رواية جنة الرسلان الفصل الثالث 3 - بقلم نور الشمس

في قصر المغربي في الجنينة كان رسلان يجلس يشاهد البنات وهم يضحكون عليهن إلى أن تعبن وجلسن أمامه على الأرض. رسلان بابتسامة: والله العظيم أنتم مجانين. روتانا بضحك: ههههههههههه ومالو يا برنس الجنان. زينة بابتسامة: عارف يا بي رسلان أنا بفرح أوي لما باجي هنا. رسلان باستغراب: ليه يعني؟ زينة بحزن: هناك مينفعش، كل حاجة. رسلان باستغراب: يعني إيه؟

زينة بحزن: يعني مينفعش تخرجي برا البيت بعد الساعة 6، مينفعش تضحكي، مينفعش تتكلمي مع حد، مينفعش تعترضي على أي حاجة، مينفعش ترفضي ابن عمتك، مينفعش ترفعي عينك في حد من الرجالة. رسلان بحنان: وليه ساكتة؟ زينة بتنهيدة: أعمل إيه يعني؟ رسلان: هو إنتي عايزة تتخطبي لمازن يعني بتحبيه؟ زينة بدموع: لا مش عايزة، وأصلاً مش بطيقه، بس جدو رحيم أمر ولازم يتنفذ أوامره. رسلان بحنان: حبيبتي اهدي وبلاش دموع.

روتانا بحنان: زوزو كلمي ماجد وهو يكلم عمي رحيم. زينة بابتسامة: ماجد ولا مليون واحد يقدر يغير قرار رحيم الرفاعي، اسكتي ونبي. رسلان بحنان: أنا ممكن أتكلم مع الحاج رحيم وإنتي ملكيش دعوة. زينة بابتسامة: سيبك مني أنا فرحانة أوي إن جدو أجل الخطوبة لبعد السنة الدراسية ما تخلص. رسلان بحنان: ماشي يا زوزو. زينة بابتسامة: أشطا يا كنج، هطلع شوية وهاجي. روتانا: هتعملي إيه؟ زينة بابتسامة: مليكيش دعوة.

جريت زينة بسرعة إلى الداخل ودخلت جناح روتانا. في جناح روتانا دخلت زينة بسرعة إلى الجناح وأغلقته خلفها كويس وأخرجت هاتفها وفتحت الفيس الخاص بالبرنامج وعملت لايف، ولبست السماعة وغيرت طبقة الصوت. زينة بابتسامة: فين حبايبي وأصدقائي؟ الكل يجمع ليكم عندي خبر مهم، و خلينا نبدأ بأغنية بمناسبة العيد. وطبعاً مفيش أجمل من كوكب الشرق أم كلثوم، خلونا نسمعها ونرجع تاني مع بعض ونقول هواااا هوااااا. هواااااا هوااااااااا

مساء الورد، مساء الياسمين، مساء الفل، مساء الأنوار، مسائي أنا Z & R.

مساء العسل: كل سنة وإنتوا طيبين وبالف خير، عيد سعيد عليكم. طبعاً أنا آخر حلقة كانت معاكم يوم وقفة العيد وقولتلك إني إجازة في العيد وقولتلكم كمان إني محضرة مفاجأة كبيرة ليكم، علشان كده أنا النهاردة بالرغم إني إجازة بس حبيت أفرحكم معايا. طبعاً الكل عارف إن البرنامج بتاعي موجود على الفيس بوك واليوتيوب، علشان كده أنا النهاردة بعلن إن البرنامج هيبقى يومين في الأسبوع، يوم الاتنين والخميس، وهيبقى مباشر على الهوا لمدة ساعتين

كاملين. وكل حلقة هنعرض مشكلة وهنفتح المكالمات والرسايل للجميع، وأجمد الأغاني العربية الجديدة والقديمة والأجنبية والشعبية طبعاً. علشان كده أنا النهاردة طلعت علشان أبلغكم بالقرار الجديد، وبإذن الله هفتح الرسايل على الفيس بوك واليوتيوب وكمان على رقم الواتس آب برقم 010*********. وطبعاً الرقم ده هيشتغل واتس آب بس علشان محدش يفكر يتكلم عليه. عايزة أعرف من رسائلكم إيه أول حلقة نبدأها مع بعض، ودلوقتي أودعكم في أمان الله

ورعايته، وأتمنى لكم عيد سعيد عليكم وعلى أسرتكم الكريمة. كان معكم Z & R من برنامجكم المفضل { الصراحة }.

