رواية جنة الجبل الفصل الثالث عشر 13 - بقلم ايلا ابراهيم

بعد مرور شهر في حفل زفاف منى وسليم "جنة بتعيطي ليه دلوقتي يامنى؟ "عشان هتوحشوني أووي." جنة بتضيق عينيها: "هنوحشك ولا في حاجة تانية؟ منى ببكاء وحرقة: "مش قادرة ياجنة مش قادرة أنساه.. فكرة إني هبقى مع سليم وأنا بحبه دي بتدبحني." جنة بحنية: "مش يمكن سليم يكون العوض؟ بصت ليها منى بحرقة: "العوض؟

جنة: "أيوا العوض.. إحنا مش هنعرف نجبر حد يحبنا ولا أنه يتغير عشاننا.. إنتي لما حبيتي عز حبيته كده ومن الأول عارفة إنه مش هيشوفك إلا أخته وبس.. بس اخترتي تدبحي روحك بالوهم اللي عشتي بيه... صدقيني يامنى لما تدي نفسك فرصة مع الشخص الصح هتعيشي مشاعر جديدة عليكي وهتحبي بس المرة دي هتحبي بجد مش مشاعر متلغبطة زي اللي عشتها مع عز." منى: "تفتكري هيحصل كده؟

جنة بابتسامة: "سليم ابن خالتك الصغير وأنا عارفاه كويس يامنى صدقيني بشوف حبه ليكي بعينيه.. مش هقولك اديه فرصة. لااا... بس هقولك ادي لنفسك فرصة تعيشي الحب اللي بجد اللي معشتيهوش قبل كده... وصدقيني هتجيني وتقولي يااااه ياجنه أنا كل اللي عشته زمان مكنش حب." منى بصت ليها بحيرة: "إنتي بتواسيني دلوقتي؟ جنة: "أنا بتكلم بجد وهتشوفي بعينك." منى: "طب واللي عايشاه مع جبل ده اسمه إيه؟ جنة بضحكة مخنوقة: "جبل...

جبل ده حياتي كلها يامنى.. بعد موت أبويا محستش بحد يستاهل يكون مكانه زي جبل.. لكن... منى: "لكن إيه ياجنه؟ إنتي بتحبيه وهو بيعشقك.. عايزة إيه تاني؟ كفاية هجر ووجع قلب وإنتوا الاتنين بتكابروا." جنة: "مش هينفع." منى: "ليه؟ ليه لأ؟ جنة: "جبل لازم يعترف بغلطه.. هو دايماً بيلومني بيحط الحق عليا وهو عارف ومتأكد إنه غلطان.. أخوكي مهنش عليه يجي يطيب خاطري بكلمة واحدة بس.. كلمة واحدة."

منى: "إنتي عارفة جبل ياجنه.. فبلاش العند ده معاه." جنة: "سيبك مني دلوقتي وخلينا بفرحتكم." منى: "بس أنا خايفة لا يعملها ويتجوز." مسحت جنة دمعتها وقالت بجدية: "وأنا مش همنعه لو عاوز كده." منى: "إنتي بتتكلمي من قلبك؟ جنة بتهرب: "بقولك إيه.. سيبك مني دلوقتي.. العريس هيوصل كمان شوية." *** وهو بيلبس الجاكيت بتاعه: "أه شايفك مبسوطة النهاردة." نغم وهي بتحط الروج: "مش أنا أخت العريس.. أكيد هبقى مبسوطة.. وطايرة من الفرح."

عز بضحكة: "والله." نغم بدلال: "أه والله." عز وهو بيشدها ليه: "طب حيث كده.. هتبقى سهرتنا للصبح إن شاء الله." نغم: "شششش.. عيب حد يسمعك.. أمي برا." عز: "عيب إيه.. مراتي وبُضّتنا." نغم: "طيب ياعز اسكت بقى.. بقولك أمي برا." عز بغمزة: "بقولك أنا طلبت نسيب العيال عند أمك النهارده.. وبرضو يونسوها عشان نشوف نفسنا احنا كمان." نغم ضحكت. عز عض شفايفه وهمس: "أموت فيك وأنت رايق كده." ولسة هيقرب بعدته عنها.

