رواية جنة الجبل الفصل الثالث والثلاثون 33 - بقلم ايلا ابراهيم

حاولت تبعده عنها وهو دافن وشه بشعرها باستمتاع. لما زقته شويه. جبل بتمثيل: اه. جنة بخوف: انت كويس؟ انا اسفه.. اسفه والله مكنش قصدي. انا قلتلك انت لسا تعبان.. انت كويس مش كده. ابتسم غصب عنه لما حس بلهفتها وخوفها عليه. جنة بغيظ وهي بتبعد: انت بتضحك. جبل: استني هنا.. انا كويس بس حبيت اتدلع عليكي شويتين. جنة بغيظ: لا سيب الدلع لما تجيء عروستك الجديدة وابقى ادلع عليها براحتك. ومشيت وهي بتسمعه يقول: ماشي يا جنة ماشي. ***

عنيات: انت طلبتني يا عز بيه. عز: ايوا يا عنيات.. تعالي عايزك. تقدمت تلك المسنة منه بقلق. عز: نغم فين. عنيات: الولاد بينيمهم. تنهد وهو يقف ليتحدث بجدية: بصي يا عنيات.. انا عارف انتي بقالك كتير معانا.. بس. عنيات بخوف: بس ايه يا بيه؟ انا عملت حاجة زعلتك انت ولا الهانم؟ كفالله الشر. عز بحرج: احم.. لا بالعكس.. انتي مفيش زيك. لكن انا شايف الأفضل انك متكمليش بالشغل معانا. عنيات بدموع: ليه يا بيه؟ انا عملت ايه.

عز: معملتيش حاجة. ليكمل مغيرا مجرى الحديث: انا كلمت واحد صاحبي عشان تشتغلي عنده ووصيته عليكي. ودي اتعابك ومكافأة عشان تعبك معانا طول السنين اللي فاتت. عنيات: بس انا عاوزة اعرف ليه هتمشيني؟ انا عملت ايه؟ قول يا بيه لو انا عملت حاجة قولي. عز بحرج: بصي يا عنيات.. انا مكنتش حابب اتكلم.. بس هتكلم عشان متقوليش عز جالي عليا ومشاني من الشغل. عنيات بانتباه لكلامه. عز: انتي عارفة انا ومراتي علاقتنا بقالها كتير مش تمام.

عنيات: وانا والله ولا مرة اتدخلت مابينكم. عز: ممكن تسيبيني اتكلم. عنيات صمتت ليكمل عز: هو انتي معملتيش أي غلط.. لكن بنتك الله يسامحها استغلت خناقتي مع مراتي ومعرفتها لشوية حاجات جوه عيلتي وبدأت تبعت لنغم رسائل تحرضها ضدي وتشككها فيا وبأقرب الناس ليا. عنيات: يا مصيبتي! لا لا يا بيه بنتي مش ممكن تعمل كده.

عز: للأسف.. انا اتأكدت بنفسي والرسائل جاية من فون بنتك.. اعذريني بس انا مش هتحمل أشوف بيتي يتخرب والسبب بنتك. انا عارف ومقدر انتي مالكيش ذنب.. عشان كده أمنتلك شغل كويس ويناسب سنك. ودلوقتي اتفضلي.. تقدري تمشي دلوقتي. *** نغم كانت نايمة جمب عيالها وهي بتنيمهم.. غفيت. عز كان بيدور عليها.. ابتسم لما شافها نايمة جمبهم ومتفرقش عنهم بحاجة.. عيلة زيهم. نغم مبتكبرش أبدا.. هتفضل طفلة دايما.. كان بيهمس بالكلام ده لنفسه.

قرب منها وباس جبينها. صحت وابتسمت أول ما شفته وهو بتقول بصوت نعسان ذوبة اكتر مهو مفتون بيها: انت روحت امتى؟ اتأخرت اوووي.. وانا شكلي راحت عليا نومة.. هقوم اعملك الأكل. لكنه قال بخفوت وهو بيشيلها: هشششش.. مش عايز حاجة. نغم: عز.. هعملك أكل طيب. عز بغمزة: أكل ايه؟ انا عاوز آكل حاجة تانية خالص. وطلع بيها أوضتهم وهو بيبوسها و... *** هنيه أم جبل: يعني انتي مبسوطة يا بنتي مع جوزك. منى بابتسامة وخجل: أيوه.