أغلقت زينة البث المباشر وأغلقت الصفحة، ونزلت إلى الأسفل بسرعة وتوجهت إلى مكتب رسلان بعد أن سألت عليه الخادمة. في مكتب رسلان كان رسلان يجلس وعلى وجهه ابتسامة جميلة. رسلان: وااااااااااو بجد روعة. زينة: أوباااااااااا الكنج بيفكر في مين؟ رسلان بابتسامته: بس يا مجنونة. زينة: لا بجد بتفكر في مين؟ رسلان: في برنامج الصراحة، بجد المذيعة جامدة، أنا بتابعها من أول حلقة ليها، أتمنى تظهر في برنامج على التلفزيون.

زينة: يا رب، بص قدام الكنج قال عليها جامدة، تبقى هتوصل. رسلان بضحك: ههههههههههه يالا يا مجنونة ادخلي نامي علشان نصحى بدري ونخرج. زينة بفرحة: أشطا سلام يا كنج. جريت إلى الداخل وهي سعيدة وفرحانة لأن رسلان يتابع البرنامج ويتنبأ لها مستقبل ناجح. في جناح روتانا دخلت زينة وهي سعيدة وفرحانة بشدة من كلام رسلان. روتانا بغمزة: مالك يا صغننة؟

زينة بابتسامة: رسلان فخور بيا وبيقولي إن البرنامج بتاعي هينجح وبيتمنى أظهر على التلفزيون. روتانا بهدوء: بس رسلان يقصد Z & R مش انتي. زينة بحزن: عارفة، بس سيبيني أفرح شوية. روتانا بهدوء: زوزو إنتي بتحبي رسلان؟ زينة بدموع: رسلان حلم وأمنية بعيدة أوي، هو شايفني الطفلة الصغيرة اللي اتولدت على إيده في بريطانيا 🇬🇧 وعمره مهيشوفني كبيرة وأنثى كاملة، غير كده أنا هتخطب وأتجوز لابن عمتو وأنا أصلاً مش بحبه وبكرهه.

روتانا بحزن: بس إزاي هتتجوزي واحد وقلبك وعقلك مع واحد تاني؟ زينة بدموع: يعني أعمل إيه يا روتو؟ إنتي شايفة اللي أنا فيه ومقدرتش أعمل حاجة غير كده، أحب رسلان وأعيش مع مازن. روتانا بحزن: بس مازن مش كويس.

زينة بدموع غزيرة: خلاص صدر الحكم عليا بالإعدام زي عزة بالظبط، مستحملة ضرب وشتيمة وقلة اهتمام وسقطت مرتين بسبب منصور مهتمش بيها، بالعكس دي كانت مسقطة ودخل زعق فيها وخلها تقوم تنزل مع الستات تحت تجهز الغداء، شفتي ظلم أكتر من كده؟ هو إنتي فاكرة إن عمتي بتحبني ولا بتخاف عليا؟ أنا هشوف عذاب طويلة. روتانا بحنان: اهدي حبيبتي اهدي ونسي. زينة وهي تمسح دموعها: عندك حق، أنا هنسى دلوقتي وأعيش الفترة دي بمزاجي وبراحتي.

روتانا بابتسامة: أيوه كده. زينة بابتسامة: بقولك إيه تعالي نرقص. روتانا بضحك: ههههههههههه نرقص؟ تعالي نامي يا بت بكرة في خروجة من أول الصبح مع الكنج وهيبقى متاح لينا نعمل اللي احنا عايزينه. زينة بفرحة: صح عندك حق، يالا. رمت زينة نفسها على السرير وأخذت تلعب، فضحكت عليها روتانا وضمتها لحضنها وناموا. في صباح اليوم التالي صحت البنات على صوت خبط على الباب بشدة، فنتفضن بسرعة وأسرعت روتانا إلى الباب وفتحت.

