخبار؟ أميرة: مفيش فايدة يا جدي، مروان هايفضل طول عمره كده، مش هايتغير. الجد: وإنتي يا جميلة؟ جميلة: نفس الكلام. أميرة: أنا مش هاقدر أستحمل أكتر من كده يا جدي.

الجد: هاتسيبيه وإنتي بتحبيه؟ أميرة بحزن: لو الحب هايموتني يبقى أسيبه. جميلة بدموع: بس أنا ما أقدرش أسيب أسر لإني حامل يا أميرة. أميرة بصدمة: إيه! جميلة: أنا عارفة إني أنا خلفت الاتفاق، بس غصب عني. الجد: وإنتي يا أميرة لسه مصرة على إنك تلغي الاتفاق؟ أميرة: آه يا جدي. الجد: بس ده مش اتفاقنا يا أميرة، إنتي قولتي إنك هاتفضلي معاها لحد ما يرجع مروان بتاع زمان، وإنتي جاية ترجعي في نص الطريق. أميرة: لإني تعبت.

أميرة وجميلة بصدمة. يا ترى مين سمعهم؟ أسر ولا مروان؟ ويا ترى الجد صح ولا غلط؟ هل كده ظلم أميرة وجميلة ولا معه حق؟ القصة مش تفاهة طبعًا، في ناس كتير بيتغدر بيهم من أقرب الناس زي ما حصل في ليليان من شاهندة، وفي ناس كتير بيعيشوا أتعس ناس بسبب مقارنة أهلهم ليهم بالآخرين. أنا بعترف إن ممكن يكون في شوية لخبطة بس أنا بحاول أحافظ على جمل الرواية، وآسفة على تطويل البارت.