هنيه: طب هو بيعاملك ازاي؟ اتكلمي يا بنتي.. عاوزة أطمن عليكي. منى: اطمني.. في حاجات بتكون ناقصانا ومبنعرفش أنها كانت ناقصانا إلا لما نعيشها. هنيه: الله الله.. إيه الكلام الكبير ده.

منى: عشان انتي مشوفتيش سليم وازاي بيعاملني. يمه.. أنا كنت طول الوقت العيلة المتدلع.. وكل حاجة عاوزاها تجيلي لحد عندي. بس مع سليم عشت حاجات جديدة. بيعاملني بطريقة حلوة يمه وجديدة عليا. ساعات بياخد رأيي في كل حاجة وكأني بنت واعية وفاهمة لكل شيء. ولما ببقى في حضنه بحس إني طفلة عنده عشر سنين من كتر مهو حنين معايا وبيعملني زي العيال.

ولما نتخاصم بيسيبني لحد ما أراجع نفسي وأعرف إني غلطانة. لما باجي بكلمه عشان أتأسفله وأصالحه.. بيحسسني إن محصلش حاجة وهو مش فاكر حاجة يمه. ولسة ولسة حاجات كتير بتعلمها من سليم في الجواز. يمه. هنيه: لحقتي حببتيه يا بتي. منى: مش عارفة يمه.. أنا كنت شايفة الحب حاجة واللي عايشاه وحاسة بيه مع سليم حاجة تانية خالص. هنيه: بحيرة.. والله مش فاهمة عليكي يا بتي. المهم انتي مبسوطة.

منى بابتسامة وسعادة: مبسوطة دي حاجة قليلة.. مش هعرف أبين الحاجات اللي حساها يمه. هنيه: ربنا يسعدك يا بنتي أكتر وأكتر ويألف بين قلوبكم يا حبيبتي. كان سليم يستمع لحديثهما بعد أن عاد مع حسن من الخارج "بعد أن طلب جبل منه أن يأخذ طفله وأمه ليحج الاطمئنان على منى" لييبتسم سليم بسعادة فقد وصل لمبتغاه. *** كانت بتدور بالبيت على أي حد.. لكن مفيش حد. لا شغالين ولا هنيه ولا حتى حسن ابنها.. مفيش حد أبدا.

مسكت فونها.. عاوزة تشوفهم راحوا فين. لكن بالوقت ده اتصل فيها جبل. جبل: انتي فين. جنة: انا تحت في المطبخ.. هما الشغالين فين. جبل: تعالي.. أنا مستنيكي فوق بأوضتنا. وقفل السكة. طلعت جنة بضيق من تصرفات جبل. أول ما دخلت الأوضة شدها ليه وحاوطها من ورا.. وهمس عند ودنها بسخونة: النهارده إيه. جنة: جبل.. انت بتعمل ايه. باس رقبته وهو بيفك طرحتها وبقول: انتي مش فاكرة ولا إيه. جنة بتذمر: لا مش فاكرة.. هو حسن فين. جبل بـخبث

وهو بيلفها ليه: تؤ تؤ تؤ.. النهارده انسى الكل.. متفكريش بحاجة غيرنا احنا الاتنين. جنة باستغراب: يعني انت عارف حسن وماما فين. جبل: أيوا. جنة: والشغالين. جبل بابتسامة: مشيتهم. جنة بشك: ليه. جبل: عشان نبقى لوحدنا. بعدين تعالي هنا.. انتي هتنسيني سؤالي؟ احنا النهاردة تاريخ كام. جنة مش عارفة تاخد نفسها من قربه منها ولمساته الجريئة ليها. جنة بتوتر: ممكن تبعد بقى. جبل: اتأكدي إنك هتتعاقبي عشان نسيتي أجمل يوم في حياتي.