روتانا بخضة: رسلان في إيه؟ رسلان: معقولة لسه نايمين لغاية دلوقتي؟ روتانا: ليه هي الساعة كام؟ رسلان: الساعة 6 الصبح. روتانا بغيظ: وإنت مصحينا من دلوقتي ليه؟ رسلان وهو يمشي: صحي القردة التانية، ونص ساعة و تكونوا جاهزين، وكمان جهزوا شنطة هدوم صغيرة تكفيكم لباقي الأسبوع. زينة بنوم: ليه هنروح فين؟ رسلان بجدية: فات 5 دقايق وفاضل 25 دقيقة، بعدها هاخدكم كده، يالا. زينة بابتسامة: فرييييييرة يا كنج.

جريت زينة بسرعة إلى الحمام وأخذت دش منعش وتوضأت وخرجت تصلي فروضها بخشوع تام، وبعد ذلك توجهت إلى غرفة الملابس واختارت شورت باللون الأزرق مع حزام عريض باللون الأزرق وبدي باللون الأبيض وكوتش باللون الأبيض، ورفعت شعرها إلى الأعلى وعملت مكياج هادي ورشت عطرها وخرجت تجري. روتانا بتصفير: أوباااااااااا على الموزة اللي هتخطف مننا. زينة بابتسامة: بجد حلوة. روتانا بحنان: زي القمر يا قلبي. زينة بسرعة: يالا بسرعة البسي يالا.

روتانا: أشطا جهزي هدوم لينا بقي بسرعة. زينة: أشطا. روتانا: زوزو هي الهدوم دي أنا بشبه عليها. زينة بابتسامة عبط: لا هما. روتانا بغيظ: يعني أخدتي هدومي؟ زينة بسماجة: على فكرة التكت ده بتاعك. روتانا بغيظ: كمان الهدوم جديدة حرام عليكي. زينة بهدوء: طيب إيه رأيك تروحي تجهزي علشان نلحق نخرج من أول اليوم. روتانا بتفكير: عندك حق، وبعد كده أضربك. زينة: أنا هروح أجهز الهدوم.

توجهت روتانا إلى غرفة الملابس واختارت شورت باللون الأبيض مع خطوط باللون الأسود وبدي باللون الأبيض وكوتش باللون الأسود، وتوجهت إلى الحمام حتى تلبس. جهزت زينة شنطة ملابس لهم وجمعت بعض أدوات المكياج. خرجت روتانا بسرعة وعملت مكياج هادي ورشت عطرها وخرجت تجري. سحبت زينة الشنطة وخرجت بسرعة ونزلوا إلى الأسفل. رسلان بغيظ: لسه بدري يا هوانم. روتانا بسماجة: أنا قولت كده بردو. رسلان بغيظ: ماشي ماشي ادلعوا أوي.

زينة بابتسامة: ربنا يخليك لينا يا بي وتفضل تدلعنا. رسلان بصدمة: إيه اللي أنتم لابسينة ده؟ روتانا بسرعة: يالا ريسو هنتاخر. رسلان: على فكرة هنقابل ماجد هيشوفكم كده. زينة بحزن: حاضر هطلع أبدل هدومي. رسلان بحنان: لا إنتي هتركبي معايا وفي مسؤوليتي محدش يحكمك، يالا. رفع رسلان النظارة الشمسية على عيونه ومسك إيد زينة وخرج وخلفه روتانا وشاور لأحدي الحرس بإحضار الشنط. روتانا بغيظ: هو أنا هركب لوحدي؟

رسلان: لا هتركبي معايا، وفي الطريق هنقابل ماجد وهتنزلي تركبي معاه. زينة: هو إحنا هنروح فين؟ رسلان بابتسامة: الجونة وهنفضل هناك كام يوم. زينة بفرحة: وإنت اللي هتسوق يبقى نروح بالعربية الإسبور. رسلان بابتسامة: طفلتي تأمر والكل ينفذ. شاور رسلان لأحدي الحرس وطلب منه إحضار السيارة الإسبور وركبوا فيها وانطلقت السيارات خلف بعضهم البعض بسرعة.

