رواية جنة الجبل الفصل الرابع عشر 14 - بقلم ايلا ابراهيم

كانت دافنه وشها بصدره وبتعيط. مانمتش طول الليل وهي جمبه. همست بدموع: قوم ياجبل قوم... اصحى عشان خاطري... اصحى انا والله مش هزعلك تاني. ماتفضلش مغمض عنيك كده... جبل عشان خاطري انا قوم... مش عايزه اخسرك ياجبل مش عايزه اعيش بالدنيا دي وانت مش موجود بيها. وانا مش جمبك. كان مكفيني انك عايش وبتتنفس إنما دلوقتي هتمشي ليه متعملش فيا كده. احنا محتاجينك. شهقاتها زادت لما دخل عز وشافها كده. عز: احم...

جنة رفعت راسها بسرعه، مسحت دموعها. عز بجديه: اطمني يامرات اخوي، هو هيبقى كويس. الحكيم طمنا. جنة ببكاء: طب هو هيصحى امتى؟ ليه نايم لحد دلوقتي. عز: معلش لازم يرتاح، دي طعنه سكين. بس انتي مش شفتيش مين اللي عمل كده. جنة بدموع هزت رأسها بكذب: لااا. عز: ماشي، تقدري تروحي انتي وانا هفضل جمبه. جنة بعناد: لا انا مش هسيبه لحد ما اطمن عليه. عز بضيق: مينفعش تباتي هنا، روحي انتي وانا اول ما يصحى هبلغك.

جنة: لا ياخويا، وحيات الغوالي سيبني جمبه مش عايزه اسيبه. تنهد عز بتعب: ماشي، طيب انا هستنى بره ولو احتجتي حاجه بلغني. هزت رأسها وهي بتشوفه بيقفل الباب. اول ما خرج مسكت أيده وحضنتها جامد وهي بتبص ليه بدموع لحد ما نامت جمبه. ******* -******* -******** فتحت عينيها بتعب وشافته ساند على كفه وبيبصلها بحب وابتسامه هاديه. اتكسفت وشدت الغطا على وشها بس منعها. هو بيقول: صباح العسل يامناي. منى... باس جمب شفايفها بحب.

لسه تعبانه؟ هزت رأسها بلا وهي بتحاول تقف لكنه منعها وهو بيقول: تحبي اساعدك. منى بكسوف: لا. متشكره. سليم: لا ليه؟ قال كلامه وهو بيشلها وبيهمسلها: امبارح كانت اجمل ليله بحياتي. منى اتكسفت وعضت شفايفها ودفنت وشها بصدره وهو بيدخل بيها الحمام وبحس بنفسها السخن على صدره و... ******* -******** -********* فتح عينه بتعب لما شافها نايمه جمبه حاضنه ايده ودموعها ناشفه على خدها.

فرح جدا وهو شايف خوفها عليه، لكنه غمض عنيه بسرعه لما حس بيها هتصحى. بصت ليه بتعب وهي بتحرك كفها على لحيته وهمست باسمه: جبل، هو انت امتى هتصحى بقى؟ دخل الطبيب ومعاه عز ووقفت جنة بسرعه تعدل طرحتها ونفسها. الدكتور: عامل ايه مريضنا دلوقتي؟ جنة بدموع: هو لسا مافتحش عينيه يادكتور، هو ليه لسا نايم؟ الطبيب: بعمليه يامدام، ده طبيعي. هو اتعرض لطعنه بجنبه. الحمدلله الاصابه كانت طفيفه ومافيهاش خطوره عليه.

جنة باختناق: اومال ليه لسا نايم؟ الطبيب: ده طبيعي، تأثير الادويه والمسكنات. لينظر إلى ساعته: انا اظن هيصحى كمان شويه، بعد اذنكم. عز: اذنك معاك ياحكيم. لينظر إلى جنة بجديه: اظن اطمنتي عليه وكفايه لحد كده، هيروحك السواق عشان هو لو عرف انك بايته هنا هيزعل قوي. جنة: لا، انا مش هسيبه ابدا، انا هفضل هنا. عز: يا ام حسن، مينفعش الكلام ده. جنة بعناد: انا قلت كلمتي، مش هسيبه وهو كده ابدا، وبعد اذنك.