جنة بصت ليه بتذمر. وهو قرب وهمسلها: اليوم اللي اتكتبتي بيه على اسمي وبقيتي مراتي. جنة كانت ناسيه الحكاية دي ومش فكراها أصلا. جبل وهو بيبعد شعرها عن وشها: اليوم ده أنا حسيت إني اتولدت من جديد لما بقيتي انتي مراتي. لما عم محمود سلمك ليا.. دي تبقى أول دقيقة عشتها بجد في الدنيا دي. الحضن الأول مش ممكن أنساه.. كسوفك.. رعشتك بين إيديا.. كلامك المتلخبط.. تفاصيل اليوم ده مش هعرف أنساه أبدا. جنة نزلت دموعها. جبل رفع وشها

ومسح دموعها بحنان واتكلم: الدنيا ساعات بتحطنا باختبارات كتتتيرة.. وأنا عارف إني خسرت بأول اختبار لينا.. بس انتي مش شايفة إننا نستاهل نعافر؟ عشنا.. وفي اختبارات كتتتيرة هنعيشها تاني.. بس المرة دي هنتنجح بيها عشان اتعلمنا. جنة.. جبل حط جبينه على جبينها وهمس لها: أنا مش عارفة أبقى على طبيعتي وانتي روحك بعيدة عني.. موجودة بجسمك بس. عاوز نعيد كل حاجة من الأول يا جنة.. ننسى ونبدأ من جديد وندخل جنة الجبل بجد.

بصت فعنيه وشافت الحب والصدق والإصرار فيهم. جنة بعدت عنه بغيظ: روح دخل عروستك الجديدة جنة الجبل بتاعتك. جبل مسكها وضحك بخفة: وأنا عيني هتعرف تشوف غيرك.. دنا لو هيخيروني أتجوز مية مرة هتكوني انتي العروسة. بعدين ما إنتي بقالك أربع سنين غايبة ووقتها كنت محتاج لست بجد.. مفكرتش أتجوز وقتها ليه. جنة بصت ليه بدموع وهو مسح دموعها واتكلم: عشان لو مين ما كانت مش هيعرفوا يعوضوني عن الحاجات اللي بحسها معاكي انتي يا جنة.

جنة: بس انت قو.. جبل بمقاطعة كلام: كلام.. كلام عشان أوجعك زي ما غيابك وجعني.. زي ما رفضك ليا في كل مرة بيوجعني. أنا طبعي كده يا جنة.. أنا مبعرفش أقول الكلام المعسل بتاع العيال.. بس اعرف أحافظ عليكي.. اعرف أحس بيكي. حسّي باللي جوايا من غير ما أتكلم.. عشان أنا مبعرفش. صدقني لو أعرف مش هبخل عليكي يا ست البنات.. بس قدري اللي بعمله عشانك.. ومحاولاتي الكتيرة عشانك.

تنهد واتكلم بانزعاج: أنا بقالي كتير بحاول أرتب الكلام والحاجات اللي لازم أقولها أو أعملها.. ومعرفش هي طلعتلك إزاي ولا هتقبليها ولا إيه. هو أنا لخبطت الدنيا ولا لأ. جنة ضحكت بغصة. جبل: يابوووووي عالضحكة دي.. كانت وحشاني قوووي. جنة لسا هتبعده مسكها ومنعها وهو بيقول: على فين.. دنا مصدقت التلج يدوب. جنة: بس أنا لسا.. جبل: لسا إيه يا جنة.. لسا إيه؟

إحنا هنضيع وقت من عمرنا تاني.. اللي راح راح.. وانتي هتحاسبيني على اللي جاي. جنة ب.. جبل: اششششش.. أنا عاوزك بحضني.. عاوز أتنفسك يا جنة.. متحرميناش من القرب ده.. انتي نسيتي إن كنت هموت قبل ما أكون معاكي زي أي اتنين متجوزين. شهقت بخوف: متقولش كده. جبل يحاول الضغط عليها: الموت ميعرفش صغير ولا كبير. جنة بدموع: متقولش الكلام ده تاني يا جبل.. بالله عليك. جبل: خايفة عليا. جنة..

جبل: متتكلميش.. عشان خوفك.. بيوميها دموعك فضحتك يا ست البنات.. حضنك يوميها ليا وأنا غرقان بـ*ـدمي نساني اللي كنت فيه. طب عارفة إني أتمنيت إني أطـ*ـعنت من زمان عشان أشوف لهفتك وخوفك عليا. وضعت كفها على شفتيه: متقولش كده.. كفاية يا جبل. جبل أمسك كفها وابعده وتحدث بغمزة: طب إيه. جنة أبعدت نظرها عنه بحرج ليحملها وسط شهقتها. جبل: يابووووي عالحلاوة والرواق اللي انتي فيه النهارده.. شكلنا هندخل جنة الجبل ولا إيه و...