بعد فترة وقف رسلان في انتظار قدوم ماجد الذي أتى وسلم عليهم وحضن زينة وقبل خدها، ولم يتكلم على منظر لبسها، وأخذ روتانا وانطلقوا خلف بعضهم البعض. زينة: هي ليه مامي وخالتي مجوش معانا؟ رسلان بابتسامة: مين قالك كده؟ هما زمانهم وصلوا أصلهم راحوا بالطيارة، إنتي عارفة ماما مش هتقدر تستحمل الطريق. زينة بابتسامة: كويس علشان نستمتع كلنا. رسلان: أخبار العلاج إيه؟

زينة بتذكير: كويس إنك افتكرت، عايزة أشتري مجموعة منه اللي عندي خلص وآخر علبة معايا. رسلان بجدية: هي فين؟ زينة بابتسامة: لحظة واحدة. سحبت زينة الشنطة الظهر من الخلف وأخرجت منها علبة الدواء وأعطتها له. زينة بابتسامة: كده تمام يا كنج؟ رسلان بابتسامة: تمام يا بنوتة الكنج. زينة بابتسامة: طيب يا كنج بنوتك جعانة أوي. رسلان بابتسامة: حاضر زوزو هكلم ماجد وندخل الاستراحة الجاية. زينة: أشطا أنا هكلم ميجو.

اتصلت زينة على ماجد وأخبرته بالتوجه إلى الاستراحة لتناول الطعام فوافق. بعد مرور ساعة كانت السيارات تقف خلف بعضها البعض، ونزل الجميع وتوجهوا إلى المطعم لتناول الفطار. ماجد بحنان: حبيبتي الصغننة. زينة بابتسامة: ميجو العسل. ماجد بغمزة: قوليلي بقي قلبتي الكنج فكام؟ زينة بابتسامة: عيب عليك يا برنس. رسلان بابتسامة: في إيه بتقولها إيه؟ ماجد: أبداً بسأل النصابة قلبتك في كام؟ زينة: حرام عليك ميجو أنا غلبانة.

رسلان بضحك: ههههههههههه فعلاً لدرجة إني جبت لاب توب وفون جديد وبردو المحفظة اتسحبت مني ونفضتها خالص. ماجد بضحك: ههههههههههه والله العظيم إنتي نصيبة، يعني مش كفاية لاب توب وفون وبردو قلبتي المحفظة، البت دي حرامية على فكرة. زينة: على فكرة مختش كتير، وأصلاً مكنش فيها غير 5 آلاف. ماجد بسخرية: بس لا عندك حق. رسلان: بس يا معفن دول بالدولار مش بالمصري. ماجد بصدمة: يخربيت فقرك يعني 5 آلاف دولار!

زينة بسماجة: بقولك إيه يا بي رسلان ابقي خلي الفلوس بعد كده بالدينار الكويتي أصله أغلى من الدولار. روتانا بضحك: ههههههههههه والله العظيم البت دي بتفهم. رسلان بابتسامة: حاضر زوزو المرة الجاية. ماجد: زوزو ليا كام فيهم؟ زينة بسماجة: بقولك إيه ميجو اطلب الأكل. ماجد بغيظ: واطية. رسلان بجدية: خلاص بقى اطلبوا الأكل اللي عايزينه خلينا نلحق نوصل. طلب الجميع الطعام وتناولوه وغادروا، وأعطى رسلان زجاجة مياه لزينة. زينة: ليه؟

رسلان: العلاج يا هانم. زينة بكلمة: حاضر. أخذت زينة العلاج وأخذت تصور فيديوهات للطريق وتنشرها على التيك توك والإنستا وكواي وعلى صفحتها على الفيس بوك. بعد فترة وصلت السيارات إلى الجونة وتوجهوا إلى الفندق. روتانا بفرحة: تعالي نروح البحر. زينة بفرحة: أشطا يالا. رسلان: على فوق استريحوا شوية وبدلوا هدومكم وننزل كلنا. روتانا: إحنا أصلاً هنروح نشتري مايوهات. رسلان: اطلعوا وأنا هجيب ليكم.