لتذهب وتدخل الحمام وتتركه يراقبها بضيق من عنادها. ليسمع صوت جبل: متحاولش عنيده. عز بفرحه: انت فوقت. جبل: اه من بدري. عز: يعني عمال تخوفنا عليك عالفاضي؟ جبل بابتسامه: يعم لا فاضي ولا مليان. ليكمل بغمزه: بس حابب قربها وخوفها عليا. عز بسخريه: ياسلام... واحنا نخاف عليك عادي، نتفلق. جبل وهو بيحاول يقوم بضحكه: خلاص ياعم متتقمصش. هنخرج من المستشفى اللي تجيب المرض دي. عز: استنى عندك ياجبل، انا عاوز اعرف مين اللي عمل فيك كده.

جبل: متقلقش، انا عارفه كويس. عز بجديه: اللي عمل كده لازم ياخد جزاته. جبل وهو بيبص على أثرها: مش هينفع أأذيه عشان متزعلش تاني. عز بشك: يعني اللي عمل كده هو... جبل: ايوا ياعز، اخوها. عز: يابن ال****، والله لربيه. جبل: عز، ياعز، استنى بقولك. لكنه تجاهله وغادر بسرعه وهو يتوعد لمن فعل ذلك. طلعت جنة من الحمام واتسعت ابتسامتها لما شافته واقف بيلبس. جريت عليه بلهفه: انت فوقت، حمدالله عالسلامه. جبل: الله يسلمك.

جنة: انت بتعمل ايه؟ هتخرج دلوقتي؟ مينفعش انت لسا تعبان. جبل بجديه: انا لازم اخرج دلوقتي. جنة: مينفعش لازم ترتاح. جبل: انا مرتاح، يلا بينا. جنة: بس... جبل بغضب وانفعال: يلا ياجنة. جنة وهي تلتقط معطفه: حاضر، بس البس الجاكيت بتاعك. اخذ معطفه ومشى خطوتين لتسرع وتمسك ذراعه مردده بقلق: متستعجلش بالمشي على مهلك. توقف يناظرها بحيره وحب، وليمرر كفه على وجهها مرددا: متخافيش، انا كويس. يلا بينا. امسكت ذراعه وغادرا معا.

اوصلها إلى المنزل. جنة: مش هتنزل؟ جبل: لا، انا عندي شغل، انزلي. جنة باعتراض: مينفعش تشتغل وانت كده. انزل ياجبل. جبل: هخلص بسرعه واروح. جنة: قلتلك انزل ياجبل، مفيش شغل وانت تعبان. جبل بغضب وتحذير: جنة. شعرت بالضيق وعيناها امتلئت بالدموع، لتدير وجهها عنه بسرعه. تنهد جبل وتكلم بجديه: انا لازم اروح دلوقتي، في شغل مهم اخلصه. واروح... انا كويس، متخافيش، انزلي. جنة نزلت ولم تستطيع منع دموعها. لما...

لما يعاملها دائما بقسوه، هي فقط كانت قلقه عليه. جبل أسرع إلى الوكاله يحاول الاتصال بعز لكنه لا يجيب. حتى اتصل بأحد رجاله وأخبره أن عز بأحد المخازن مع مجموعه من الرجال. اتجه جبل بسرعه وبصعوبه استطاع ايقاف عز عما يفعله، فقد ارتكب عز ابشع طرق التعذيب بأخ جنة بسبب ما فعله بجبل، ليتدخل جبل ويخرجهم جميعا. حرك عز يده الملطخه بالدماء مرددا

بجديه وهو ينظر إلى الآخر: اعتبر دي فرصة ودن، لو فكرت تقرب لحد يخصنا تاني هتكون نهايتك يا****. جبل: امشي ياعز، كفايه عليه كده. رمقه عز بنظره اخيره ليقول: لو متدخلش جبل كنت دفنتك مطرحك. ليغادر ويترك جبل يناظر الآخر وهو منهك بسبب الضرب الذي تعرض له. جبل: عايز ايه؟ _عايز روحها. واغسل عاري. جبل: عار ايه اللي تغسله، وانت دلوقتي افتكرت أن عندك اخت؟ _دي عرضي.