هي بتقول: "عز متقربش.. هتخربلي الروج بتاعي." عز بغمزة: "ظبطيه تانية ومالو ياجميل.. وووو... *** بالليل جبل سلم أخته لعريسها واتكلم بجدية: "أنا اديتك حتة مني ياسليم.. خد بالك منها." سليم مسك كفها وشد عليه بهدوء واتكلم بابتسامة: "متوصينيش ياجبل.. منى حتة منك.. أنما هي بقت كل حياتي." ربت جبل على كتفه: "ده العشم بيك يابن الأصول.. ربنا يسعدكم ويهنيكم." سليم ابتسم وهو بيبص لمنى وبيردد: "يارب." عز: "ألف مبروك يابو نسب."

سليم: "الله يبارك فيك." عز: "طب إيه.. هتفضلوا هنا؟ خد عروستك واطلعوا.. الوقت متأخر." سليم كان محرج يتكلم.. لما بص لعز وعز فهمه واتدخل. سليم: "احم.. طب بعد إذنك." كان بيمشي وهو ماسك أيدها.. بيحس برعشتها.. ابتسم على خوفها.. وأول ما دخلوا الأوضة قفلها ورجع يبص ليها وهو مش مصدق إنها خلاص بقت مراته. قرب منها ورفع الطرحة وهمس: "ما شاء الله." منى معرفتش تعمل إيه.. فضلت منزلة راسها وقلبها بيضرب جامد.. خايفة.. مرتبكة. سليم

رفع وشها بأيده واتكلم: "وأخيرا.. بقيتي مراتي وعلى اسمي." منى: "سليم.. مش هتقولي حاجة؟ سليم: "عاوز أسمع صوتك يامناي." منى بخوف: "أنا.. أنا... سليم: "متخافيش.. إنتي مش لازم تخافي." منى ببس: "أنا... سليم شالها وهي شهقت بصدمة وماسكة فيه جامد.. لما حطها على السرير بعدت بسرعة.. لكنه قرب منه وهو بيقول: "متخافيش يامنى.. صدقيني مش هعمل حاجة تزعلك.. بس إنتي مش عارفة بقالي قد إيه مستني اليوم ده." منى بتوتر ببس: "سليم.."

سليم: "هش.. إنتي سيبيلي نفسك بس.. والله مش هتندمي." منى بخوف وارتباك: "سليم.. إنت بتعمل إيه.. سسس... *** نيمت ابنها كالعادة وطلعت أوضتها زي ما بلغها تعمل كل يوم.. مينفعش تنام.. بُضّت حسن عشان جبل ميتعصبش ويتجنن.. بقى بيغير عليها حتى من ابنه. سمعت صوت الميه من الحمام وعرفت إنه بيستحمى. بصت لهدومه اللي على السرير وقربت منها تشم ريحته.. رمتها بسرعة لما خرج لافف على جسمه منشفة وبينشف شعره. جبل ببرود: "اتأخرتي ليه؟

جنة: "كنت بنيم حسن." جبل وهو واقف قدام المراية وبيراقبها: "ممممم.. طيب.. عملتوا إيه النهاردة بالفرح؟ جنة: "معملناش." اتكلمت وهي بتاخد هدومها من الخزانة بتاعته.. اتصدمت لما حاوطها من ورا وهو بيهمس لها بأنفاس ساخنة: "يعني مرقصتيش في الفرح؟ جنة بتوتر: "لا.. لا." قرصها من خصرها: "متأكدة؟ جنة: "أه." جبل: "ممممم.. ماشي.. بس أنا اللي أعرفه إنك رقصتي.. وعاوزك ترقصيلي."

جنة بصت ليه بغيظ واتكلمت: "مرقصتش ياجبل ومش هرقص.. أما تتجوز.. تبقى سيب مراتك ترقص لك.. أنا مبعرفش." ومشت ناحية الحمام وهي متغاظة منه... وهي بتسمع ضحكته وهو بيقول: "يابوي.. دنا هخليها ترقص وتتدلع وتدلعني آخر دلع." ضربت باب الحمام بقوة وغيظ من ضحكته المستفزة. بعد شوية خرجت من الحمام.. مكنش موجود.. مش عارفة ليه حاسة بقبضة بقلبها. نشفت شعرها ولبست هدومها وفتحت الشباك واتصدمت باللي شافته. وويتبع.