روتانا: لا حبيبي إحنا هنروح نجيب ونيجي بسرعة وهنروح نلبسهم في الحمام ونرحلكم على البحر. ماجد بجدية: طبعاً المايوه شرعي، علشان غير كده يبقى مفيش نزول مفهوم؟ زينة: طبعاً يا برنس. رسلان: بلاش تتأخروا. صعد رسلان وماجد إلى الأعلى وتوجهت البنات إلى إحدى المحلات لشراء مايوهات و خلفهم الحرس. اشترت روتانا مايوه باللون الأسود مع اللون الأبيض برمودا والتوب حمالات.

اشترت زينة مايوه باللون الأسود مع اللون الأحمر وأيضاً برمودا والتوب حمالات. زينة: ده عجبني. روتانا: أشطا يالا. توجهت البنات إلى البحر وأعطوا للحرس الهاتف والذهب ودخلوا إلى الحمام وبدلوا ملابسهم وخرجوا وأخذوا متعلقاتهم من الحرس وتوجهوا إلى البحر وجلسوا في انتظار قدوم ماجد ورسلان. روتانا: مامي ولولي هناك أهم. زينة: يالا نروح لهم. روتانا: صباح الورد صباحو. هنا بابتسامة: صباح العسل. لميس: وصلتم إمتى؟

زينة: من نص ساعة رحنا اشترينا مايوهات وجينا. روتانا: على فكرة ماجد هنا. هنا: عارفين. زينة: أنا جعانة مفيش أكل هنا. هنا: إزاي حبيبتي حالا أجيب لك أكل. نظرت هنا في المكان حتى رأت جرسونة فشاورت لها. الجرسونة: تحت أمرك يا فندم. هنا بابتسامة: معلش ممكن تجيبي أي معجنات. رسلان: صباح الخير. الكل: صباح النور. رسلان: هاتي سلطة فواكه للآنسات واتنين قهوة مظبوطة واتنين عصير، وقولي للمطبخ إن الطلبات دي لرسلان المغربي.

الجرسونة: تحت أمرك يا رسلان بيه. زينة بتزمر: أنا مش بحب سلطة الفواكه. رسلان بحنان: هتعجبك. زينة بتزمر: اوف اوف اوف اوف اوف اوف. ماجد بضحك: ههههههههههه أحسن فرحان فيكي. زينة بغيظ: شايفة خطيبك روتو. روتانا بضحك: ههههههههههه عمك يا قلب روتو. لحظات وجاء موظف وخلفه الجرسونة تحمل طلبات رسلان. الموظف: حمد لله على السلامة يا رسلان بيه. رسلان: الله يسلمك. الموظف: طلبات حضرتك والشيف بنفسه جهز الأطباق زي ما بتحبها. رسلان: تمام.

وضعت الجرسونة الأطباق أمام البنات والقهوة أمام الشباب والعصير أمام النساء. زينة بتزمر: مش عايزة. روتانا باستمتاع: وااااااااااو طعمه جامد والله جربيه زوزو. زينة: لا. لف رسلان الكرسي الخاص بزينة وحمل الطبق وملء المعلقة. رسلان: يالا بنوتي بليز. زينة: مش بحب الفواكه. رسلان بحنان: يالا بنوتي. تناولت زينة منه وبالفعل أعجبها جداً. زينة بفرحة: الله دي طعمها حلو أوي. رسلان بابتسامة: بالف هنا يالا. زينة: خلاص أنا هكمل.

رسلان: توتو خلاص صدر الأمر. ماجد بضحك: ههههههههههه الله عليك يا كنج. رسلان: اخرس. تناولت زينة محتويات الطبق وكانت تتمتع به بشدة حتى أنهته. روتانا: يالا بقى ننزل البحر. رسلان: يالا، ماجد روتانا في إيدك مش تسيبها. ماجد: بلاش تقلق وإنت خلي بالك من زوزو. رسلان: أكيد طبعاً. توجه الأربعة إلى البحر حتى يعوموا.