جبل: ودي مراتي وأشرف من الشرف، وانا واثق بيها. واللي يفكر يهوب ناحيتها هيكون موته قبل ما يوصلها. _يعني ايه؟ جبل: يعني تعقل وتشوف حياتك بعيد عننا، الا لو حابب متشوفش النور تاني. _بتهددني؟ طب والله لاغسل عاري. وموتها على يدي. ضحك جبل بسخريه: انت عارف انك مش راجل. جاي دلوقتي عارف ان ليك اخت؟ دنتا ياأخي مهانش عليك تسأل عليها مره من ساعة ما اتجوزتها؟ ابوك مات؟ لااه، مش بس كده، فكرت تدور عليها بالأربع سنين اللي فاتو؟

وقولي، هي ليه ماالتجأتش ليك لما تعبت ولما زعلت هااا؟ جبل: انت مالكش اخت، وجنة أنا ابقى ابوها وأخوها وكل حاجه ليها. هي مش محتاجالك. ولا محتاجه لأي حد تاني بحياتها. .....

اخر مره هنبه عليك، عيش حياتك بعيد عننا، بلاش تخسر، عشان اللي يلعب معايا هيخسر قوي. انت مش شفتش لسا وشي الحقيقي. أنا بعاملك بحكم انك خال ابني، إنما لما انسى انك خال ابني واتصرف معاك كاغريب، هتشوف أيام سوده. وكل اللي عمله فيك عز ما يجيش ربع اللي هعمله فيك أنا. ابتلع الآخر ما بجوفه بخوف عندما أمر جبل رجاله بفكه وتركه يغادر. وغادر هو الآخر. ******** -******* -****** سليم: مالك يامنى؟ بتفكري بأيه ياقلبي.

منى بحزن: هما جبل وامي مجوش النهارده ليه؟ حتى خالتي زارتنا وهما لا. سليم: معلش، الغايب وحجته معاه. وعندما لاحظ حزنها: طب ماتكلميهم انتي لو حابه. منى بضيق: لا، هما هييجوا اكيد. ليقاطعهم رنين هاتفها، أسرعت لتجيب بسرعه. وابتسمت عندما لمحت اسم أخيها. منى: جبل، انت كويس وامي كويسه؟ جبل وهو يقود السياره: كويسين ياقلب اخوكي، معلش اتأخرنا بس حصلت مشكله بالشغل وهنزوركم بالليل ان شاء الله. منى بسعاده: تنوروا ياخويا.

جبل: انتي عامله ايه. منى بكسوف: كويسه الحمدلله. جبل: الحمدلله، هقفل دلوقتي وابقى اشوفك بالليل. منى: ماشي، ربنا معاك. أغلقت الهاتف وهي تشعر بالارتياح. لتشعر به يحتضنها من الخلف. سليم: ها، اطمنتي؟ حاولت أبعاده. هي تقول: هييجوا بالليل. لكنه شدها إليه أكثر مرددا: تصدقي احسن، ده حتى الواحد عاوز يريح شويه. هو عريس جديد. منى: سسسلييم. سليم بيهمهم. هو بيدفن وجهه في رقبتها. و و. ******* -******* -*******

رجع جبل البيت طمن امه عليه وطلع اوضته، مكنتش موجوده. اتنهد بتعب ونزل يدور عليها. بلغوه انها نمت عند حسن. اتعصب جدا وهو منبه عليها متنامش برا اوضتهم. دخل وهو متعصب منها، لكنه هدي لما شافها نايمه وباين عليها العياط. هو مش عارف يعمل ايه، كل اما يقول خلاص اتعدلت تخرب من حته تانيه. قرب منها وبعد شعرها عن وشها. حسّت بلمسة ايده على وشها فتحت عينيها بتعب لما شافته بيراقبها. قرص خدها بغيظ: مش قولت مفيش نوم برا اوضتنا.

جنة بعند: انا هنام هنا من النهارده. جبل وهو بيقرب منها: والله. جنة وهي بتحط اديها على صدره بخفه تمنعه يقرب منها: جبل، مينفعش اللي بتعمله ده. جبل: هو ايه اللي مينفعش؟ انك متسمعيش الكلام وعاوزه تتعاقبي؟ جنة بتوتر: جبل، متقربش كده. انت لسا تعبان. جبل: تؤ، انا مش تعبان، بس عندك... ده بيتعبني اكتر. ليكـمل بخبث: وبعدين مش قولنا تسمعي الكلام لحد ما أجيب العروسة الجديدة، ولا إيه؟ قال كلامه بغمزه.

جنة حسّت بوخزة بصدرها ولسه هتبعد بغيظ، مسكها و... ويتبع...